Nurse Sheimaa

Call Contact the business

Nurse Sheimaa محتوي طبي وتمريضي 💊
أسلوب مبسط للمعلومات الطبية 🩺
توعية -صحة-رعاية انسانية 🧪
📍كوستي -السودان

اليوم العالمي لكبار السن [١ أكتوبر ].إنتو بركة كل بيت 💝. #كوستي #السودان
01/10/2026

اليوم العالمي لكبار السن [١ أكتوبر ].
إنتو بركة كل بيت 💝.




#كوستي
#السودان

28/09/2026

---

البوست الثاني | كيف تفتح عيادة تمريضية قانونية في السودان؟ خطوة بخطوة 🏥

🛑 المرحلة الأولى: المحلية (ما تفتح قبلها):

جهز ملف إسمو (clinic profilo):
دا ملف مكتوب فية اسم العيادة، الخدمات الحتقدمها، وصف دقيق للمكان، الرؤية والرسالة.
بترفق ال ملف دا👆+خطاب طلب رسمي + إثبات شخصية+ عقد إيجار للمكان .
تقدم الملف لـ محلية الولاية التابع ليها الموقع.
المحلية بترسل فريق لعمل كشف ميداني للمكان.
لو المكان مطابق بتستلم تصديق المحلية.
تنبيه: في المرحلة دي لازم العيادة تكون مجهزة بالكامل، اللجنة ما بتشوف ورق بس، بتشوف:
مصدر موية وتهوية جيدة +المساحة +الخصوصية +جهاز تعقيم + عقد نفايات طبية مع شركة معتمدة ، موافقة الدفاع المدني (بتتطلب في بعض الولايات).

🛑 المرحلة الثانية: وزارة الصحة والترخيص النهائي:
بعد تصديق المحلية بتمشي وزارة الصحة بملف فيه:
✅ تصديق المحلية
✅ شهادة البكالوريوس في التمريض واذا في درجات علميه مابعد البكالوريوس ممكن ترفقها (لايشترط درجه علميه بعد البكلاريوس).
✅ ترخيص مزاولة المهنة من المجلس القومي (لازم يكون ساري - لو منتهي حتتأخر).
✅ شهادات الخبرة العملية.
✅ الأوراق الثبوتية + عقد الإيجار.

الوزارة بتكون لجنة متخصصة وبتحدد يوم لزيارة العيادة، بعد الموافقة بتدفع الرسوم وبتستلم رخصة مزاولة النشاط الرسمية.

3 معلومات مهمة لازم تعرفها:

1. الزمن والتكلفة: من المحلية لحد الترخيص بتاخد من 3 أسابيع لشهرين حسب الولاية، والرسوم بتتغير كل سنة فاسأل محليتك أول.

2. أخطاء بتأخرك: تفتح وتجهز قبل تصديق المحلية،ماعندك عقد إيجار ، وترخيص مزاولة منتهي.

3. بعد الترخيص: الرخصة بتتجدد سنوياً ، وبتنتهي علي شهر ١٢ ، لو فاتح جديد م ترخص علي اخر السنه (ياريت لو كنت عارفه المعلومه دي ).
عايز الـ Checklist الجاهز PDF بكل الأوراق بالترتيب؟
اكتب كلمة "ترخيص" في التعليقات وحنرسلو ليك في الخاص 👇

موفقين يارب 🙏❣️

#كوستي

17/09/2026

🩺❤️ ليه أنا مؤمنة بوجود Nursing Clinics في السودان؟

يمكن نموذج العيادة التمريضية لسه ما منتشر بصورة كبيرة في السودان، وعشان كده طبيعي جدًا إن بعض الناس يستغربوا و يسألوا:

«طيب العيادة التمريضية دي بتعمل شنو؟ وليه محتاجنها أصلًا؟»

وأنا بتفهم السؤال.

لأنك لو ما احتجت الخدمة دي قبل كده، ممكن فعلًا ما تتخيل قيمتها.

لكن خلوني أقول ليكم حاجة من واقع شفتو بنفسي:

إحنا في السودان محتاجين النوع ده من الخدمات. لية؟ ❤️

تخيل أم أو أب كبير في السن موجود في البيت…
محتاج رعاية بعد الخروج من المستشفى، سواء كان لفترة طويلة أو قصيرة .
محتاج غيار جرح بصورة صحيحة،
محتاج متابعة ضغط وسكر،
محتاج كادر مؤهل يتابع معاه علاجة وجرعاتة بانتظام .
محتاج حد يجي يسحب ليه عينه دم عشان يبعتوها للمعمل .
محتاج Cannula،
محتاج Nebulization،
أو ببساطة محتاج شخص تمريض مؤهل يعرف يتعامل معاه بطريقة Professional، منظمة، وآمنة.
ماكل حالة محتاجة مستشفى.
وماكل مريض محتاج طبيب في كل لحظة.
أحيانًا المريض بيكون محتاج تمريض محترف قريب منه.
وأحيانًا الأسرة كلها محتاجة زول يقول ليها:
«أنا عارف أعمل شنو، وأتابع معاكم كيف، ومتى لازم نرجع للطبيب أو المستشفى.»

وده بالضبط المكان البتحاول الـNursing Clinic تسده.
أنا ما بقول إن العيادة التمريضية بديل للطبيب أو المستشفى.
بالعكس.

أنا مؤمنة تماما إن التمريض والطبيب والمستشفى والخدمات المنزلية كلها أجزاء من منظومة واحدة بتخدم المجتمع بصورة متكاملة.

لكن التمريض عنده مساحة كبيرة جدًا في الرعاية، والمتابعة، والتثقيف، والـhome care، ومساعدة الأسرة في التعامل مع المريض بطريقة صحيحة.

وعشان كده…

للناس اللي ما شايفة ضرورة وجود Nursing Clinics،
أنا ما بلومكم.
يمكن ببساطة ما احتجتوها لحدي الآن.
لكن اسألوا الناس البعندهم أب أو أم كبار في السن في البيت.

🛑 اسألوا الأسرة البتتعذب كل مرة عشان تنقل مريضها للمستشفى عشان إجراء تمريضي بسيط.
🛑 اسألوا الشخص البيرعى مريض جرح مزمن في البيت وما عارف الغيار الصحيح كيف.
الناس ديل غالبًا حيعرفوا قيمة الخدمة دي بصورة مختلفة تمامًا.

🛑 أنا مؤمنة إن السودان يستحق إننا نطوّر نماذج رعاية صحية تناسب احتياجات مجتمعنا.

والـNursing Clinic بالنسبة لي ما مجرد «مكان بقدم فيه خدمات تمريضية».
هي محاولة إني أقرب الرعاية للناس.
أقربها للبيت.
أقربها للأسرة.
وأخلي التمريض خدمة واضحة، منظمة، ومحترفة.

🛑 يمكن النموذج جديد على بعض الناس…
لكن الجديد ما معناه إنه ما عنده مكان.
وأحيانًا… كل البحتاجه المريض عشان يحس بالأمان، إنو يلقى زول يعرف يرعاه. ❤️

🩺 عيادة شيماء التمريضية
الرعاية تبدأ من الإنسان.




#التمريض

#السودان

16/09/2026

🩺 كيف تفتح عيادتك التمريضية؟ | الجزء الأول
كتير من الناس إتواصلو معاي بسألو ياشيماء من وين نبدأ اذا عاوزين نأسس ونفتح عياده ، شنو الخطوات والاوراق والمتطلبات بالتفصيل .
أول حاجه:
ما تبدأ بالمكان… ابدأ بالفكرة. ❤️
أنا لما بديت أفكر افتح عيادتي، كان لازم أسأل نفسي بعض الأسئلة قبل ما أبدأ:
1️⃣ شنو الهدف من العيادة؟
هل الهدف تقديم خدمات تمريضية بس؟
ولا رعاية منزلية؟
ولا متابعة مرضى الأمراض المزمنة؟
ولا تقديم خدمات بسيطة وسريعة للمجتمع؟
لازم تكون عندنا صورة واضحة:
أنا عايز أقدم شنو؟ ولمنو؟ وليه الناس حتحتاج خدمتي دي ؟
2️⃣ حدد الخدمات البتقدر تقدمها
ما تحاول من البداية تعمل كللللل حاجة ماضروري كل شئ يكون مثالي من أول يوم.
اكتب الخدمات البتتقنها فعلًا، واللي مسموح ليك تقدمها حسب مؤهلاتك وترخيصك ومتطلبات بلدك.
بقول الكلام دا لأنو مابس ناس السودان بيسألو، كمان ناس الخليج مهتمين انهم يعرفوا ،وأكيد كل دولة ليها ،criteria مختلفة .
مثلاً ممكن تكون: 💉 حقن 🩹 غيارات جروح 💉 Cannulation ❤️ ECG 🩸 قياس السكر والضغط 🫁 Oxygen / Nebulization 🏠 Home Nursing ، حجامة ، ......الخ .
وبعدها اسأل نفسك: شنو الخدمة اللي عليها طلب حقيقي في منطقتي؟
3️⃣ اعرف منو المريض المستهدف
هل العيادة موجهة لكبار السن؟
مرضى الجروح؟
الأمهات؟
الأطفال؟
مرضى الأمراض المزمنة؟
ولا المجتمع بصورة عامة؟
كل ما كنت عارف ومدرك للشخص البتخدمه، كلما قدرته تبني وتقدم خدمة مناسبة ليه.
4️⃣ اختيار الـLocation 📍
شنو البخص اختيار اللوكيشن ؟
هل قريب من المرضى المستهدفين؟
هل الوصول ليهو ساهل؟
هل في مواصلات؟
هل المكان مناسب ،نظيف ،فيه تهوية ،وخصوصيته محفوظة؟
هل مساحته مناسبة للخدمات؟
وهل الإيجار أو تكلفة المكان متناسبة مع قدرتك المالية؟
المكان ياجماعه جزء من الـbusiness model .
الحاجات الفوق دي ياجماعه إنتبهوا ليها خصوصا المساحه والخصوصية وسلامة المبني ،ليه لانو ناس المحليه ممكن مايصدقوا ليك المكان اذا مااستوفي كل شروطهم .
5️⃣ احسب الإمكانيات قبل البداية
اكتب قائمة بكل الأشياء الأساسية البتحتاجها مثلا :
🛏️ سرير/مكان للفحص
🩺 أجهزة القياس
💉 أدوات التمريض
🧴 المستهلكات
🗄️ التخزين
🪑 الأثاث
📋 السجلات والنماذج
🧯 متطلبات السلامة والتخلص من النفايات الطبية (دي مهمة جدا).
وبعدها اعمل ليك ميزانية مبدئية.
6️⃣ فكر في الدخل من البداية 💰
دي نقطة مهمة جدًا.
ما يكفي تقول: «أنا حأفتح عيادة والرزق على رب العالمين »
أكيد الرزق على الله ❤️
لكن التخطيط مسؤوليتنا.
نعرف من البداية :
تكلفة الأولية .
المصروف الشهري.
أسعار الخدمات.
عدد المرضى التقريبي اللي محتاج واللي ممكن يصل للعياده .
شنو الخدمات الأكثر قدرة على تغطية المصروفات. (يعني عندي مثلا ال ECG بيغطي كويس).
ومتين تتوقع تصل لنقطة تغطي فيها العيادة تكلفتها.
7️⃣ وأخيرًا: التراخيص والمتطلبات القانونية ⚖️
قبل ما تدفع إيجار أو تشتري معدات، اتأكد من الجهة الصحية المختصة في بلدك/ولايتك عن:
✔️ هل العيادة التمريضية مسموحة بالشكل اللي انت بتخطط لية؟
✔️ شنو نوع الترخيص والتسجيل المهني المطلوب؟
✔️ شنو الخدمات المسموح للممرض بتقديمها (بيختلف علي حسب تواجدك في اي دولة) ؟
✔️ ما متطلبات المكان؟
✔️ ما متطلبات التخلص من النفايات الطبية؟
دي خطوة ما تتأجل لآخر حاجة..
في الجزء الثاني حأتكلم عن متطلبات الترخيص (الأوراق المطلوبه ،وكيفيه الترخيص في السودان ) و المرحلة بتاعة مابعد التأسيس.
Nurse Sheimaa 🩺❤️
#تمريض

احنا اكتر ناس حاضرين في حوجة غيرنا 🫂💉كممرضين وممرضات ... 👩‍⚕️👨‍⚕️حاولو ياجماعه 🙏 انو كمان تدوا نفسكم💚 وتكونوا حاضرين عشا...
06/09/2026

احنا اكتر ناس حاضرين في حوجة غيرنا 🫂💉
كممرضين وممرضات ... 👩‍⚕️👨‍⚕️
حاولو ياجماعه 🙏 انو كمان تدوا نفسكم💚
وتكونوا حاضرين عشانكم ✨
مهنتنا نوعا ما مستنزفه 🥀😮‍💨 ،بس ارواحنا عاوزه غذاء 🌱🤍
انتبهوا علي حالكم ياجماعه وين م كنتو 🫶 .
إنتو تستاهلو .... إنتو تستحقوا ....
عشان يستمر العطاء 🤲💙

🛑 ورونا كيف بتنتبهوا علي حالتكم النفسيه والجسديه أثناء العمل ؟
ممكن نفيد بعضنا بالأفكار 🙏💝



إحنا علي بعد مكالمة منك📞📞 إتصل وماتشيل هم 💫💫 مواعيد العمل :من السبت للخميس .من ٨ ص لل ١ ظهرا.من ٥ م لل ٩ مساءا.ماعدا الج...
06/09/2026

إحنا علي بعد مكالمة منك📞📞

إتصل وماتشيل هم 💫💫

مواعيد العمل :
من السبت للخميس .
من ٨ ص لل ١ ظهرا.
من ٥ م لل ٩ مساءا.
ماعدا الجمعة .

المكان :
السودان.
كوستي.
حي النصر مربع٢٤ .

🫀 خدمة رسم القلب في المنزل - كوستي وربك>حاليا متوفرة لكبار السن بالبيت .> نحنا بنجيك لحد عندك بجهاز رسم قلب دقيق وتقرير...
25/08/2026

🫀 خدمة رسم القلب في المنزل - كوستي وربك
>حاليا متوفرة لكبار السن بالبيت .
> نحنا بنجيك لحد عندك بجهاز رسم قلب دقيق وتقرير سريع.
> ⏰ متوفر 24/7
> 📞 للحجز 0115272660
>

💊 عيادة شيماء - كوستي 💊ناس الضغط والسكري تعالوا جاي 📢زهجت من كل 3 يوم ماشي تقيس ب 10 ألف ؟ 😥عملنا ليك الباقة الذهبية 👩‍...
22/08/2026

💊 عيادة شيماء - كوستي 💊

ناس الضغط والسكري تعالوا جاي 📢

زهجت من كل 3 يوم ماشي تقيس ب 10 ألف ؟ 😥

عملنا ليك الباقة الذهبية 👩‍⚕️✨

🎁 الباقة شاملة العلاج والمتابعة 🎁


✅ 10 متابعات كاملة في الشهر يعني كل ٣ يوم بنتطمن عليك.
(قياس ضغط + سكر + وزن + نصائح تغذية)

✅ وعلاجك علينا مجاااانااا(أملوديبين + ميتفورمين)

سعر الباقة: 60,000 جنيه فقط 💰
بدل 100,000 برا .

🔥 عرض الافتتاح 🔥
50,000 فقط لأول 5 مشتركين!

صحتك أهم.. خلي المتابعة علينا ❤️🙏

📍 كوستي
📱 للتواصل 0115272660

25/07/2026

روح هادئه وقلب ممتن 🙏💞


الحمد لله على الأبواب التي فُتحت.والحمد لله على الأبواب التي لم تُفتح بعد.والحمد لله على الأبواب التي أُغلقت، لأن الله ي...
23/07/2026

الحمد لله على الأبواب التي فُتحت.
والحمد لله على الأبواب التي لم تُفتح بعد.
والحمد لله على الأبواب التي أُغلقت، لأن الله يعلم لماذا.
أنا لا أحتاج أن أعرف من أين سيأتي رزقي.
يكفيني أن أعرف أنني أستطيع أن أسعى، وأن الله هو الرزاق.

Nurse sheimaa💞💞

Address

Dubai

Opening Hours

Monday 08:30 - 21:00
Tuesday 08:30 - 21:00
Wednesday 08:30 - 21:00
Thursday 08:30 - 21:00
Saturday 08:30 - 21:00
Sunday 08:30 - 21:00

Telephone

+971526841992

Website

Alerts

Be the first to know and let us send you an email when Nurse Sheimaa posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Nurse Sheimaa:

Shortcuts

Share