20/09/2026
長片慎入 😎。
入礦洞要比 16 磅，係自助+聽錄音，無人帶你入去，礦洞既入口就喺收銀處隔離既木門，呢區手機訊號幾乎係零，要靠礦場提供既 wifi。
一打開木門，陰深+冰冷既感覺撲面而來 🤢，礦洞裡面得十幾度，地面濕滑，滴水由上面石縫中滴落，還有好多上上落落既樓梯斜坡， 好彩係隨後有兩個本地遊客都進入礦洞，否則都幾驚 😨。
又要拍片又要睇路又要睇礦洞，好忙 😓，除咗唔知會唔會有咩動物 c 體 😖，又怕會有不知名昆蟲😖，雖然話有人管理，比得你入去都係安全 ... 但只係相對安全，年紀大，行動不便人士其實唔好去，而且英國人 🇬🇧 做野 ... 你不能太有信心 😣。
裡面好多嘢好難用文字形容，自己睇片 😁。個規模不是一間普通水晶鋪存貨可以相比，周圍都係 Blue John, 地下有 Blue John 碎片，（但入口講明唔可以執，執咗邊個比錢買 😂？）墻上有 Blue John, 頭殼頂有 Blue John, 遠處有 Blue John, 周圍都係 Blue John。 Treak Cliff cavern 呢邊有 15 條礦脈，當然你唔會睇到曬15 條。其實應該帶個電筒🔦入去 😭，雖然裡面有射燈，但好多位置都好暗睇唔到。
呢一區屬於石灰岩地質，礦洞裡面有海洋生物化石=以前係史前海洋，幾千年前已經有人類活動，羅馬帝國時期已經有人開採不同礦物，Blue John 工藝品幾百年前係歐洲間貴族既收藏，現今已經變得很小眾，叫做英國 🇬🇧 特產。礦場依然有 Blue John 產出，但因為要保育環境而受到管制，每年產量都是有限。而且螢石硬度只有 4， 做成成品前要經過穩定處理先可以加工成不同產品，加上人工，所以價格不會好便宜，一對純銀耳環大約50-60磅，手鐲的話差不多100磅，以首飾標準嚟講係靚既 😍。穩定處理即是先灌膠，係禾同店員吹水時話比琰飾知既。
喺裡面逗留咗大約 45 分鐘，少不免要同兩個遊客吹水，出礦洞一刻眼前既景象先知咩係風水靚地 😍。
