20/10/2026
عميلنا العزيز
مفيش يافندم انسيال جرام واحد وهيكون عملي مفيش كوليه اتنين جرام وعايز تنام وتصحي بيه ويفضل سليم
مفيش يافندم مشغولات خفيفه ضد القطع او الكسر
وللأسف اوقات كتير هذه المشغولات المتناهية الصغر مبينفعش ليها تصليح
وبرضه حضرتك مينفعش تشتري حاجه جرام او اتنين وشكلها منفوخ وتبان وكأنها خمسه جرام وتتخيل انها هتتحمل وكأنها فعلاً خمسه جرام
يافندم هذه المشغولات للاستخدام الخفيف جداً ويحتاج محافظه حتي في التخزين لان مينفعش يتحط مع مشغولات كتير لان ممكن يتشبك مع اي قطعة شغل اخري ويتقطع
لابد ان يتغير تعامل حضرتك مع مشغولاتك القديمه لانها كانت أوزان تتحمل وبين معظم الموديلات الحديثه لان أوزانها غير زمان
نتمني يافندم التعامل مع مشغولاتك الذهبيه مثل تعاملك مع اغلي فستان سواريه في دولابك
ايوه بالظبط كده نحضر المناسبه وبعدها بكل عنايه يرجع مكانه
عميلنا يعز علينا خسارتك ولا يرضينا وعشان كده بننشر هذا البوست للتعامل بحذر مع هذه المشغولات
ونتمني ان يعز عليك خسارتنا ولا تجبرنا بين ان نخسرك كعميل وبين ان نتحمل الخساره عنك
طوال السنين الماضيه كنا نتحمل عن طيب خاطر وكانت محتمله
ولكن الان ومع كثرة المنتجات الخفيفه لن نستطيع تحمل مزيد من الخسائر نتيجة مرتجعات هذه القطع من بعض العملاء الذين لايحافظون عليها
ممتنون ونشكركم علي تفهمكم مقصدنا ونعدكم اننا سنظل عند حسن ظنكم بنا
