https://www.facebook.com/102787988197271/

Shwe Frica Oo, No(4) ThanDar (11)St/Northokkala Yangon, Yangon (2026)

20/03/2025

အလိမ်မခံချင်ရင် စာဖတ်သင်

ပညာတတ်၊ ပညာရှင်၊ ပညာရှိ.. ဒီသုံးခုဟာ တစ်ခုခုနဲ့တစ်ခု မတူဘူး။

ပညာတတ်ဆိုတာက ပညာရပ်တစ်ခုခုကို တတ်မြောက်ထားတာကို ခေါ်တာ။ ပညာရှင်ကျတော့ တတ်မြောက်ထားတဲ့ ပညာရပ်အပေါ်မှာ ကျွမ်းကျင်နေတာမျိုး ခေါ်တာ။

ပညာရှိကြတော့ ပညာလည်းတတ်တယ်၊ ပညာရှင်လည်းဖြစ်တယ်၊ နောက်ပြီး ဒီပညာရပ်ဟာ လူတွေအတွက် ဘာကောင်းကျိုးရှိနေလဲဆိုတာကို ခဏခဏတွေးနေတဲ့ လူမျိုးကို ခေါ်တာပါ။

ပညာတတ်တိုင်း ပညာရှင်မဖြစ်နိုင်ဘူး။ ပညာရှင်ဖြစ်တိုင်းလည်း ပညာရှိမဖြစ်နိုင်ဘူး။ ပညာရှိဖြစ်ဖို့ ပညာတတ်ရမယ်၊ ပညာရှင်လည်း ဖြစ်ရမယ်။ ပညာရှိတွေ မရှိဘူးဆိုရင် ငါးပါးမြောက်ရလိမ့်မယ်။

လူတွေရဲ့ သဘာဝအတိုင်း ပညာမတတ်ရင် နှိမ်တတ်ကြတာကို သတိထားပါ။ လူသားအကျိုးပြုတဲ့ ဘယ်ပညာရပ်ကိုမဆို ကျွမ်းကျင်အောင် သင်ထားပါ။ နောက်ပြီး စာဖတ်ပါ။ ပညာတတ်တိုင်း စာဖတ်တတ်တယ် မထင်နဲ့၊ တချို့က စာမဖတ်ဘူး။

ဒီတော့ စဉ်ဆက်မပြတ် စာဖတ်ပါ။ နေ့ညမပြတ် စာဖတ်ပါ။ စာဖတ်သူကို ဘယ်သူမှ လာလိမ်လို့မရဘူး။.........
#မူရင်းPostတင်သူကိုကျေးဇူးတင်စွာဖြင့်ဂါရဝပြုပါသည်

29/07/2023

လူ(၃)မျိုး

မင်းဘဝမှာ လူ(၃)မျိုးနဲ့
ဆုံရပါလိမ့်မယ်။

(၁) သစ်ရွက်လိုလူ
(၂) သစ်ကိုင်းလိုလူ
(၃) သစ်မြစ်လိုလူ

ဒီလို လူတွေနဲ့ပါ။

သစ်ရွက်လိုလူ...
*******************

ဒီလိုလူတွေက မင်းဘဝထဲမှာ
ရာသီတစ်ခုနဲ့ ရောက်လာကြတာ။
အားနည်းတဲ့အတွက်
သူတို့ကို အားကိုးလို့မရဘူး။
သူတို့လိုချင်တာသာ
ယူဖို့လာတဲ့အတွက်...
လေတိုက်ရင် ထွက်သွားကြလိမ့်မယ်။
အဆင်ပြေတဲ့အခါ
ဒီလူတွေက မင်းကို ချစ်ပေမယ့်
လေတိုက်တဲ့အခါ
မင်းကို ထားခဲ့လိမ့်မယ်။

သစ်ကိုင်းလိုလူ...
********************

ဒီလိုလူတွေက သန်မာတယ်။
ဒါပေမယ့် သူတို့ကိုလည်း သတိထားရမယ်။
ဘဝက ခက်ခဲလာပြီး
ဝန် အလွန်အကျွံကို မထိန်းနိုင်တဲ့အခါ
ကျိုးပဲ့သွားလိမ့်မယ်။
တစ်ချို့ရာသီတွေမှာ
မင်းနဲ့အတူ ရှိနိုင်ပေမယ့်
ပိုခက္ခဲလာတဲ့အခါ
ဖဲ့ထွက်သွားလိမ့်မယ်။

သစ်မြစ်လိုလူ...
******************

ဒီလိုလူတွေရဲ့ စိတ်ရင်းခံကို
မင်းမြင်ဖို့ အလွန်ခက်ခဲပေမယ့်
သူတို့က မင်းဘဝအတွက်
အလွန်အရေးကြီးပါတယ်။
မင်းဘဝရဲ့
အလွန်ခက်ခဲတဲ့အချိန်ကာလကို
ဖြတ်သန်းနေချိန်မှာ
မင်းအနေအထားကို တည်ငြိမ်မှုရှိအောင်
သူတို့က ဖေးမကူညီထားလိမ့်မယ်။
သူတို့က မင်းကို
တကယ်ချစ်တဲ့သူတွေပါ။

မင်းဘဝမှာ
ဆုံခဲ့ရတဲ့သူတွေ...
ချစ်ခဲ့ရတဲ့ သူငယ်ချင်းတွေ...
အားလုံးကေတာ့
သစ်မြစ်လိုလူချည့် မဟုတ်နိုင်ဘူးပေါ့။
ခက်ခဲတဲ့ကာလမှာ
အတူရှိနေသူတွေကမှ
သစ်မြစ်လိုလူလို့ ဆိုနိုင်မယ်။

သစ်မြစ်လိုလူတွေကတော့
ရာသီမရွေး
မင်းနဲ့အတူ ရှိနေပါလိမ့်မယ်ဟု
ဆိုနိုင်ပါကြောင်း။ ။ *

#ခီရီဒီးဒ်

24/07/2023

အလကားလူ မဖြစ်စေနဲ့
🦋🦋🦋🦋🦋🦋🦋🦋🦋
🍂 ကိုယ့်မှာ အားနည်းချက်ရှိရင်
သူတစ်ပါး ပျော့ကွက်ကို
ချမနင်းဘဲ နေတတ်ရမယ်။
🍂 ကိုယ့်မှာခံနိုင်ရည် မရှိရင်
သူတစ်ပါး နစ်နာစရာ စကားကို
ဆင်ခြင် ပြောဆိုတတ်ရမယ်။
🍂 ကိုယ့်မှာ ဒုက္ခဆိုတာရှိရင်
သူတစ်ပါးဘဝ ပျက်စီးကြောင်းကို
ရှောင်ရှားတတ်ရမယ်....။🦋
🍂 ကိုယ့်မှာ အရှက်ရှိရင်
သူတစ်ပါး ဂုဏ်သိက္ခာကို
ငဲ့ညှာတတ်ရမယ်။
🍂 ကိုယ့်အပေါ်မပြုစေချင်တဲ့ အရာရှိရင်
သူတစ်ပါး မနှစ်သက်တာကို
မလုပ်မိအောင် စာနာတတ်ရမယ်။
🍂 ကိုယ့်မှာ အပြစ်နဲ့မကင်းရင်
သူတစ်ပါး အမှားကို
လက်ညှိုးမထိုးမိအောင် နေတတ်ရမယ်။
🍂 ကိုယ့်မှာ ဝေဒနာရှိရင်
🍂 သူတစ်ပါး နာကျင်မှုကို
ခံစားပေးတတ်ရမယ်။
🍂 ကိုယ့်ကို ကဲ့ရဲ့တာ မကြိုက်ရင်
သူတစ်ပါး မကောင်းကြောင်းကို
မပုတ်ခတ်မိအောင် သတိထားရမယ်.....။🦋
🍂 ကိုယ့်မှာ အမာရွတ်ရှိရင်
သူတစ်ပါး ဒဏ်ရာကို
နားလည်ပေးနိုင်ရမယ်။
🍂 ဒါဟာ ကိုယ်ချင်းစာတရားပဲ။
🍂 ဘယ်လောက်ပဲ ချမ်းသာ ချမ်းသာ
ဘယ်လောက်ပဲ တော်တော်
ဘယ်လောက်ပဲ တတ်တတ်
ကိုယ်ချင်းစာတရားမရှိရင် အလကားပဲ....။🦋
လေးစားစွာဖြင့်....

ပန်းပျိုးလက်(ရသစာပေ)✍👸
Crd.ရောင်နည်ဉီး

26/08/2022

အစာအိမ် ရောင်တဲ့အခါ ဒါတွေရှောင်ပါ

အစာအိမ် အူလမ်းကြောင်းရောင်ရမ်းတာက ဗိုင်းရပ်စ်၊ ဘက်တီးရီးယား ဒါမှမဟုတ် ကပ်ပါးပိုးတွေကြောင့် ဖြစ်ပါတယ်။ အများအားဖြင့် –

အစားအသောက် (အထူးသဖြင့် ပင်လယ်စာ)
သောက်သုံးရေ
ရောဂါပိုးရှိနေတဲ့ လူနဲ့ထိတွေ့မှု
လက်မဆေးခြင်း
ဇွန်း၊တူ စတာတွေ မသန့်ရှင်းခြင်း တို့ကတဆင့် ရောဂါပိုးကို ကူးစက်ရရှိနိုင်ပါတယ်။
လက္ခဏာတွေကတော့ –

မအီမသာဖြစ်ခြင်း၊
ချွေးထွက်များခြင်း၊
ရင်ခေါင်းတောင့်ခြင်း
ပျို့အန်ခြင်း၊
ဝမ်းလျှောခြင်း၊
ဗိုက်နာခြင်း၊
အနည်းငယ် ကိုယ်ပူခြင်းတို့ပဲဖြစ်ပါတယ်။
ရောင်ရမ်းခြင်းရဲ့ အကြောင်းရင်းပေါ်မူတည်ပြီး ဒီလက္ခဏာတွေဟာ တစ်ရက်ကနေ တစ်ပတ်ကျော်အထိ ကြာမြင့်တတ်ပါတယ်။

အစာအိမ် ရောင်ပြီဆိုရင် –

အကြမ်းဖျင်းအားဖြင့်တော့ အစာအိမ်ရောင်တဲ့အခါ အချဉ်၊ အစပ် မပါတဲ့ အစာပျော့ပျော့ပဲစားရမှာပါ။ ရှောင်သင့်တဲ့အရာတွေအကြောင်း အသေးစိတ်လေး ပြောရရင်တော့ –

ဆီကြော်နဲ့ အဆီများတဲ့ အစားအစာတွေ ၊
ချဉ်ဖတ်နဲ့ အချဉ်တည်ထားတာတွေ၊ ဆားရည်စိမ်တွေ၊
အငန်နဲ့အစပ်ကဲတဲ့ အစားအစာတွေ၊
ကော်ဖီ၊ လက်ဖက်ရည်၊ နဲ့ ကဖင်းများတဲ့ သောက်စရာတွေ၊
အရက်နဲ့ ဘီယာလို အယ်လ်ကိုဟောတွေ၊
အချဉ်စူးတဲ့အသီးတွေနဲ့ ဖျော်ရည်တွေ၊
ဂက်စ်ပါတဲ့ အချိုရည်ဘူးတွေ၊
ရေခဲမုန့်လိုမျိုး ပျစ်နှစ်နေတဲ့နို့ထွက်ပစ္စည်းတွေ၊ ချိစ်များတဲ့ မုန့်တွေ ရှောင်သင့်ပါတယ်။
ဒါ့အပြင် အမဲသား၊ ဝက်သားတို့လို အသားတွေကို များများမစားသင့်ပါဘူး။

အစာစားရင် တစ်ခါတည်း အများကြီးပြည့်အင့်နေအောင် မစားပါနဲ့။ အချိန်သတ်မှတ်ပြီး နည်းနည်းချင်း ခွဲပြီးစားပါ။ ပမာဏများများ ဖိစားလိုက်တဲ့အခါ အစာအိမ်ကို ဝန်ပိစေနိုင်လို့ပါ။

ဘာတွေစားလို့ရမလဲ

ဒီအချိန်မှာ –

ပန်းသီး၊ အုတ်ဂျုံ၊ ပန်းဂေါ်ဖီစိမ်း၊ မုန်လာဥနီ၊ ပဲ တို့လို အမျှင်ဓာတ်များတဲ့ အစားအစာတွေ၊
ငါး၊ ကြက်ရင်ပုံသား တို့လို အဆီနည်းတဲ့အစားအစာတွေ၊
ဂက်စ်မပါတဲ့ အချိုရည်တွေ၊
ကဖင်းမပါတဲ့ သောက်စရာတွေ က သင့်တော်ပါတယ်။
ကောင်းကောင်းအနားယူပါ။

အစာအိမ်ရောင်တဲ့အချိန်မှာ ခန္ဓာကိုယ်က ရောဂါပိုးကိုတိုက်ထုတ်ဖို့ အနားယူဖို့လိုအပ်ပါတယ်။ ဒါ့ကြောင့် အိပ်ရေးဝအောင်အိပ်ပါ၊ တစ်နေ့တာမှာ လှုပ်ရှားမှုသိပ်မများအောင် ဂရုစိုက်ပါ။ အပင်ပန်းမခံဘဲ နားနားနေနေ နေပါ
Health Group

26/08/2022

ကြက်သွန်ဖြူစားခြင်းရဲ့ ကျန်းမာရေးအကျိုးကျေးဇူး

ကြက်သွန်ဖြူကတော့ ဟင်းတွေချက်တဲ့အခါ မပါမဖြစ်ပါ။ ကြက်သွန်ဖြူကို ဖုတ်စားသူလည်း ရှိသလို ဒီအတိုင်း အစိမ်းစားတဲ့သူလည်း ရှိပါတယ်။ အစားလည်းဆေး၊ ဆေးလည်းအစာ ဖြစ်တာမို့ ဘယ်လိုပဲစားစား ကြက်သွန်ဖြူကတော့ ကျန်းမာရေးအတွက် အထူးကောင်းမွန်တဲ့ အစားအစာတစ်မျိုးပါ။ ကြက်သွန်ဖြူမှာ ပါဝင်တဲ့ ဆာလဖာဒြပ်ပေါင်းဟာ အနံ့နဲ့ အရသာကို ဖြစ်ပေါ်စေပြီး ကျန်းမာရေးကို အကျိုးပြုစေတာပါ။ ကြက်သွန်ဖြူမှာ ပါဝင်တဲ့ အခြားအာဟာရဓါတ်တွေကလည်း ကျန်းမာရေး ကောင်းစေတာမို့ ဖတ်ကြည့်ပါဦးနော်။

ကြက်သွန်ဖြူမှာ ပါတဲ့ အာဟာရဓာတ်တွေ
ကြက်သွန်ဖြူမှာ ပါတဲ့ အာဟာရဓာတ်တွေက

ကာဗိုဟိုက်ဒရိတ်
ပရိုတင်း
အမျှင်ဓာတ်
မဂ္ဂနိ့
ဗီတာမင် C
ကယ်လ်ဆီယမ်
ဆီလီနီယမ် တို့ပါဝင်နေပါတယ်။
ကြက်သွန်ဖြူစားခြင်းရဲ့ ကျန်းမာရေးအကျိုးကျေးဇူး
ကြက်သွန်ဖြူစားခြင်းရဲ့ ကျန်းမာရေးအကျိုးကျေးဇူး တွေကတော့

အစာခြေစနစ်ကို ကောင်းမွန်စေခြင်း
ကြက်သွန်ဖြူ စားသုံးခြင်းက အစာခြေစနစ်ကို ကောင်းမွန်စေပါတယ်။ အူလမ်းကြောင်းရဲ့ လုပ်ငန်းဆောင်တာတွေကို တိုးတက်စေတဲ့အပြင် မအီမသာဖြစ်ခြင်းနဲ့ ယားယံခြင်းတွေကိုပါ သက်သာစေပါတယ်။

ကိုလက်စထရော ကျဆင်းစေခြင်း
ကြက်သွန်ဖြူ ပါဝင်တဲ့ အစားအစာတွေ စားသုံးပေးမယ်ဆိုရင် ခန္ဓါကိုယ်ရဲ့ကျန်းမာရေးကို ထိခိုက်စေတဲ့ ကိုလက်စထရောတွေကို လျော့ကျစေပါတယ်။ ကြက်သွန်ဖြူမှာ ပါဝင်တဲ့ Allicin က ကျန်းမာရေးကို ကောင်းစေတာပါ။

သွေးတိုးရောဂါ သက်သာစေခြင်း
သွေးတိုးရောဂါ သက်သာစေဖို့အတွက် ကြက်သွန်ဖြူက စွမ်းဆောင်ပေးနိုင်ပါတယ်။ ကြက်သွန်ဖြူမှာ ပါဝင်တဲ့ Allicin ဟာ သွေးဖိအား မြင့်တက်တာကို မဖြစ်စေဘဲ သွေးကြောတွေ ကောင်းမွန်စာ လည်ပတ်ဖို့ အထောက်အကူ ပြုပါတယ်။

မျက်စိအားကောင်းခြင်း
ကြက်သွန်ဖြူမှာ selenium၊ quercetin နဲ့ ဗီတာမင်စီတွေ များများ ပါဝင်ပါတယ်။ ဒီအာဟာရဓါတ်တွေဟာ မျက်လုံးထဲကို ပိုးဝင်တာကြောင့် ဖောင်းအစ်တာတွေ မဖြစ်စေဘဲ မျက်စိအားကောင်းစေပါတယ်။

အအေးမိခြင်းကို သက်သာစေခြင်း
ကြက်သွန်ဖြူကို အစိမ်းစားပေးမယ်ဆိုရင် အအေးမိဖျားနာခြင်းနဲ့ ချောင်းဆိုးခြင်းတွေကို သက်သာစေပါတယ်။ အအေးမိတာတွေ ဖြစ်နေတယ်ဆိုရင်တော့ ကြက်သွန်ဖြူ နှစ်မြွှာလောက် စားတာမျိုး လုပ်ပေးပါ။

အသည်းအားကောင်းစေခြင်း
ကြက်သွန်ဖြူ စားမယ်ဆိုရင်တော့ အသည်းအားကောင်းစေပါတယ်။ ကြက်သွန်ဖြူမှာ ပါဝင်တဲ့ အာဟာရဓါတ်တွေက အသည်းကျန်းမာရေးကို ကောင်းမွန်စေပါတယ်။

အဆိပ်အတောက်များကို သန့်စင်ပေးခြင်း
ကြက်သွန်ဖြူမှာ ဆာလဖာဒြပ်ပေါင်းများများ ပါဝင်တာက ခန္ဓာကိုယ်အတွင်းကလီစာတွေကို ပျက်စီးစေတဲ့ အဆိပ်အတောက်တွေကို ဖယ်ရှားပေးပါတယ်။

အရိုးအဆစ်သန်မာစေခြင်း
ကြက်သွန်ဖြူ အမြွှာသေးသေးလေးတွေက အရိုးအဆစ်တွေကို ကောင်းမွန်စေတယ်ဆိုတာ နည်းနည်းတော့ အံ့သြစရာ ကောင်းပါတယ်နော်။ ကြက်သွန်ဖြူမှာ ပါဝင်တဲ့ အာဟာရဓါတ်တွေက အရိုးအဆစ်တွေကို သန်မာစေပြီး Estrogen တွေကို တိုးမြင့်စေပါတယ်။

နှလုံးရောဂါ
နှလုံးရောဂါဟာ ကမ္ဘာပေါ်မှာ အဖြစ်အများဆုံးရောဂါ တစ်မျိုးပဲ ဖြစ်ပါတယ်။ နှလုံးရောဂါ သက်သာစေဖို့အတွက်လည်း ကြက်သွန်ဖြူက အထောက်အကူပြုပါတယ်။ ကိုလက်စထရောနဲ့ အဆီတွေကို လျှော့ချပေးတာကြောင့် နှလုံးရောဂါ ထဖောက်တာတွေ နည်းစေပါတယ်။

ဘယ်သူတွေ မစားသင့်ဘူးလဲ
ကြက်သွန်ဖြူက ဆေးဖက်ဝင်တယ်ဆိုပေမယ့် ပမာဏများများစားမိတဲ့အခါ ခံတွင်းနံ့ဆိုးတာ၊ ခံတွင်းပူတာ၊ ရင်ပူတာ၊ ပျို့အန်တာ၊ ဝမ်းလျှောတာတွေ ဖြစ်တတ်ပါတယ်၊၊ ဒီဆိုးကျိုးတွေက များများစားလေလေ ပိုဆိုးလေလေပဲ ဖြစ်ပါတယ်၊၊

နောက်တစ်ချက်က ကြက်သွန်ဖြူက သွေးကျဲစေတဲ့ သတ္တိရှိပါတယ်၊၊ ဒါကြောင့် နဂိုသွေးမတိတ်ရောဂါရှိသူတွေ၊ သွေးကျဲဆေး သောက်နေသူတွေက ပမာဏများများစားတာကို ရှောင်သင့်ပါတယ်၊၊ ဒီအချက်ကြောင့်ပဲ ခွဲစိတ်မှု လုပ်စရာ ရှိတဲ့သူတွေဆိုရင် မခွဲခင် ၂ပတ်အလိုတည်းက ကြက်သွန်ဖြူစားတာကို ရပ်ထားသင့်ပါတယ်၊၊

ကိုယ်ဝန်ဆောင်နဲ့ နို့တိုက်မိခင်တွေမှာလည်း ပုံမှန်အတိုင်း ချက်ပြုတ်စားတဲ့ထဲမှာပါတာက ပြဿနာမဟုတ်ပေမယ့် အလွန်အကျွံစားတာကို ဆင်ခြင်သင့်ပါတယ်၊၊

အစာအိမ်ရောဂါရှိသူတွေအနေနဲ့လည်း အစာအိမ်နာနေတဲ့အချိန်မှာ ကြက်သွန်ဖြူစားတာကို ရှောင်သင့်ပါတယ်၊၊

ဒါတွေအပြင် အောက်ပါအချက်တွေ ရှိတဲ့သူတွေက ကြက်သွန်ဖြူအလွန်အကျွံစားတာကို ရှောင်သင့်ပါတယ်၊၊ တကယ်လို့ ကြက်သွန်ဖြူ ဖြည့်စွက်အားဆေးတွေသောက်မယ်ဆိုရင်လည်း ဆရာဝန်နဲ့ တိုင်ပင်သင့်ပါတယ်၊၊

တီဘီဆေးသောက်နေတဲ့သူတွေ
သွေးကျဲဆေး သောက်နေရတဲ့သူတွေ
သန္ဓေတားဆေး သောက်နေရသူတွေ
HIV / AIDS ရောဂါကြောင့် ဆေးသောက်နေရသူတွေ
NSAIDs အမျိုးအစား အကိုက်အခဲပျောက်ဆေးသောက်နေရသူတွေ
ကြက်သွန်ဖြူ စားတာက ကျန်းမာရေးအတွက် ကောင်းစေတယ်ဆိုပေမယ့် အခုပြောပြတဲ့ ပြဿနာလေးတွေ ရှိနေမယ်ဆိုရင်တော့ သတိထားစားတာ အကောင်းဆုံး ဖြစ်မှာပါ။

Writer – Eaindray Kha

17/03/2022

တိုနာသုံးပြီး အသားအရည်ထိန်းသိမ်းရအောင်

Tonerဆိုတာ မျက်နှာသန့်စင်တဲ့ အရည်ကြည်တမျိုးဖြစ်ပါတယ်။ တိုနာအာနိသင်က အညစ်အကြေးကို အဓိကဖယ်ရှားသန့်စင်ပေးတာ ဖြစ်တယ်။ မျက်နှာသစ်တွေသုံးပြီး ကျန်နေနိုင်တဲ့ အညစ်အကြေးကို တိုနာက ကောင်းကောင်းဖယ်ရှားပေးနိုင်တယ်။ နောက်ပြီး မျက်နှာအဆီပေါက်တွေကို ကျဉ်းစေတာမို့ အဆီပြန်ခြင်း ကင်းစင်စေတယ်။ အထူးသဖြင့် မိတ်ကပ်သုံးသူအများစုဟာ တိုနာသုံးသင့်တယ်။ ပုံမှန်လူ့အရေပြားက အက်ဆစ်ဖက် နည်းနည်းကဲလေ့ရှိပြီး pH 6-7 ကြားရှိတယ်။ မျက်နှာသစ်ဆပ်ပြာ သုံးပြီးတဲ့အခါ pH ပြောင်းလဲပြီး အယ်လ်ကာလီဖက် ရောက်သွားတယ်။ အဲလိုအချိန်မျိုးမှာ toner သုံးစွဲခြင်းကအရေပြား pHကို ပြန်လည်ထိန်းညှိပြီး ပုံမှန်အတိုင်း ဖြစ်စေတယ်။

Toner အများစုဟာ အဆီပြန်တဲ့အသားရေနဲ့ အထူးသင့်တော်တယ်။မျက်နှာအဆီပြန်ရင်ဝက်ခြံထွက်တာ လူတိုင်းသိပါတယ်။ ဘာ့ကြောင့်လဲဆိုတော့ အဆီတွေက လေထုထဲမှာ ရှိတဲ့ ဖုန်မွှားတွေကို တွယ်ကပ်စေတယ်။ အဲဒီဖုန်မွှားတွေက တဆင့် အဆီဂလင်းကိုသွားပိတ်ရင်း အထဲမှာ ဗက်တီးရီးယားပေါက်ဖွားပြီး ဝက်ခြံကို ဖြစ်စေတယ်။ တိုနာသုံးစွဲခြင်းက အဆီပြန်ခြင်း ကင်းစင်စေတယ်။

Toner အများစုမှာ ရေ၊ အရက်ပြန်၊ အလှဆီ၊အစိုဓာတ်ထိန်းဆေး(ရှားစောင်းလက်ပပ်) သို့မဟုတ် ဓာတုပစ္စည်း တမျိုးမျိုးပါလေ့ရှိတယ်။ တိုနာအများစုရဲ့ အခြေခံဟာ Alcohol ဖြစ်လို့ သုံးပြီးခြောက်သွားတဲ့အခါ အရေပြားမှာ စပ်ဖျဉ်းဖျဉ်း အေးစက်စက် ခံစားရတယ်။ Alcohol မပါတဲ့ tonerတွေမှာ witch hazel (သို့) tea tree oil ကို သုံးစွဲကြတယ်။ ခြောကိသွေ့တဲ့အရေပြားတွေမှာ ရေဓာတ်အခြေခံ toner တွေသုံးကြတယ်။ Aloe vera, vitamin E , chamomile extract ပါတာတွေအသုံးများတယ်။ Chamomile နဲ့ marigold extracts ပါဝငိတာတွေက အသားရေကို ဖြူစေပြီး ဝက်ခြံမဲ(blackhead) တွေမှာ အသုံးဝသိတယ်။ဆေးကြာရှည်ခံအောင်ထိန်းသိမ်းတဲ့ parabens ,citric acid , potassium sorbate စတာတွေက ဗက်တီးရီးယားပေါကိဖွားမှုကို ကာကွယ်ပေးတယ်။ Polysorbate-20 နဲ့ castor oilတွေက toner တော်တော်များများမှာပါလေ့ရှိတာ တွေ့ရတယ်။

Toner တွေကို အမျိုးစားခွဲရင် စုစုပေါင်း (၃)မျိုး ရှိတယ်။
(1) Fresheners - ခြောက်သွေ့တဲ့အသားအရေတွက်သင့်တော်တယ်။ glycerin နဲ့ hyaluronic acid ပါရင် အစိုဓာတိထိန်းပြီး အရေပြားခြောက်သွေ့တာကို ကာကွယ်တယ်။ ပုံမှန်အားဖြင့် အယ်ကိုဟောသိပ်မပါပဲ ရေဓာတ်သာအဓိကထည့်ထားတယ်။ယေဘုယျ alcohol 10%အောက်မှာသာပါတယ်။
(2) Tonics - ပုံမှန် (သို့) အဆီပြန်တဲ့အသားရေမှာ သုံးနိုင်တယ်။ အယ်ကိုဟော နညိးနည်းပါတယ်။ alcohol 20% ထိပါနိုငိတယ်။
(3) Astringents - အယ်ကိုဟော အများကြီးပါတယ်။ ပုံမှန်အားဖြင့် alcohol 20-60 % ထိပါလေ့ရှိတယ်။ astringent toners တွေက အဆီပြန်တဲ့ မျက်နှာမှာ အသုံးဝငိတယ်။ နောက်ပြီး ပိုးသတ်တဲ့အာနိသင်ရှိတယ်။

အာနိသင်များ
အရေပြားမှာ ရှိတဲ့အညစ်ကြေးတွေကို ဖယ်ရှားပေးပြီး အဆီပေါက်တွေကို ကျဉ်းစေတယိ။ အဆီပြန်ခြင်း ကင်းစေတယ်။ အရေပြားကို သန့်စင်စေတယ်။ အစိုဓာတ်ကိုထိန်းပေးလို့ မျက်နှာကို ဝင်းပကြည်လင်စေတယ်။မျက်နှာသစ်ဆပ်ပြာက မဖယ်ရှားနိုငိတဲ့ အဆီတွေနဲ့ အညစ်ကြေးတွေကို ဖယ်ရှားပေးတယ်။ နောက်ပြီး ချိုးတဲ့ရေထဲမှာပါတဲ့ မကောင်းတဲ့ဓာတ်တွေကို ကာကွယ်ပေးတယ်။ဒါတင်မက မျက်နှာအရေပြား pHကိုပါ ထိနိးသိမ်းပေးတယ်။

ဘယ်အချိန်သုံးမလဲ
မနက်တကြိမ်၊ ညတကြိမ် သုံးစွဲသင့်တယ်။ ညမှာထွက်တဲ့အဆီတွေကို မအိပ်ခင် ဖယ်ရှားရမှာ ဖြစ်သလို မနက်မှာလည်း တကြိမ် ရှင်းလင်းရမယ်။ တိုနာလိမ်းတဲ့အခါ မျက်နှာတပြင်လုံး အနှံ့သုံးဖို့လိုတယ်။ ဂွမ်းစလေးနဲ့ပွတ်ပြီး သုံးနိုင်တယ်။ မျကိနှာပေါ်ဖြန်းနိင်တယ်။ မျကိနှာmask အနေနဲ့ အုပ်ပြီးသုံးနိုင်တယ်။

တိုနာ အသုံးပြုနည်း
အရင်ဆုံးမျက်နှာကို ရေခပ်နွေးနွေးသုံးပြီး မျက်နှာသစ်ဆပ်ပြာတမျိုးမျိူးနဲ့ သန့်စင်ပါ။ ပြီးရင် မျက်နှာ ခြောက်သွေ့အောင်ထားပါ။ ငါးမိနစ်ခန့်ကြာတဲ့အခါ မျက်နှာပြင်အနှံ့ Toner ကို စတင်လိမ်းလို့ရပါပြီ။လိမ်းတဲ့အခါ နူးညံ့တဲ့ cotton pad ဂွမ်းစလေးနဲ့ပွတ်ပြီး သုံးရတယ်။ ပြီးရင် သုံးမိနစ်ခန့် ခြောက်သွေ့အောင်ထားပါ။ အဆီပြန်တဲ့အသားရေမှာ အပေါ်က AHA ပါတဲ့ လိမ်းဆေးတမျိုး ထပ်လိမ်းပါ။ ပြီးရင် serum တခု အပေါ်က ထပ်လိမ်းပါ။ နောက်ဆုံးကျမှ moisturizier ကို လိမ်းသင့်ပါတယ်။ သတိပြုရမှာက moisturizier ဆိုတာ အစိုဓာတ်ထိန်း ပစ္စည်းတမျိုးဖြစ်ပြီး မျက်နှာမှာ အလွှာပါးတခုအနေနဲ့ ဖုံးကွယ်ပြီး ရေဓာတ်မဆုံးရှုံးအောင် ကာကွယ်ပေးမှာ ဖြစ်တယ်။ ဒါ့ကြောင့် အဲဒီအပေါ်မှာ ဘာပစ္စည်းမှထပ်မလိမ်းသင့်တော့ပါ။ တချို့ အဆီပြန်လွန်းတဲ့ အသားအရေမှာ အစိုဓာတ်ထိန်းပစ္စည်း moisturizier ကြောင့် ပိုဆိုးလာတာလည်း ရှိနိုင်တယ်။ ဒါ့ကြောင့် သတိထားသုံးစွဲသင့်တယ်။

ဒေါက်တာ အေးမင်းထူး
အရေပြားအထူးကုဆရာဝန်

Shwe Frica Oo

20/03/2025

29/07/2023

24/07/2023

26/08/2022

26/08/2022

17/03/2022

Address

Telephone

Website

Alerts

Contact The Business

Shortcuts

Share

Category

Listing takedown request