28/08/2024
A Reflection on a Silver Coin
Kadagiti amin nga gatad iti kwarta,coins iti kabassitan iti gatad.
Kadawyan nga mausar a pagbarya,pang piso wifi ken pag-opering jada dominggo.
Bassit laeng iti gatad na ken kadalasan haan nga maikabil iti wallet ta dagiti laeng Papel a kwarta ti ikabkabil ti kaadwan.
Nupay bassit a gatad iti barya, adu met iti maaramid na ken adu dagiti kagagaladna nga nagpaiduma...
Sangaribo pesos ti kadakkelan nga pinapel a maigatang, ngem haanda awaten nu awan iti barya. Uray kayatmo iti gumatang iti Danum a maysa bote nu awan iti barya wennu pagbarya ket haanka a makagatang.
Maminsan laeng a mabaryaan ket maawanen ti kinadakkel iti gatad na,ngem ti barya uray mabaryaan agtalinaed latta a barya.
Ti barya adda bileg na a gudwa gudwaen ti dakkel a gatad ngem ti dakkel a gatad haan na mabalin a buuen ti barya lalo nu adda butal na.
Uray ipuor iti apoy haan nga mapuoran ken haan a mapigis pigis. Ngumisit man ngem nu maliha agsubli iti silap na.
Uray kartiben haan nga magudwa ket agtalinaed iti kinabaryana..
Kasta met iti pammati kas Kristiano, haan nga maik-ikkan iti attention. Uray pay iti panawen ket marigatan nga ipaay. Kasla barya nga awan kadagiti priorities a nu maiwagat ket awan unay ti epekto na iti biag ta ad adu pay ti kuna tayo a mas nangatu ti value na.
Nu maibusen iti linaon iti walletna,agsapulen iti barya.
Ti tao dumteng iti panawen nga maibusen iti kamanganna,agpannuray metten iti Pammati. Daytuy iti mapaspasamak nga ti pammati Isu iti las resort. Agsubli tayo iti panagpammati nu awanen iti kamangan iti biag ken haanen a kabaelan a risuten iti maysa a banag..
Anyaman a karit ti biag nu adda pammati ket kabaelan a mapagballigyan. Nangangruna pay nu aguurnong dagiti mamati ket mas powerful ket maaramidan na nga abaken ti dakkel a karit iti lubong .
Adda dagiti gundaway a tagibassiten tayo iti bagi tayo ta kunatayo nga nakurapay wennu haan a nakaadal . Ngem ni Apo Dios,napateg kekuana dagiti nanumo a tattao. Ta pinarsua na ida a padapada ken ay -ayatenna tayo nga awan labas na.
Kas iti maysa a pangarig: Luke 15:8-10
Wenno siasinno ti babai nga addaan sangapulo a pirak, no bilang ta mapukawna iti maysa nga pirak, ti saan nga mangsindian iti pagsilawan, walisanna iti balay, ken sapulenna a naimbag agingga a masarakanna daytoy?
Ket inton nasarakanna daytoyen, ayabanna dagiti gagayyem ken kaarubana, a kunana, 'Umay kayo makipagragsak kaniak, ta nasapulak ti pirak a napukawko.'
Kasta met, ibagak kadakayo, adda panagragsak iti presensya dagiti angel ti Dios gapu iti maysa a managbasol nga agbabawi.”
Ngarud bigbigen tayo nga napategtayo met iti imatang iti Dios ken napateg met dagiti kakabsat nga haan pay naiyasideg iti aramid ti Apo. Ket ti silap ti pammati isuti pagrangrangen tapno mabirukan ida ket maiyasideg iti koral ti Apo.
