Diana Sann Myanmar Gems and Jewellery

25/07/2024

25/07/2024

06/07/2024

သဘာဝ မိုးကုတ် ပတ္တမြား စစ်စစ်
တန်းကွင်း ၃ ကွင်းလုံးကိုမှ
ပန်းတိမ် ထည်လေးကိုမှ
စစ်ချက်လက်မှတ်ပါအပါ
$250 ထဲနဲ့ ပထမ ဆံုးရောင်းတဲ့နဲ့
lucky money အနေနဲ့ ချစ်မကြီး မသဲကို
ရောင်းပေးလိုက်ပါတယ် ❤️
ချစ်မရေ
နောက်လဲ အားပေးပါအုန်းနော် ❤️
Diana Sann Myanmar Gems and Jewellery

06/07/2024

ဒီနေ့ ၁၂ နှစ်ကျော် မလုပ် ဖြစ်တဲ့ ရတနာရောင်းတဲ့အလုပ်ပြန် စ လုပ်ဖြစ်တယ်
ပထမ ဆံုးနေ့မို့ အများကြီး လျော့ပြီး စျေးဦးပေါက် လျော့ရောင်းပေးဖြစ်တယ်
အားပေးကြတဲ့ မိတ်ဆွေ တွေကိုကျေးဇူးအများကြီးတင်ပါတယ် ရှင့်
နောက်လဲ အားပေးကြပါအုန်းနော်

29/09/2023

( ၇ ) သူယောင် (Rose Quartz)

သူယောင်ကျောက် Rose Quartz သည် အချစ်ကျောက်အဖြစ် လူသိများကြသည်။ ပန်းရောင်နှင်းဆီစလင်း/သလင်း ဟု လည်း တိုက်ရိုက်ပြန်ဆိုနိုင်သည်။ Quartz သလင်း အုပ်စုဝင်ပင် ဖြစ်သည်။ ထို့ကြောင့် မာခြင်းအဆင့်သည်လည်း (၇) ပင် ဖြစ်သည်။ ဝတ်ဆင်သူအား ချစ်မြတ်နိုးစေသည်ဟူသော အယူအဆကြောင့် အမျိုးသမီးများ အထူးကြိုက်နှစ်သက်ကြသည်။ ထင်ရှားသည့် ကြိုး ၆ ကြိုးမှာ Rose Quartz ၏ ထူးခြားချက် ဖြစ်သည်။ နိုင်ငံတော်တော်များများတွင် ထွက်ရှိပြီး ဈေးနှုန်းသင့်တင့်၍ ဝတ်ပျော်လှသည်သည်။

( ၈ ) စလင်းဝါ (Citrine Yellow Quartz)

စလင်းဝါ/သလင်းဝါ သည်လည်း Quartz (စလင်း) အုပ်စုဝင်ပင် ဖြစ်သောကြောင့် မာခြင်းအဆင့် (၇) ပင် ဖြစ်သည်။ လွယ်ကူစွာ မီးထိ၍အရောင်ပြောင်းနိုင်သဖြင့် ဈေးကွက်တွင် ဈေးနှုန်းချိုသာသော ကျောက်တစ်မျိုး ဖြစ်ပါသည်။ နိုင်ငံဒေသ တော်တော်များများမှ ထွက်ရှိပါသည်။

( ၉ ) ရွှေတွင်းဝါ (Danburite)

ရွှေတွင်းဝါသည် စလင်းဝါနှင့်မတူဘဲ ဈေးကွက်တွင်လူကြိုက်များပြီး တန်ဘိုးထားကြသော ကျောက်တစ်မျိုး ဖြစ်ပါသည်။ ရွှေတွင်းဝါ အစိမ်းရောင်သည် ရှားပါးပြီး ပိုမိုတန်ဘိုးရှိလှသည်။ မာခြင်းအဆင့်(၇) ရှိပြီး မိုးကုတ်ဒေသ မိုးမိတ်၊ ပိန်းပြစ်တို့တွင် ထွက်ရှိပါသည်။ ထို့အပြင် လက်ပန်လှနှင့် ခပ်ချယ်ဒေသတို့တွင်လည်း Tourmaline များနှင့် တွဲ၍ ထွက်ရှိလေ့ ရှိသည်။ အမေရိက၊ ဂျပန်၊ ဆွတ်ဇာလန်နှင့် မက္ကစီကို နိုင်ငံများမှလည်း ထွက်ရှိသည်။

28/09/2023

( ၅ ) ပြောင်ခေါင်းစိမ်း (Peridot Olivine)

ကမ္ဘာပေါ်ထွက်ရှိသော ကျောက်များတွင် မြန်မာ့ပြောင်ခေါင်းစိမ်းသည်လည်း နာမည်ကျော်ကြားလှသည်။ သံလွင်သီးအစိမ်းရောင်နှင့်တင်စားပြီး Olivine ဟု တင်စားခေါ်ဝေါ်ခြင်း ဖြစ်သည်။ မိုးကုတ်ဒေသပြောင်ခေါင်းရွာတဝိုက်တွင်အဓိက ထွက်ရှိသည်။ ထို့အပြင် ထင်ရှုးတောင်တစ်ကြောတွင်လည်း တွေ့ရှိရသည်။ မာခြင်းအဆင့် (၆,၅ မှ ၇) အထိရှိသည်။ မြန်မာ့ဈေးကွက်တွင် သင့်တင့်သောဈေးနှုန်းရှိသဖြင့် လူကြိုက်များလှသည်။ ဘရာဇီး၊တရုတ်၊ အမေရိက၊ ပါကစ္စတန်၊ အီဂျစ် စသည့်နိုင်ငံများမှလည်း ထွက်ရှိသည်။ တရုတ်မှထွက်ရှိသော ပြောင်ခေါင်းစိမ်းများလည်း မြန်မာ့ဈေးကွက်အတွင်း ဝင်ရောက်လျက်ရှိသည်။
တရုတ်ပြောင်ခေါင်းစိမ်းသည် စိမ်းဝါဖြစ်ပြီး မိုးကုတ်မှထွက်ရှိသော ပြောင်ခေါင်းစိမ်းသည် မှန်ကြည်စိမ်း ဖြစ်သည်။

( ၆ ) ခရမ်းစွဲ (Amethyst Purple Quartz)

ခရမ်းရောင်ရှိသောစလင်း ဖြစ်သည်။ မာခြင်းအဆင့် (၇) ရှိပြီး ဘားအံဒေသမှထွက်ရှိသော ခရမ်းစွဲသည် ဈေးကွက်တန်းအဝင်ဆုံးဖြစ်သည်။ မိုးကုတ်ဒေသမှထွက်ရှိသော ခရမ်းစွဲသည်လည်း လူကြိုက်များလှသည်။ မိုးကုတ်ဒေသတွင် ကျောက်ပြသာဒ်နှင့် မြိုင်ကြီးတစ်ကြောတွင် ထွက်ရှိသည်။
တရုတ်မှဝင်ရောက်လာသော ခရမ်းစွဲသည် သဘာဝ မဟုတ်ဘဲ ချက်ကျောက်များ ဖြစ်နေလေ့ရှိသည်။ ထို့အပြင် ဈေးကွက်အတွင်း နိုင်ငံပေါင်းစုံမှ ခရမ်းစွဲများ ဝင်ရောက်လျက်ရှိသောကြောင့် Lab စစ်ဆေးရတွင် ထွက်ရှိရာဒေသအား ဖော်ပြပေးခြင်းမရှိတော့ဘဲ သဘာ၀ ဟုတ်/မဟုတ်သာ စစ်ဆေးပေးနိုင်တော့သည်။

27/09/2023

( ၃ )အမာရောင်စုံ(ပတ္တမြားနီလာမျိုးရင်းအုပ်စု) Corundum

အမာရောင်စုံသည် ပတ္တမြားနီလာမျိုးရင်းအုပ်စုဖြစ်ပြီး နီလာရောင်စုံဟုလည်း ခေါ်ဝေါ်ကြသည်။ မာခြင်းအဆင့်သည်လည်း အဆင့်(၉) ပင် ဖြစ်သည်။ ပတ္တမြား၊နီလာ နီးပါး ဈေးကွက်တန်းဝင်သော ကျောက်များ ဖြစ်ကြသည်။

( ၄ ) စိန် (Diamond)

အာဖရိကတိုက်မှ အရည်အသွေးအကောင်းမွန်ဆုံးသော စိန်များထွက်ရှိလေ့ရှိသည်။ မာခြင်းအဆင့်တွင် အမြင့်ဆုံး မာခြင်းအဆင့်(၁၀) ရှိသည်။
မြန်မာနိုင်ငံတွင် မိုးမိတ်ဒေသတွင် ထွက်ရှိသည်။ မိုင်းရှုး၊ နမ့်ယား၊ ထားဝယ်နှင့် သံလွင်မြစ်တစ်ကြောတွင် ထွက်ရှိသည်ဟု ကြားသိရသော်လည်း စီးဖွားဖြစ်ထုတ်လုပ်နိုင်ခြင်း မရှိသေးပေ။ အရောင်လက်အား အကောင်းဆုံးဖြစ်သည်။ အဖြူရောင်၊ အဝါရောင်၊ အညိုရောင်များအား အားများဆုံးတွေ့ရှိရပြီး အပြာရောင်၊ အနီရောင်၊ အစိမ်းရောင်သန်းသော စိန်များလည်း တွေ့ရှိရပြီး ရှားပါးသဖြင့် တန်ဘိုးကြီးမားသည်။

ပြုပြင်ချက်လုပ်ထာသော စိန်များလည်း ဈေးကွက်အတွင်း ပေါများစွာ တွေ့ရှိရသည်။

26/09/2023

( ၂ ) နီလာ (Sapphire)

နီလာသည် ပတ္တမြားကဲ့သို့ပင် မာခြင်းအဆင့် (၉) ရှိပြီး Corundum (ပတ္တမြားနီလာမျိုးရင်း) အုပ်စုဝင် မှန်ရောင်လက် ဖြစ်ပါသည်။ အရောင်သည် အပြာရောင်ဖြစ်သဖြင့် နီလာဟု ခေါ်ဆိုခြင်းဖြစ်သည်။ Corundum တွင် အနီရောင်အား ပတ္တမြား၊ အပြာရောင်အား နီလာနှင့် အခြားအရောင်များအား နီလာနှင့်တွဲဖက်၍ နီလာဖြူစသဖြင့် ခေါ်ဝေါ်ကြသည်ဟု လွယ်ကူစွာ မှတ်သားနိုင်သည်။ အနီ၊အပြာမှလွဲ၍ ကျန်သောအရောင်များအား အမာရောင်စုံ (သို့မဟုတ်) နီလာရောင်စုံဟု ခေါ်ဝေါ်ကြသည်။ မိုးကုတ်မြို့အနောက်ပိုင်း ကျောက်ပြသာဒ်‌ဒေသ၊ပိန်းပြစ်ဒေသမှ ထွက်ရှိသော နီလာများသည် အရည်အသွေးကောင်းမွန်၍ လူကြိုက်များသည်။ မိုးညှင်းဒေသမှထွက်ရှိသော မိုးညှင်းနီလာ(Kyanite) များသည်လည်း ဈေးကွက်အဆင့်အတန်း တစ်ခုရှိသည်။ မိုးညှင်းနီလာ(Kyanite) သည် မာခြင်းအဆင့် ( ၅ မှ၇ အထိ) ရှိသည်။ မိုးကုတ်နီလာနှင့် မိုးညှင်းနီလာမှာ အရောင်အနေဖြင့် ယှဉ်ကြည့်ပါက ကွဲပြားထင်ရှားပါသည်။

26/09/2023

မြန်မာနိုင်ငံတွင်ထွက်ရှိသော ကျောက်မျက်ရတနာများအား အ ခြေခံပြီး အထွေထွေဗဟုသုတ ရရှိစေရန်အလို့ငှာ ရည်ရွယ်ဖော်ပြပေးသွားပါမည်။ မိုးကုတ်ဒေသခံတို့၏ အခေါ်အဝေါ်အပေါ်မူတည်ရေးသားထားသောကြောင့် တစ်ချို့သော ကျောက်မျက်နာမည်ဆိုင်ရာ အသုံးအနှုန်းများသည် အနည်းငယ်ကွဲလွဲမှုများ ရှိနိုင်ပါသည်။

ဒီနေ့အတွက်ကတော့

( ၁) ပတ္တမြား (Ruby)

ပတ္တမြားကို နီစွေးရဲနေသော ၎င်း၏ အဆင်းအရောင်ကြောင့် “ကမ္ဘာမြေကြီး၏နှလုံးသွေးစက်များ” အဖြစ် တင်စားတန်ဘိုးထား ခေါ်ဝေါ်ကြသည်။ လက်တင်ဝေါဟာရ Rebeus မှ ဆင်းသက်လာပြီး Red(အနီ) ဟု အဓိပ္ပါယ်ရသည်။ ကမ္ဘာပေါ်တွင် မြန်မာနိုင်ငံ၊ မိုးကုတ်ဒေသမှထွက်ရှိသော ပတ္တမြားသည် အရည်အသွေးအကောင်းဆုံးနှင့် လူကြိုက်အများဆုံးဖြစ်သည်။ Corundum (ပတ္တမြားနီလာမျိုးရင်း) အုပ်စုဝင် မှန်ရောင်လက် ဖြစ်ပါသည်။ ပုံတွင်ဖော်ပြထားသော ကြိုးပါသည့် Star Ruby များသည် ဈေးကွက်တွင် လူကြိုက်များလှသည်။ အကောင်းဆုံးပတ္တမြားအရည်မှာ ခိုသွေးရည်(Pigeon’s Blood) ဖြစ်သည်။ အရည်အား ခိုသွေး၊ နတ်သွေး၊ ခါးရည်၊ ခါးထက်ရည်၊ ခါးရှိန်း စသည်ဖြင့် ဒေသခံများက ပြောဆိုကြသည်။ အရည်ချိုသော ပတ္တမြားအား Lab စစ်ဆေးရာတွင် Ruby အဖြစ်ထုတ်မ ပေးဘဲ Pink Sapphire (ပန်းရောင်နီလာ) အဖြစ်ထုတ်ပေးလေ့ရှိသည်။ အဘယ်ကြောင့်ဆိုသော် Corundum (ပတ္တမြားနီလာမျိုးရင်း) အုပ်စုဝင်ဖြစ်ပြီး အနီရောင်ထိမရောင်ဘဲ ပန်းရောင်ဘက်တွင် ရှိနေသောကြောင့် ဖြစ်သည်။ မာခြင်း အဆင့်-၉ ရှိပါသည်။

ထိုင်း၊ အိန္ဒိယ၊ အမေရိက၊ ကမ္ဘောဒီးယား၊ နိုင်ဂျီးရီးယား စသည့်နိုင်ငံများမှလည်း ထွက်ရှိပါသည်။ Heat Treated ဟုခေါ်သော မီးထိပြုပြင်ထားသော Ruby များလည်း ဈေးကွက်အတွင်း ရှိတတ်ပါသည်။ သို့သော် မြန်မာနိုင်ငံတွင် Heat Treated ကျောက်ထက် Natural သဘာ၀ပိုမိုပေါများသဖြင့် ကမ္ဘာ့အလည်တွင် Burmese Ruby မှာ မျက်နှာပန်းပွင့်လျက် ရှိပါသည်။ မိုးကုတ်မြို့မှထွက်ရှိသော ပတ္တမြားသည် အရည်အသွေး အကောင်းအမွန်ဆုံး ဖြစ်ပြီး မိုင်းရှုးရတနာမြေ၊ နန့်ယား၊ ကရင်ပြည်နယ်၊ ကချင်ပြည်နယ်များတွင်လည်း ထွက်ရှိသည်ဟု သိရှိရပါသည်။

တနင်္ဂနွေ သား/သမီးများအတွက် အဆောင်ကျောက်မျက် ဖြစ်ပြီး၊ ဘုန်တန်ခိုးကြီးမားစေခြင်းအတွက် အထောက်အပံ့ကောင်း ကျောက်မျက်အမျိုးအစားဖြစ်သည်။ (၉) ဂဏန်းသမားများအတွက် ကံကောင်းစေသော အဆောင်ကျောက်လည်းဖြစ်သည်။