28/09/2025
Page ထဲမှာ အစ်မတစ်ယောက်လာမေးပါတယ် ။ “ညီမရေ တူမလေးက Lab-grown Diamond ဝယ်ထားတယ် ၊ သူ့စိန်ကို အစ်မကမြေကြီးထဲကထွက်တာမဟုတ်ဘူး
လူလုပ်စိန်မို့လို့ စိန်အတု လို့ပြောတော့ မဟုတ်ဘူး စိန်အစစ် ပဲ လို့ ပြောလို့
လောင်းထားလို့ ညီမကိုလာမေးတာပါတဲ့ "
“ အိမ်း ”ပြောရရင်တော့ နည်းနည်းရှည်မယ်ပေါ့လေ ၊ ကိုယ်ကတော့ GIA ရဲ့ Graduate Diamond Diploma မတက်ခင်တည်းက ဆရာ ဦးမျိုးနိုင်သင်ပေးလို့
Lab grown Diamonds , Natural Diamond တွေ အကြောင်းကောင်းကောင်း သိပါတယ် ။
ဒါတင်မက အဆင့်မြင့်စက်ကြီးတွေမပါပဲ ခွဲခြားနည်း သင်တန်းတွေပါတက်ထားပါတယ် ။
ဒါပေမယ့် customer ကမေးလာရင် အချက်လက်နဲ့ရှင်းပြချင်လို့ Google ဖွင့်ပြီး result ပေးလိုက်တော့မှ customer လည်း ရှင်းရှင်းလင်းလင်းနားလည်သွားပါတော့တယ် ။
ဒီတော့မရှင်းမရှင်း ဖြစ်နေတဲ့ အကြောင်းရာလေးတွေ ရှင်းလင်းသွားအောင်ဒီpost မှာ Lab-grown diamond တွေအကြောင်းရှင်းလင်းပြောသွားပေးပါမယ်။
✅ Key Facts You Should Know About Lab-Grown Diamonds
✅Quality
အရည်သွေးအနေနဲ့ ကျမမြင်ဖူးတဲ့Lab -grown တော်တော်များများဟာ
Controlled Environment မှာ ကြီးထွားတာဖြစ်လို့ အတော်လေးအရည်သွေးကောင်းမွန်ပါတယ် ။
သွေးကွက် ၊ inclusion ပါဝင်မှု ဒါတွေထူးထူးခြားခြား ထောက်ပြစရာရှိမနေပါဘူး ။
Chemical composition ကလည်း တွင်းထွက်စိန်နဲ့ တူတူ Carbon ပါပဲ ။
ရုပ်ဂုဏ်သတ္တိအနေနဲ့ ကြည့်ရင် မျက်လုံးနဲ့ခွဲခွဲ မှန်ဘီလူးနဲ့ ခွဲခွဲ ခွဲရခက်ပါတယ် ။ အထူးသဖြင့် IF , VVS 1 တို့မှာပါ ။
VVS 1 ရဲ့ အောက် Quality တွေမှာတော့
Inclusions ကို အဆချဲ့ပြီး ခွဲခြားမယ်ဆိုရင် Natural inclusions , Lab -grown inclusions မတူပါဘူး ၊
ဒါကလည်း လေ့ကျင့်ထားတဲ့ သူတွေမှာပဲ ခွဲခြားနိုင်တာပါ ။
သာမာန်အမြင်နဲ့တော့ ဘယ်သူမှမခွဲနိုင်ပါဘူး။
💎 Not Fake, Not Imitation
They are real diamonds — 🥶
Baby Boomers လို့ခေါ်တဲ့ 1955 – 1964 အတွင်းမွေးတဲ့ Generation တွေ နဲ့
Gen X တွေ ကတော့ Lab-grown Diamonds ကစိန်အစစ်လို့ပြောရင်ခါးခါးသီးသီး ငြင်းကြပါလိမ့်မယ်။
တွင်းထွက်မှမဟုတ်တာ ဘယ်လိုစိန်အစစ်လို့ပြောမလဲပေါ့
Gen Y , Gen Z , Gen Alpha တွေကတော့
AI , Google , IT တွေနဲ့ ရင်းနှီးသူတွေပီပီ
Search လုပ်ပြီးတာနဲ့
Lab-grown is real diamond လို့လက်ခံကြပါတယ် ။
စိန်ကြီးထွားတဲ့ Growth System ကလွဲပြီး ကျန်တာ အကုန်တူလို့ပါ 🥶
💰 Affordable
စျေးသက်သာတယ် ၊ လူတော်တော်များများလက်လှမ်းမှီတဲ့စျေးဖြစ်တယ် ၊
စျေးသက်သက်သာသာနဲ့ စိန်အကြီးတွေ ပိုင်ဆိုင်နိုင်ပါတယ်တဲ့ ။
Search လုပ်ကြည့်လိုက်တော့
တစ်ကာရက်ကို $ 300- 400 ပါတဲ့ ။
တွင်းထွက်စိန်က တစ်ကာရက် $ 3000 ဝန်းကျင်ကိုး စျေးက ဆယ်ဆလောက်ကွာတာပေါ့။
🌱 Eco-Friendly & Ethical
ပါတ်ဝန်းကျင်ထိခိုက်မှုမရှိဘူး ၊ ကျင့်ဝတ်လည်း မဖောက်ဖျက်ဘူးတဲ့ ။
တွင်းထွကိစိန်လို မိုင်းတူးစရာမလိုတော့ သဘာဝပါတ်ဝန်းကျင်မထိခိုက်ဘူးပေါ့
(နိုင်ငံခြားမှာက သဘာဝပါတ်ဝန်းကျင်ဆိုင်ရာ ထိခိုက်မှုတွေ အရမ်းအလေးထားပါတယ် )
မိုင်းမတူးရတော့ conflict တွေလည်း မရှိသလောက်ပါပဲ ၊ ဥပမာ- အသက်မပြည့် လုပ်သားစေခိုင်းတာ ၊ လက်နက်ကိုင်နယ်မြေကျုးကျော် အပိုင်စီးတာတွေပေါ့ ( စိန်အကြီးကျယ်တူးတဲ့ Africa မှာ ဒီ ပြသနာတွေရှိပါတယ် )
📜 Certified & Trusted တဲ့ 😬
(GIA, IGI, etc.) တို့က Lab Report ထုတ်ပေးပါတယ် ။
👉 အတိုချုပ်ရရင်တော့
Lab-grown Diamond တွေက စိန်အစစ်နဲ့ တူတဲ့ chemical composition ,
Crystal Structure တွေရှိတယ် ။
👉 အစစ်လိုတုပတာမှန်သော်လည်း
Natural Diamond နဲ့ same quality ကိုရောက်ရှိနေပြီဖြစ်တယ် ။
👉တော်ရုံစက်ကိရိယာ အကူညီမပါရင်လေ့ကျင့်ထားတဲ့သူတောင် ခွဲခြားဖို့ခက်တယ် ။
ဒါကြောင့် လက်ရှိစျေးကွက်မှာလည်း
Lab -grown diamonds တွေ တွင်တွင်ကျယ်ကျယ် မြင်လာနိုင်ဖွယ်ရှိပါတယ် ။
Natural မှ မြတ်နိုးသူတွေကလည်း Natural ပဲဝတ်
Lab-grown ကို စျေးသက်သာလို့ ကြိုက်တဲ့သူကလည်း Lab-grown စျေး ပေးဝယ်ဝတ်ရတာ အကောင်းဆုံးပါ ။
စျေးတန်းချင်းက ဆယ်ဆ ၊ ဆယ်ဆ မကကွာနေတာကြောင့် မှားယွင်း မဝယ်မိဖို့ပဲလိုတာပါ ။
လာမယ့် Saturday Knowledge post အစီစဉ်မှာ ဘယ်လိုခွဲခြား စီစစ်ဝယ်ရမလဲဆိုတာ ထပ်မံရေးပေးသွားပါမယ်ရှင် ။
ဗဟုသုတရစေမယ်လို့မျှော်လင့်ပါတယ်
Aye Mya Sandar Oo
Graduate Diamond Diploma ( GIA)
Applied Jewellery Professional ( GIA) Alumni Member of Gemological Institute of America ( GIA )
Aye
