https://www.facebook.com/136325333704975/

Stainless steel fancy jewellery, Mandalay (2026)

24/01/2022

🥰ကိုယ်ထင်ရင် ကုတင် ရွှေနန်းတဲ့

🚩ကိုယ်ထင်တာကိုပဲအာရုံစိုက် ကြိုးစားပါ
ကုတင်ကလည်း တကယ်ရွှေနန်းဖြစ်လာနိုင်တယ်

👎သူများအပြောမှာမျောနေရင်တော့ကိုယ်ပဲနစ်နာမှာ

ချစ်တဲ့
👸အိမ့်💙

23/01/2022

🚩အိမ့်အပါအဝင် လူတိုင်းမှာ
စိုးရိမ်နေတဲ့ ကြောက်နေမိတဲ့
အရာတွေကိုယ်စီရှိကြပါတယ်

🔥ငါထင်ထားသလိုဖြစ်မလာရင်ဘယ်လိုလုပ်မလဲ❓
🔥ငါမဖြစ်ချင်တာကြီးဖြစ်လာရင်ဘယ်လိုလုပ်လဲ❓
ဆိုတဲ့ စိုးရိမ်မှုတွေကိုပိုက်ပြီး ပူပန်နေမယ့်အစား

💥စတင်ပြီး လုပ်ဆောင်ကြည့်လိုက်ပါ
အိမ့်တို့ထင်သလို မခက်ခဲတာကိုတွေ့ရပါလိမ့်မယ်✅

🚩မဖြစ်နိုင်ဘူးထင်တာတွေကိုလုပ်ကြည့်ရင်း
အသားကျလာတဲ့အခါ အားသာချက်တွေပါ
ရှာတွေ့လာနိုင်ပါလိမ့်မယ်💯

🚩ဒါကြောင့် ထပ်ပြောပါမယ်
ကိုယ်မလုပ်နိုင်လောက်ဘူးလို့ထင်တဲ့အရာတွေကို သေချာပေါက်စလုပ်ကြည့်ပါ👍

🤗နောက်တော့မှ အချိန်တွေနှမြောလိုက်တာ လို့
နောင်တရနေမယ်နော်😁

ချစ်တဲ့
👸အိမ့်💙

03/01/2022

❗️လောကမှာအဆင်းရဲဆုံးသူဆိုတာ
ပိုက်ဆံမရှိတဲ့သူ မဟုတ်ပါဘူး❌
ရည်မှန်းချက် ပန်းတိုင်မရှိတဲ့သူတွေပါ✅

အိမ့်တို့ ပိုက်ဆံမချမ်းသာပေမယ့်
ရည်မှန်းချက်ပန်းတိုင်ရှိတယ် ကြိုးစားနေတယ်ဆိုရင်💯
အိမ့်တို့က လူဆင်းရဲတွေမဟုတ်ပါဘူးနော်👍

ဆင်းရဲချင်လား❓
ချမ်းသာချင်လား❓
အိမ့်တို့အပေါ်မှာပဲ မူတည်ပါတယ်💯

ချစ်တဲ့
👸အိမ့် 💙

30/12/2021

👸ကိုယ့်ကိုယ်ကို သိပ်ဂုဏ်ယူရတဲ့နေ့လေး😊

#စင်ပေါ်မှာ ကျေးဇူးတင်ကြောင်းတွေပဲရွေးပြောခဲ့တာ
ရင်တွေတုန်ပြီး ပြောချင်တာတွေအရမ်းများနေလို့ပါ

#အိမ့်အတွက် ဂုဏ်ပြုလက်မှတ်လေးကို လွယ်လွယ်
ကူကူရခဲ့လို့ပြောစရာမရှိခဲ့တာမဟုတ်ပါဘူးနော်

#အိမ့်လို နောက်ခံအင်အားဘာဆိုဘာမှမရှိတဲ့သူအတွက်စင်ပေါ်မှာ CEO တစ်ယောက်အဖြစ်စကားပြောခွင့်ရဖို့
အိပ်မပျော်တဲ့ညတွေရှိခဲ့သလိုဘယ်သူမှမသိအောင်မျက်ရည်ကျခဲ့ရတဲ့အချိန်တွေလည်းမနည်းခဲ့ပါဘူး

#အိမ့်လိုငွေကြေးအများကြီးမရင်းနှီးနိုင်တဲ့
ကလေးအမေတစ်ယောက်အတွက်ဒီအလုပ်လေးက
တစ်ခုတည်းသောရွေးချယ်မှုပဲလို့ဆုံးဖြတ်ခဲ့ပြီး
တစိုက်မတ်မတ်ကြိုးစားရင်း အဆင်မပြေမှုတွေအခက်အခဲတွေကြားထဲကရခဲ့တဲ့အောင်မြင်မှုပိစိလေးပါ

#ရှေ့ဆက်ပြီးလဲ အများကြီးကြိုးစားသွားမယ်
ကိုယ်မရခဲ့တဲ့ဘဝမျိုးကိုယ့်သားသမီးတွေကိုပေးမယ်

#သူ့သမီးဟာ ကိုယ့်အားကိုယ်ကိုးပြီးကြိုးစားခဲ့တဲ့
သူတစ်ယောက်ပါဆိုပြီးအိမ့်မေမေဂုဏ်ယူနေစေရမယ်

#သူအရိပ်တကြည့်ကြည့် ဆုံးမလမ်းပြပြီးပံ့ပိုးပေးခဲ့ရတဲ့
သူ့အမျိုးသမီးလေးဟာ အောင်မြင်ခဲ့ပြီဆိုပြီး
အိမ့်အမျိုးသားလဲ ကျေနပ်အားရ ဂုဏ်ယူနေစေရမယ်

#အခုချိန် နာကျင်ခဲ့ရတာမျက်ရည်ကျခဲ့ရတာတွေဟာ
နောင်တစ်ချိန်ပြန်ပြောစရာပုံပြင်လေးလိုပဲဖြစ်သွားမှာပါ

ချစ်တဲ့
👸 အိမ့် 💙

18/12/2021

👨‍👩‍👧မိသားစုတွေ ပျော်ရွှင်နေမှ
ပြီးပြည့်စုံတဲ့ အောင်မြင်မှုဖြစ်နိုင်မှာပါ💞

15/12/2021

အလုပ်မှာအောင်မြင်ဖို့ကြိုးစားနေသလို
သမီးလေးပျော်ရွှင်ဖို့လည်းကြိုးစားနေတဲ့မေမေပါ😍

13/12/2021

💸ဒီခေတ်ကြီးမှာ မိန်းမတွေဘာလို့ငွေရှာလဲ??

ရိုးရိုးလေးပဲ အနားလည်ဆုံးပြောရရင်

“အပြောမခံချင်လို့”

💸ကိုယ်ဆိုငွေကြေးနဲ့ပတ်သတ် လာရင်
အရမ်းစန်းစန်းတင့်တယ်

💸ကိုယ့်လုပ်အားနဲ့ ရထားတဲ့ ငွေကိုပဲ စီမံခန့်ခွဲတယ်..
💵အသက်အရွယ်တစ်ခုရလာချိန်မှာ ကိုယ့်လုပ်အားနဲ့ လိုချင်တာဝယ်နိုင်တဲ့အမျိုးသမီး တစ်ယောက်အဖြစ်ရပ်တည်ချင်တယ်..

💸အမျိုးသမီးတွေ ငွေရှာတာရှက်စရာမဟုတ်ပါ..

💸အိမ်ထောင်သည်အမျိုးသမီးတွေအနေနဲ့
ပိုပြီး ကြိုးစားစေချင်ပါတယ် …!!

💸💁🏻‍♀️ကိုယ့်မိဘ ကိုယ့်မိသားစုကို အငြိုငြင်မရှိ
ကြည့်နိုင်ဖို့ဆိုတာ ကိုယ်ပိုင်ဝင်ငွေကြီးလိုတယ်မဟုတ်လား 🙄

Crd #

03/08/2021

Disinfection of Oxygen Cylinders
-------------------------------------
အခုပြောပြမယ့် ခေါင်းစဥ်က အရေးကြီးပြီး သတိမထားမိကြတဲ့ အချက်ပါ။ Oxygen Cylinder ( အောက်စီဂျင်အိုး) တွေကို သန့်ရှင်း ( ပိုးသတ်) ဖို့ပါပဲ။

ပုံမှန်လုပ်ရိုးလုပ်စဥ်အရတော့ ဆေးရုံတွေမှာဆို ဆေးရုံကနေ ဖြည့်တဲ့နေရာကို မသွားခင် တစ်နေရာမှာ စု၊ ပြီးရင် ပိုးသတ်၊ ပြီးမှ ဖြည့်ကြတာပေါ့နော် ( Handling guidelines တွေမှာတော့ အဲ့လိုရေးလေ့ရှိတယ်၊ Infection case တွေမဟုတ်ရင် အကုန်အဲ့လိုလုပ်၊မလုပ်တော့ မသေချာပါ)။

ပိုးသတ်တဲ့နေရာမှာ နည်းလမ်းအမျိုးမျိုးရှိပါတယ်။ ခုအခြေအနေက ပစ္စည်းရှားပါးတာရယ်၊ ဝယ်ရခက်ခဲတာရယ်ကြောင့် Guideline အတိုင်းအတိအကျမရေးတော့ပဲ လက်တွေ့မှာ အဆင်ပြေလောက်မယ့် အရာတွေကိုပဲ ပြောပြပါမယ်။

(1) Bleach Solution

♦️ သူကတော့ effective အဖြစ်ဆုံးလို့ပြောလို့ရပါတယ်၊ ဆိုင်တွေမှာ Bleaching Powder ဆိုပြီး မေးဝယ်လို့ရပါတယ်၊ Bleaching powder 1 ဆ ၊ ရေ ၉ ဆ နဲ့ ဖျော်ပြီး သန့်စင်ပေးရမှာပါ။ အဲ့ဒီ solution နဲ့ ဖြန်းပြီး အနည်းဆုံး ၂မိနစ်ထားရပါမယ်၊ အဲ့နောက်မှာ အိုးကဖြူသွားမှာမို့ သန့်ရှင်းတဲ့ရေနဲ့ ပြန်ဆေးပေးရပါမယ်။

(2) အရက်ပြန်

♦️ အရက်ပြန်လို့သိအောင်အလွယ်ပြောတာပါ၊ တိတိကျကျဆိုရင် 70% Isopropyl Alcohol or Ethyl Alcohol တစ်ခုခုပါ။ သူလည်း ၂မိနစ် ထားရပါမယ်။

(3) Chlorine

♦️ Chlorine ကတော့ အရည်ပဲဖြစ်ဖြစ်၊ Tablet (အခဲ) ပဲ ဖြစ်ဖြစ် ဝယ်လို့ရမယ်ထင်တယ်၊၊ ဖျော်ရမယ့်အချိုးအစားကတော့ သုံးတဲ့အမျိုးစားပေါ်မူတည်ပြီးကွဲနိုင်တာမို့ ဝယ်တဲ့နေရာမှာပဲ မေးကြည့်ဖို့ အကြံပြုပါတယ်။ Tablet နဲ့ဖျော်ရင် 24 နာရီအတွင်းကုန်အောင် သုံးပေးရမယ်လို့ ရေးကြပါတယ်။

High pressure hot water နဲ့လည်းလုပ်နိုင်ပေမယ့် မလွယ်တာမို့ မပြောတော့ပါဘူး။ Dettol နဲ့ ပတ်သက်ပြီး Dettol က Alcohol 59.5% ပါပါတယ်။ သူက Covid-19 နဲ့ Family တူတဲ့ တစ်ခြား Coronavirus Strain အကွဲတွေကိုသတ်နိုင်ပေမယ့် " ဒီ Covid 19 ရဲ့ Strain ကို နိုင်တယ်ဆိုတဲ့ တိကျတဲ့ evidence တွေ " တော့မရှိသေးပါဘူး။ ဘာမှမလုပ်တာထက်စာရင် တစ်ခုခုလုပ်တာကပိုကောင်းတာမို့ တစ်ခြားဘာမှဝယ်မရရင် dettol နဲ့ဖြန်းပါ။

အဲ့ဒီလို သန့်ရှင်း၊ ပိုးသတ်တဲ့နေရာမှာ Wipes( အဝတ်စအသန့် or Towel) နဲ့ပဲ သုတ်သုတ် Spray နဲ့ ဖြန်းဖြန်း အဆင်ပြေသလိုလုပ်လို့ရပါတယ်။

⚠️ သတိထားရမယ့်အချက်တွေက ⚠️
=====
⚠️ သန့်ရှင်းရေးလုပ်တဲ့အခါ အိုးရဲ့ ကိုယ်ထည်ကိုပဲ သန့်ရှင်းရပါမယ်၊ Valve Opening(အပေါ်ကကြေးဝါနဲ့လုပ်ထားတဲ့ ခေါင်း) ကို မဖြန်းရပါဘူး။

⚠️ ဘယ် solution နဲ့ပဲ သန့်သန့် contact time အနည်းဆုံး ၂မိနစ် ထားရပါမယ်။( solution နဲ့ ဖြန်းပြီး၊သုတ်ပြီး ၂မိနစ်ထားရပါမယ်)

⚠️ အရက်ပြန်နဲ့ သန့်ရှင်းမယ်ဆို အရက်ပြန်က အလွယ်တကူ အငွေ့ပြန်မှာမို့၊ သုတ်မယ့် Wipe မှာ အရက်ပြန်ပိုထည့်ရပါမယ်။
Bleaching powder နဲ့ဆေးရင် အိုးတွေစားတာမျိုးဖြစ်တတ်ပါတယ်၊ ဒါပေမယ့် ဒါတွေက ရေရှည်မှဖြစ်မှာမို့ အရမ်းတော့ ကိစ္စမရှိပါဘူး၊ သုံးထားတဲ့ Wipes တွေကိုလည်း ပြန်မသုံးရပါဘူး။

⚠️သန့်ရှင်းရေးလုပ်တဲ့ခါ အောက်ဆီဂျင်အိုးကို လုံအောင်ပိတ်ထားပါ။

♦️ သန့်ရှင်းရေး( ပိုးသတ်ခြင်း) လုပ်မယ့်သူ သတိထားရန်

Guideline တွေအရဆို Personal Protective Equipment (PPE) တွေအစုံအလင်ဝတ်ပြီးလုပ်ရမှာမှန်ပေမယ့် ခုလက်ရှိအခြေအနေအရ ဘယ်လိုမှမဖြစ်နိုင်တာမို့ သန့်ရှင်းရေးလုပ်မယ့်သူဟာ Mask(ဖြစ်နိုင်ရင် 2 ထပ်), Faceshield, လက်အိပ် 2 ထပ် အနည်းဆုံးဝတ်ပြီး လုပ်ဆောင်ပါ။ အဲ့ထက်ပိုပြီး protective measure တွေတပ်ဆင်နိုင်လေ ပိုကောင်းလေပါ။
ပြီးရင် သုံးခဲ့တဲ့ Mask, Glove, Wipes တွေကိုသေချာစွာစွန့်ပစ်ပါ။

ဒါတွေက မလိုအပ်ဘူးထင်ရပေမယ့် ဒီလို Oxygen အိုးတွေကို သန့်ရှင်းခြင်းအားဖြင့် မလိုလားအပ်တဲ့ ကူးစက်မှုတွေကို အတော်အသင့်လျှော့ချနိုင်မှာဖြစ်ပါတယ်။

Ref: Asia Industrial Gases Association
http://www.asiaiga.org/uploaded_docs/en_AIGA_SP_08_20_Ext_Cleaning_of_Cyls_COVID_19_Final_Ver.pdf

19/05/2021

အရင်နှစ်တွေက ကိုယ့်ကိုကိုယ် note အနေနဲ့ရေးထားတာ၊
ပြန်မျှဝေပေးလိုက်ပါတယ်။

Rule 1 - မနှိုင်းယှဥ်ပါနဲ့။

သူများနဲ့ နှိုင်းယှဥ်တဲ့အခါ ကိုယ့်ကိုကိုယ် express လုပ်ဖို့ မေ့သွားတတ်တယ်။ လူတစ်ယောက်နဲ့တစ်ယောက်သွားတဲ့လမ်းကြောင်း Career inspiration နဲ့ Dream တွေ၊ Talent တွေမတူတဲ့အတွက် ကိုယ်နဲ့တစ်ခြားသူနဲ့ မနှိုင်းယှဥ်ပါနဲ့.

Rule 2 - ကိုယ့်ကိုကိုယ် အပြစ်မတင်ပါနဲ့။

တစ်ခုခုအမှားလုပ်မိတိုင်း ကိုယ့်ကိုကိုယ်အပြစ်တင်ဖူးလား။ ကျွန်တော်ငယ်စဥ်အခါက အမြဲအပြစ်တင်ဖူးတယ်။ ဒါက အကျင့်ကြီးတစ်ခုလိုဖြစ်လာခဲ့ဖူးတယ်။ နောက်တော့ ကိုယ့်ကိုကိုယ်ချစ်တဲ့စိတ်နဲ့ပဲကြည့်တယ်။ ခွင့်လွတ်တယ်။ အားပေးတယ်။ အပြစ်တင်မည့်အစား သင်ခန်းစာယူတယ်။

Rule 3 - ကိုယ့်ကိုကိုယ်သိအောင်လုပ်ပါ။

ဆယ်ကျော်သက်အရွယ်က ကိုယ့်ကိုကိုယ်သိဖို့ မလွယ်သေးဘူး။ Self-awareness လို့ဆိုပါတော့။ ကိုယ့်ရဲ့ အားသာချက်၊ အားနည်းချက်၊ ကိုယ့်ကို motivated ဖြစ်အောင်လုပ်ပေးတဲ့ drive နဲ့ inspiration ပေးတဲ့အကြောင်းအရာနဲ့ လူတွေနဲ့ ဘယ်အရာတွေက သင့်ကိုစိတ်ညစ်စေလဲ။ ဒါတွေကိုသေချာသိရှိလေ့လာဖို့လိုတယ်။ ကိုယ့်ကိုကိုယ်သိရင် စိတ်ပွဲတစ်ဝက်အောင်ပြီလို့ ဆွန်ဇူးကလဲပြောခဲ့တယ် မဟုတ်လား။

Rule 4 - ချစ်တဲ့အလုပ်ကိုလုပ်ပါ။

အလုပ်ဆိုတာ ဒီအတိုင်းကြီးတော့ချစ်မလာဘူး။ လူအများစုက Passion လို့ပြောလိုက်ရင် အလုပ် Job ကိုပဲမြင်ကြတယ်။ အမှန်တော့ passion ဆိုတာ activites ကိုပြောတာဗျ။ ဥပမာ အရင်က အလုပ်တစ်ခုထဲမှာ focus လုပ်ဖို့ အခက်အခဲအမြဲတမ်းရှိခဲ့တယ်။ မတူညီတဲ့ industry တွေမှာ လုပ်ကြည့်ချင်တယ်။ နောက်ပိုင်းပြန်စမ်းစစ်တော့ ကိုယ့်ကို ရင်ခုန်စေတဲ့ activities က new နဲ့ learning & knowledge ဖြစ်နေတာကိုတွေ့ရတယ်။ ဒီတော့ new တွေကို အစားထိုးဖို့ အသစ်တွေဖန်တီးလိုက်တယ်။ Industry ပြောင်းဖို့အစားထဲထဲဝင်ဝင်လေ့လာပြီး အကြံပေးနိုင်ဖို့ consulting လုပ်ဖြစ်တယ်။ သိထားတာကို ပြန်လည် sharing လုပ်ပေးတာကိုသဘောကျတဲ့အတွက် စာသင်တယ်။ Passion ဆိုတာ activies ပါ။

Rule 5 - ငွေကြေးအတွက် သူငယ်ချင်းငါးယောက်ထားပါ။

တကယ်တမ်း သူငယ်ချင်း Social circle ဆိုတာ မေးထူးခေါ်ပြောရှိတယ်။ ခင်တဲ့သူငယ်ချင်းရှိတယ်။ ဝါသနာတူရှိတယ်။ အရေးကြီးတာ ငွေကြေးအတွက် အလုပ်လုပ်တဲ့ သူငယ်ချင်း ငါးယောက်ရှိဖို့လိုတယ်။ ဒါက သင့်ဘဝအတွက် financial leverage လုပ်တဲ့အခါ အဆင်ပြေစေမှာဖြစ်ပါတယ်။

Rule 6 - ကိုယ့်ကို မီးငြိပေးနိုင်သူတွေရှိနေပါစေ။

လူညံ့တွေက အတင်းအဖျင်းပြောတယ်။ သာမာန်နဲ့အထက်က idea တွေအကြောင်းပြောတယ်လို့ပြောကြတယ်။ တကယ်လို့ ကိုယ်က စာဖတ်တဲ့သူ၊ idea တွေရှိတဲ့သူဆို ဆွေးနွေးတိုင်ပင်ဖို့၊ အနည်းဆုံးနားထောင်ပေးမည့်သူတွေလိုတယ်။ ဒီတော့ မီးငြိပေးနိုင်သူ မီးဇာကူးလို့ရတာ ဘယ်သူတွေလဲဆိုတာာ သိဖို့ရယ်၊ regular communication ရှိဖို့အရေးကြီးပါတယ်။

Rule 7 - ကိုယ်တိုင် philosophy ရှိပါစေ။

ကျွန်တော့်ရဲ့ philosophy 14 ခုကိုရေးခဲ့ဖူးတယ်။ ကျွန်တော့်ရဲ့ philosphy အချို့က "အဆင်သင့်မဖြစ်ခင်စတင်ပါ။" Progress က Perfect ထက်ပိုကောင်းပါတယ်။ "အရာရာပိုကောင်းဖို့ဖြစ်လာတာပါ။" "လိုချင်တာမရရင် ပိုကောင်းတာရလိမ့်မယ်။" "အတွေ့အကြုံတွေမှာ invest လုပ်ပါ။" "ငွေပြန်ရှာပေးနိုင်တဲ့အရာတွေမှာ ငွေသုံးပါ။" အစရှိတာတွေပေါ့။ Personal philosophy ဖြစ်တဲ့အတွက် တစ်ယောက်နဲ့တစ်ယောက်ကွာနိုင်တယ်။

Rule 8 - ပြန်လည်တည်ဆောက်ရမှာ မကြောက်ပါနဲ့။

Zero-setting ဆိုတဲ့ concept ကိုလဲ မိတ်ဆက်ခဲ့ဖူးတယ်။ ကျွန်တော်ကိုယ့်ကိုကိုယ်နာမည်ပေးထားတာလေးပါ။ တကယ်လို့ အရာရာကို သုညက ပြန်စရမယ်ဆို ဘာတွေလုပ်မလဲဆိုတဲ့ အတွေးပါ။ အရာရာကို ပြင်ဆင်ထားဖို့လိုပါတယ်။

Rule 9 - လျစ်လျူရှုမှု အနုပညာ

မဆိုင်တဲ့အရာတွေ၊ ကိုယ့်ရည်မှန်းချက်ရောက်အောင် မကူညီပေးနိုင်တဲ့ အရာတွေကို လျစ်လျူရှုနိုင်ဖို့အရေးကြီးပါတယ်။ Social media သုံးရင်ပိုတောင်တွေ့ရပါလိမ့်မယ်။

Rule 10 - ကိုယ်ချင်းစာစိတ်ရှိပါ။ စေတနာထားပါ။

ဒီအချက်က လုပ်ငန်းအတွက်၊ ဘဝအတွက် တော်တော်ကူညီပေးခဲ့ပါတယ်။ လွန်ခဲ့တဲ့ ဆယ်နှစ်က ဖောက်သည်တွေအခုချိန်ထိရှိနေတာ ဒီအချက်တွေကြောင့်လို့လဲထင်တယ်။ ကိုယ်မလိုဘူးထင်တာကို ထိုးမရောင်းဘူး။ ကိုယ်ချင်းစာစိတ်ရှိတဲ့ နားလည်ပေးတတ်တဲ့အခါ ဘဝမှာ ချက်ချင်းအကျိုးမပေးပေမယ့် စိတ်အေးချမ်းရပါတယ်။

Rule 11 - အလုပ်အပေါ်ရူးသွပ်ပါ။

ကိုယ်ချစ်တဲ့ activities ကိုတွေ့ရင် အလုပ်ကို obsessed ဖြစ်ဖို့လိုပါတယ်။ တစ်ရက်ကို ၁၀ နာရီလောက်က အလုပ်နဲ့ မကင်းတဲ့အတွက် အလုပ်အပေါ်ရူးသွပ်စိတ်လိုတယ်။

Rule 12 - ခွင့်လွတ်တတ်ပါ။

တရုတ်ဇာတ်ကားတွေနဲ့ ကြီးလာတော့ ဂလဲ့စားချေတာတွေအမြဲတွေ့ခဲ့တယ်။ ခွင့်လွတ်တတ်ဖို့ တော်တော်ကြီးကြိုးစားလာခဲ့ဖူးတယ်။ လူတွေကို ခွင့်လွတ်တတ်ရင် negative emotion မရှိတော့ဘူး။ negative emotion မရှိရင် အလုပ်လုပ်ရတာ အဆင်ပြေလာတယ်။

စဥ်းစားမိတာလေးကို Rule ဆိုပြီးချရေးလိုက်တာပါ။

Phyo Paing @ Derek

07/05/2021

#ထပ်ခါထပ်ခါ ပြုလုပ်ရင် အကျင့်ဖြစ်လာတယ်!
ကော်ဖီသောက်ပါများရင် ကော်ဖီစွဲလာတယ်
အရက်သောက်ပါများရင် အရက်စွဲလာတယ်
အပျင်းကြီးပါများရင် အပျင်းစွဲလာတယ်
စိတ်ညစ်ပါများရင် စိတ်ညစ်တာကိုစွဲလာတယ် ...

အလေ့အကျင့်က အရမ်းအရေးကြီးပါတယ်။
အကျင့်ဆိုတာဟာ ကျင့်ယူရတာပါ ...
ထပ်ခါထပ်ခါ လေ့ကျင့်ယူရတာပါ...
ကိုယ်လေ့ကျင့်ပါများတဲ့အရာက ကိုယ့်အကျင့်ဖြစ်လာတာပါ။

မကောင်းမြင်စိတ်နဲ့ ကြည့်ပါများရင် မကောင်းမြင်စိတ်နဲ့ပဲ ကြည့်တတ်တဲ့အကျင့် ဖြစ်လာတယ်။
အကောင်းပြောပါများရင် အကောင်းပြောတတ်တဲ့အကျင့် ဖြစ်လာပါတယ်။

ဒါကြောင့် ကိုယ်ထပ်ခါထပ်ခါ လုပ်မိနေတဲ့ အပြုအမူတွေနဲ့ စိတ်အလေ့အကျင့်တွေကို သတိထားဖို့ လိုအပ်ပါတယ်။

ခဏခဏစိတ်ညစ်ပေးလေ
ခဏခဏစိတ်ညစ်တတ်တဲ့အကျင့်ဖြစ်သွားလေ
ခဏခဏထပ်ပြီးစိတ်ညစ်ရလေပါပဲ!

" We become what we repeatedly do " ဆိုတဲ့အတိုင်းပဲ ...

ကျွန်မတို့ ဘာတွေခဏခဏလုပ်နေလဲ?
ကိုယ်လုပ်နေတဲ့အတိုင်း ကိုယ်ဖြစ်လာမှာပါပဲ။

04/04/2021

ပိုက်ဆံ ဘယ်လိုစုပါ့မယ် ဗျူဟာလိုပါတယ်
*********************************

ပိုက်ဆံစုတယ်ဆိုတာ ရည်မှန်းချက်တစ်ခုထားပြီး ရေရှည်တည်ဆောက်ထားသင့်တဲ့ အလေ့အကျင့်တစ်ခုဖြစ်ပါတယ်။ ငွေကြေးအောင်မြင်မှုမှာ ပိုက်ဆံဘယ်လောက်ဝင်တယ်ဆိုတာထက် ဘယ်လောက်စုနိုင်တယ်ဆိုတာက ပိုအရေးကြီးပါတယ်။ လူတွေက မဝင်သေးတဲ့ပိုက်ဆံကို မျှော်ကိုးပြီး အကြွေးယူတတ်ကြတယ်။ ဒါက အဓိက မှားယွင်းနေတဲ့အချက်ပဲ။ ကျွန်တော်တို့တွေ ပိုက်ဆံစုနေတဲ့အချိန်မှာ ဘယ်လိုဗျူဟာတွေ သုံးရမလဲဆိုတာ အချက်ကျကျတင်ပြချင်ပါတယ်။

၁။ သုံးပြီးမှ မစုလေနဲ့။

လစာထုတ်တာနဲ့ လိုချင်တဲ့ပစ္စည်းတွေကို ဝယ်ပြီးမှ ပိုက်ဆံစုတတ်ကြတယ်။ တကယ်တမ်းတော့ လစဉ်စုဆောင်းမယ့် ပိုက်ဆံပမာဏကို သတ်မှတ်စုဆောင်းပြီးမှသာ လိုအပ်တဲ့အရာတွေကို ဝယ်သင့်ပါတယ်။ လစာထုတ်တာနဲ့ ပထမဆုံးလုပ်ရမှာက စုဆောင်းမယ့်ပိုက်ဆံကို သီးသန့်ချန်ထားသင့်ပါတယ်။

၂။ တံဆိပ်စွဲ မထားလေနဲ့။

ဆယ်သိန်းလောက်ရှိတဲ့ iPhone ဝယ်မယ့်အစား အတန်အသင့်သုံးလို့ကောင်းတဲ့ နှစ်သိန်းတန်စမတ်ဖုန်းတစ်လုံးကို ဝယ်ပြီး ကျန်တဲ့ရှစ်သိန်းကို စုဆောင်းလိုက်တာက ပိုအဓိပ္ပာယ်ရှိပါတယ်။ နာမည်ကြီးတံဆိပ်ရဲ့နောက်မှာ လိုက်နေတာထက် အရည်အသွေးကောင်းတဲ့ပစ္စည်းကို သုံးသင့်တဲ့သဘောပါ။ ဆိုင်ထိုင်မယ်ဆိုရင် နာမည်ကြီးဆိုင်မှာထိုင်တာထက် အစားအသောက်ကောင်းတဲ့ဆိုင်မှာ ထိုင်တာက ပိုအရသာရှိသလို ငွေကုန်လည်း သက်သာစေပါတယ်။

၃။ အသေးအဖွဲလေးတွေကို ဂရုစိုက်ပါ။

အအေးဘူးဝယ်သောက်လိုက်လို့ ငါးရာပဲကုန်တာ တစ်ခါတလေမှာ ဘာမှမဖြစ်ပေမယ့် ကြိမ်ဖန်များလာရင် “ဆိတ်ဖန်များ အနာဖြစ်” တတ်ပါတယ်။ ဥပမာ – စတိုးဆိုင်တွေက ပေးလိုက်တဲ့ ကြွတ်ကြွတ်အိတ်တွေကို လွှင့်မပစ်ဘဲနဲ့ အမှိုက်ထည့်တဲ့အိတ်လုပ်မယ်ဆိုရင် အမှိုက်အိတ်ကုန်ငွေ သက်သာတဲ့သဘောပါ။

၄။ နှစ်ပတ်စောင့်တဲ့ ဗျူဟာသုံးကြည့်ပါ။

ပစ္စည်းတစ်ခု ဝယ်ချင်တယ်ဆိုရင် ချက်ချင်း မဝယ်သေးပါနဲ့ဦး။ နှစ်ပတ်လောက် စောင့်လိုက်ပါ။ နှစ်ပတ်လောက်ကြာတော့မှ ကိုယ်ကလည်း တကယ်လိုချင်တယ်နေတယ်၊ ပစ္စည်းကလည်း လိုအပ်နေတယ်ဆိုတော့မှ ဝယ်လိုက်ပါ။ စောင့်နေတဲ့အတောအတွင်းမှာ တခြားလူဝယ်လို့ ကုန်သွားမှာစိတ်မပူပါနဲ့။ ပိုကောင်းပိုလှတဲ့ ပစ္စည်းတွေ ဆိုင်မှာရောက်နေပါပြီ။

၅။ အင်တာနက် လျော့သုံးပါ။

ကိုယ့်အလုပ်ဟာ အင်တာနက်နဲ့မသက်ဆိုင်ဘူးဆိုရင် တစ်နေ့မှာ တစ်နာရီထက် ပိုမသုံးပါနဲ့။ အင်တာနက်ကို ရိုးရိုးသုံးတာထက်စာရင်

၆။ လိုအပ်တာလား လိုချင်တာလား။

လူတွေဟာ ကိုယ့်အတွက် တကယ်မလိုအပ်တဲ့ပစ္စည်းတွေကိုမှ လိုချင်နေမိတတ်တယ်။ “မလိုအပ်တဲ့အရာတွေကို ဝယ်မိရင် လိုအပ်တာတွေ ထုတ်ရောင်းရမယ်” ဆိုတဲ့ ဝါရင့်ဘန့်ဖတ်ရဲ့စကားအတိုင်းပဲ ဆန္ဒနောက် မလိုက်မိပါစေနဲ့။

နောက်ဆုံးအရေးကြီးတာက ပိုက်ဆံစုတဲ့အခါမှာ ရည်မှန်းချက်ထားပြီး စုတတ်ဖို့ပဲ။ ရည်မှန်းချက်ထားပြီး ပိုက်ဆံစုတာက ပိုအဓိပ္ပာယ်ရှိသလို ပန်းတိုင်သတ်မှတ်ပြီး လျှောက်လှမ်းတဲ့ဘဝဟာ အနှစ်သာရပြည့်ဝနေတာပေါ့။ ကဲ . . သူငယ်ချင်းတွေ သိရအောင်လည်း ဝေငှပေးလိုက်ဦးနော်။
to original writer

01/04/2021

ရန်ကုန်မြို့နှင့် မန္တလေးမြို့တွင် နေထိုင်သောသူများကြိုတင်ပြင်ဆင်ထားနိုင်ရန် ‼️

မတ်လအကုန် ဧပြီလ လယ်လောက်အထိ အပြောင်းအလဲကြီးတခုဖြစ်နိုင်ပါတယ်။ဘာအပြောင်းအလဲဆိုတာလူတိုင်းရိပ်မိမှာပါ။ကျွန်တော်တို့မြို့နေလူထုတွေတခါမှ မကြုံဖူးတဲ့အရာကိုမျက်မြင်ကြုံတွေ့ရနိုင်ချေရှိပါတယ်။ ဒီအခြေအနေအတွက် ကျွန်တော်တို့ ဒီအချက်လေးတွေနဲ့ကြိုတင်ပြင်ဆင်ထားဖို့အကြံပြုပါရစေ။

၁။ မိမိတကိုယ်ရည်စာ (သို့) တမိသားစုလုံးစာအတွက် အိတ်တလုံးပြင်ထားပါ။ အိတ်ထဲကို တကိုယ်ရေးသုံးပစ္စည်း သွားတိုက်တံ သွားတိုက်ဆေး ဆေးဝါး(ပတ်တီး ဂွမ်း အရက်ပျံ အဓိကပါပါစေ တခြား ပါရာစီတမော့လို ဘီတာဒိုင်းလိုဆေးတွေလည်းထည့်ပါ ) မိုးကာအင်္ကျီ သို့မဟုတ် မိုးကာစအခင်း အားအင်ရှိစေပြီး ပရိုတင်းဓာတ်ပြည့်တဲ့ အသင့်စားကြာရှည်ခံ အစားအသောက်တွေ ၁ပတ်စာလောက်ထည့်ထားပါ။

၂။ ဗလာစာအုပ် ဘောပင် ခဲတံ ထည့်ထားပါ ။ ဗလာစာအုပ်ထဲ သို့ ဖုံးနံပါတ်မှတ်စာအုပ်ထဲ တွင် မိမိ မိသားစုတခုလုံးရဲ့နာမည် ဖုံး နေရပ်လိပ်စာ မှတ်ပုံတင်နံပါတ် တွေရေးထားပါ ။(သို့) လည်ဆွဲကဒ်လိုမျိုးအားတဦးချင်းအချက်အလက်တွေရေးထားပါ။

၃။ မိသားစုချင်းကွဲကွာခဲ့သော်ပြန်ဆုံမဲ့နေရာ ကြိုတင်သတ်မှတ်ထားပါ။

၄။ လွတ်မြောက်နယ်မြေ ဖြစ်နိုင်မဲ့နေရာကို သွားနိုင်မဲ့လမ်းကြောင်းစုံစမ်းထားပါ။ကြိုတင်ချိတ်ဆက်ထားပါက ပိုကောင်းသည်။ အသက်ကြီးသူများ ကလေးသူငယ်များ ကိုယ်ဝန်ဆောင် ရောဂါသည် မသန်စွမ်း များအားယခုထဲက ကြိုတင်ရွေ့ဆိုင်းထားသင့်ပါသည်။

၅။ မည်သည့်အခြေအနေမျိုးဖြစ်နေပါစေ မိမိမြို့ကျေးရွာ မြို့နယ်ကို မစွန့်ခွာဟုဆုံးဖြတ်ထားသူများအနေဖြင့် ဗုံး လွတ်ကင်းနိုင်မည့်နေရာအား ယခုထဲက ကြိုတင်ရှာဖွေထားပါ။ဗုံးခိုကျင်းပြုလုပ်နိုင်မဲ့နေရာမျိုး တွေ့ပါက အနည်းဆုံးလူ ၁၅ယောက်စာ ဆန့်နိုင်မည့် ကျင်းများ ရသလောက်တူးထားပါ။လျို့ဝှက်စွာလုပ်ဆောင်ပါ။ ရပ်ကွက်လိုက် မြို့နယ်အလိုက် ပူးပေါင်းဆောင်ရွက်ပါ။

၆။ ယခု လမ်းပိတ်ရာတွင်သုံးနေသည့် သဲအိတ်များအား တနေရာရာတွင်စုထားပါ။ ကျည်ကာရန် အသုံးဝင်သလို ကတုတ်လုပ်ရန်လည်းအသုံးဝင်ပါသည်။

#ဤအချက်များအားမိမိရပ်ရွာအတွင်းရှိလူကြီးသူမများနှင့်ပြန်လည်ဆွေးနွေးကြိုတင်ပြင်ဆင်ပါ။

Stainless steel fancy jewellery

24/01/2022

23/01/2022

03/01/2022

30/12/2021

18/12/2021

15/12/2021

13/12/2021

03/08/2021

19/05/2021

07/05/2021

04/04/2021

01/04/2021

Address

Telephone

Website

Alerts

Shortcuts

Share