21/09/2026
😮 Мойссанит бол алмаз биш 💎
Маш олон дэлгүүр, хувь хүмүүс Мойссанит чулууг ургуулсан алмаз, лабoраторийн алмаз гэж буруу ойлголт өгч худалдаалсаар байна. Тэгэхээр байгалийн алмаз гэж юу вэ? Лабoраторийн буюу ургуулсан алмазнаасаа юугаараа ялгаатай вэ? Мойссанит чулууг яагаад андуурч лабoраторийн алмаз гэж нэрлээд байгаа вэ? Энэ асуултуудад хамтдаа хариулъя.
😍 Байгалийн алмаз гэж юу вэ?
- Байгалийн алмаз нь газрын гүн даралтад (160км доош), 1000 целсээс дээш халуунд, 1 тэрбум жилийн турш кристалчилж бүрэлддэг карбон суурьтай, дэлхийн хамгийн хатуу, ховор, үнэ цэнтэй чулуу юм. 2026 оны байдлаар дэлхий дээр нийт 1.7 тэрбум карат алмазны нөөц (1 карат нь 0.2гр) байгаа боловч зөвхөн 20% нь л үнэт эдлэлийн зэрэглэлийн алмаз болдог бөгөөд үлдсэн алмаз нь техник, төхөөрөмж, багаж хэрэгсэл хийхэд ашиглагддаг байна. Олборлолтын өртөг, ховор олдоц, хатууллаг чанар, байгалийн энерги, тансаг мэдрэмжээс шалтгаалан байгалийн алмазны үнэ цэн үргэлж өндөр байдаг.
🥰 Ургуулсан алмаз гэж юу вэ?
- Байгалийн алмазны кристралыг аваад, байгаль дээр болж байгаа үйл явцыг (өндөр даралт, өндөр темпратур) лабoраторийн аргаар түргэсгэж, 2-8 долоо хоногт ургуулж гаргасан алмазыг хэлнэ. Тэгэхээр жинхэнэ алмазны хувьд алмаз бөгөөд нүдээр ялгах боломжгүй (зөвхөн лабoраторийн аргаар ялгах боломжтой), харин гаргаж авч байгаа хэлбэрээрээ л өөр гэсэн үг. Лабораторид гаргаж авснаар олборлолтын өртөггүй, ховор олдоц гэсэн асуудалгүй, илүү том, илүү чанар сайтай алмазыг хурдан гаргаж авах боломжтой болсноор байгалийн алмазаас хэд дахин хямд үнэтэй, байгальд ээлтэй (байгаль дэлхийгээ эвдэхгүй), мөн санхүүд ч ээлтэй сонголт болдог.
😘 Мойссанит гэж юу вэ?
- Мойссанит нь алмазтай хамгийн төстэй чулуу юм. 1893 онд Мойссан гэх эрдэмтэн солирын одноос силикон-карбид суурьтай (алмазаас өөр), солонгорсон өнгөтэй кристал олсон нь мойссанит гэж нэрлэгджээ. Хатууллаг чанараараа алмазтай хамгийн ойрхон, гэхдээ цахилгаан дамжуулах чадвартай, солонгорсон тусгалтай тус чулууг 1998 онд Америкийн Charles & Colvard компани патентжуулан, лабораторид ургуулж гаргаад, Алмазнаас илүү гялтганах чулуу хэмээн үнэт эдлэлд нэвтрүүлсэн байна. Том хэмжээтэй, солироос гаралтай, улаан хивсний ёслолд зүүхэд нүд гялбам харагдаж байсан тул Hollywood-ийн оддуудын дунд алдартай болж "Оддын алмаз" гэдэг нэр авчээ. Харин 2015 онд патентийн хугацаа дуусахад хятадын компаниуд мойссанитийг их хэмжээгээр үйлдвэрлэн, шил юмуу цирконийг зөвхөн мойссанит бүрхүүлээр бүрэх аргаар зах зээлд нэвтрүүлэн, ургуулсан алмаз хэмээн төөрөгдөл үүсгэх болсон байна.
💎 Дашрамд дурдахад манай дэлгүүр дээр Байгалийн алмаз, Лабoраторийн алмаз, Мойссанит чулуун сонголттой үнэт эдлэлүүд бүгд байдаг тул та өөртөө ойрхон салбараар зочилж, чулуунуудын ялгааг нүдээрээ харж танилцаарай 🥰
💎 Алмазаар хайрлая! ♥️💎
📍 Хаяг 1: Zaisan Square 1 давхарт CYMBOL
📍 Хаяг 2: Central Tower 2 давхарт CYMBOL
📞 Утас: 72724646
