Sms_au "Stock Market Simulation"

Directions

Sms_au "Stock Market Simulation" Stock Market Simulation ( SMS - AU ) is a simple simulation of the stock markets held by Assiut university students .

It's made to help the participants understand the stock markets and banking . Join us and you will gain knowledge & have fun!

⏳ 24 HOURS LEFT .. WE WILL CLOSE REGISTRATION! 🔥| الفرصة قربت تقفل .. والوقت المتبقي للتسجيل 24 ساعة بس! 🚨لو لسه بتفكر ...
21/10/2026

⏳ 24 HOURS LEFT .. WE WILL CLOSE REGISTRATION! 🔥

| الفرصة قربت تقفل .. والوقت المتبقي للتسجيل 24 ساعة بس! 🚨

لو لسه بتفكر تنضم لفريق نموذج محاكاة البورصة المصرية بجامعة أسيوط | SMS، فدي فرصتك الأخيرة علشان تكون جزء من تجربتنا وتبدأ رحلتك معانا .. 📊💪🏻

متستناش لحد ما التسجيل يقفل .. مكانك وسطنا مستنيك! 🔥

قدّم دلوقتي قبل غلق باب التسجيل 👇🏻
🔗 [ https://forms.gle/xTm6yVzE7RfvPaoF9 ]


مش بس تكون واحد من الجمهور ، كُن جزء من الحدث واكتب قصتك معانا فالموسم الثامن .. 🔥💰| في SMS مش هتكون مجرد متابع .. هتكو...
19/10/2026

مش بس تكون واحد من الجمهور ، كُن جزء من الحدث واكتب قصتك معانا فالموسم الثامن .. 🔥💰

| في SMS مش هتكون مجرد متابع .. هتكون جزء من فريق بيخطط وينظم وينفّذ تجربة بتحاكي سوق المال الحقيقي .. 📈👥

| هنا هتكتسب خبرة عملية .. وتتعلم تشتغل وسط فريق، وتحوّل أفكارك لإنجازات حقيقية .. 👌🏻

| اختار مكانك وسط لجاننا في موسمنا الثامن :
» HR - الموارد البشرية
» PR - العلاقات العامة
» OC - التنظيم
» IT - تكنولوجيا المعلومات
» Media - الإعلام
» Marketing - التسويق
» Academy - الأكاديمي

| دي فرصتك تتعلم ، وتطوّر مهاراتك ، وتضيف تجربة حقيقية لمسيرتك ..‼️

متستناش تشوف القصة من بعيد .. شارك في صناعتها! 🔥
قدّم دلوقتي وانضم لفريق SMS AU Round 8 من هنا 👇🏻
🔗 [ https://forms.gle/xTm6yVzE7RfvPaoF9 ]


هو السوق بيكافئ الصبور .. ولا المتحمس 🤔 ؟ السؤال ده بيعدّي على دماغ أي حد أول ما يفكر يدخل البورصة .. 📉أدخل بسرعة؟ ولا أ...
12/10/2026

هو السوق بيكافئ الصبور .. ولا المتحمس 🤔 ؟

السؤال ده بيعدّي على دماغ أي حد أول ما يفكر يدخل البورصة .. 📉
أدخل بسرعة؟ ولا أستنى وأحسبها؟ أتحمّس؟ ولا أهدى وأتعلم؟

خلّيك معايا شوية وهتفهم الإجابة ، وهتعرف تبدأ منين بالإستثمار في مصر حتى لو معاك مبلغ صغير .. 💵💡

| نبدأ بالمتحمّس .. 💰
المتحمّس هو اللي يسمع عن سهم سخن ، يحس إن الفرصة هتضيع ، يدخل بسرعة ومن غير خطة .. أول ما السعر ينزل شوية القلق يزيد ، والخوف يدخل ، فيبيع بخسارة .. 🥲 المتحمّس مش غلط ، بس المشكلة إن السوق ما بيحبّش القرارات السريعة ولا العاطفة ، السوق بيكافئ اللي فاهم هو بيعمل إيه .. ‼️

| طيب والصبور .. 🤔 ؟
الصبور هو اللي بياخد وقته يفهم ، عارف هو داخل ليه ، مش مستني مكسب في أسبوع ، وفاهم إن الصعود والنزول طبيعي وإن كل جلسة تداول هي رواند جديد .. 📊
والصبور مش بطيء ، بالعكس الصبور واعي ، وعارف إن الاستمرارية أهم من الضربة السريعة ..⏳🔥

| السؤال الأهم بقى .. السوق بيكافئ مين؟!
الحقيقة إن السوق لا بيكافئ المتحمّس لوحده ولا الصبور لوحده ، السوق بيكافئ المتحمّس اللي بيفهم ، والصبور اللي عنده خطة واضحة وملتزم بيها .. ✅💰

| الخلاصة إن السوق مش سباق سرعة .. السوق فعلا ماراثون .. تحمّسك هيخليك تبدأ ، صبرك هيخليك تكمل ، وفهمك هو اللي هيكسبك في الآخر .. 🧠

| دلوقتي السؤال ليك إنت لو دخلت السوق النهارده شايف نفسك أقرب لمين؟
متحمّس ولا صبور؟

اكتب رأيك في الكومنتات وخليك جاهز للرواند السابع .. 👇🔥


هي فعلاً الفلوس بتتحرك؟!🤔 مش في شارع .. ولا في سوق! هنا بنتكلم عن مكان فيه القرارات بتأثر على شركات ومستثمرين وإقتصاد كا...
11/10/2026

هي فعلاً الفلوس بتتحرك؟!🤔
مش في شارع .. ولا في سوق!
هنا بنتكلم عن مكان فيه القرارات بتأثر على شركات ومستثمرين وإقتصاد كامل🪙

» البورصة مش لعبة ،
ومش أرقام بتطلع وتنزل على الفاضي .. 💸
دا سوق منظّم بِيُباع ويُشتَرى فيه أوراق مالية زي الأسهم والسندات .. 📉

» يعني إيه الكلام ده؟!
يعني لما تشتري سهم .. فإنت مش بتشتري ورقة ، بل إنت بتشتري جزء من شركة حقيقية!
نجاحها نجاح ليك وخسارتها عليك🤑

» طيب وليه البورصة مهمة🏦؟
بتساعد الشركات تكبر وتموّل مشروعاتها وبتفتح باب استثمار قدام الأفراد وبتعكس حالة الاقتصا د: قوتُه أو ضعفُه

» 🧠 معلومة سريعة : كلمة بورصة أصلها راجع لعيلة بلجيكية اسمها
Van der Bürsen
وكان مكان تجمع التجار عندهم هو الشرارة الأولى لسوق المال اللي نعرفه دلوقتي .. 📊

» السؤال بقى!
لسه شايف البورصة مجرد اسم؟
ولا بدأت تفهم إنها مكان الفلوس بتتحرك فيه بوعي مش بحظ؟

تابعنا ..
علشان اللي جاي
مش مصطلحات
اللي جاي فهم هيخليك سابق بخطوات 💼🔥


إيه قصة مصر و البورصة .. 🤔 ؟كتير فاكر إن البورصة فكرة حديثة أو مستوردة ، ولكن الحقيقة إن مصر من أوائل دول العالم اللي عر...
10/10/2026

إيه قصة مصر و البورصة .. 🤔 ؟

كتير فاكر إن البورصة فكرة حديثة أو مستوردة ، ولكن الحقيقة إن مصر من أوائل دول العالم اللي عرفت البورصة بشكل منظم ، و كان ليها تجربة قوية في تاريخ المال و الاستثمار .. 🇪🇬💰

خلّيك معايا نحكي القصة ببساطة و من غير تعقيد .. 😉

| البداية الحقيقية .. 🕰️

نهاية القرن الـ 19 و بداية الـ 20 ، و الاقتصاد المصري كان من أقوى اقتصادات المنطقة بسبب ازدهار القطن ، و وجود بنوك ، و توسّع شركات صناعية و زراعية ، و دخول رؤوس أموال أوروبية .. 📊
ده خلق احتياج طبيعي لسوق ينظم بيع و شراء الأسهم و السندات .. 🏦

| 1903م : لحظة الميلاد الرسمية .. 🏛️

بدأت البورصة المصرية بشكل منظم في مبنى البنك العثماني بشارع عدلي ( جروبي حالياً ) ، لتنظيم السمسرة ، قيد الأسهم و السندات ، و تسجيل الأسعار و ضبط التداول .. 🤝🏻📝

» للعلم‼️
التعاملات و قتها كانت مقتصرة على كبار المستثمرين!

| 1908م : أول منصة تداول حقيقية .. 📈

القاهرة بقى عندها منصة تداول فعلية ، و شفافية أعلى ، و متابعة مباشرة للأسعار ، وزيادة الثقة و توسّع عدد المستثمرين .. 💵

| مصر ضمن أكبر بورصات العالم .. 🇪🇬🌍

بين الحربين العالميتين ، بورصتا القاهرة و الاسكندرية كانوا من أنشط بورصات العالم ، و مصر كانت ضمن أكبر 5 أسواق مال عالمياً .. 🤑

إيه نوع الشركات .. 🏭 ؟
قطن و غزل و نسيج ، و قناة السويس ، و نقل و سكك حديد ، و شركات عقارية ، و بنوك مصرية و أجنبية .. 🏦🇪🇬

| التحولات و التحديات .. ⚠️

بعد ثورة 1952 و سياسات التأميم ، نشاط البورصة تراجع بشدة .. 📉

لكنها ما اختفتش ، كملت بدور محدود ..

| العودة من جديد .. 🔄🏦

من التسعينات رجعت البورصة بقوة مع الإصلاح الاقتصادي ، تحديث القوانين ، دخول المستثمر الأجنبي ، وأدوات مالية جديدة .. 🏦💰

الخلاصة .. 📌
البورصة المصرية مش فكرة جديدة ، و مش لعبة قمار ، و مش حكر على الأغنياء ؛ بل دي مؤسسة عمرها أكتر من 120 سنة ، و كانت دايماً انعكاس لحالة الاقتصاد المصري .. 🇪🇬📉

و لو عايز تفهم البورصة صح ..
افهم تاريخها الأول .. 📚

تابعنا علشان لسه التقيل جاي .. 🔥📊


ليه الدب والثور هما شعارنا ؟! 🐻🐂🤔إيه علاقة الحيوانين دول بعالم البورصة ؟!وليه بقوا رموز لأشهر حركة في الأسواق المالية ؟!...
09/10/2026

ليه الدب والثور هما شعارنا ؟! 🐻🐂🤔

إيه علاقة الحيوانين دول بعالم البورصة ؟!
وليه بقوا رموز لأشهر حركة في الأسواق المالية ؟! 📈📉

جهّز كوباية القهوة .. ☕
ويلا بينا نعرف الحكاية ! 💡🔥

الدب والثور .. حكاية صراع ! ⚔️

🐻 الدب .. رمز الهبوط !
طريقة هجومه من فوق لتحت ، وده ارتبط بانخفاض الأسعار لما ضغوط البيع تزيد ، ويسيطر البائعون على حركة السوق !

🐂 الثور .. رمز الصعود !
هجومه من تحت لفوق ، وده ارتبط بارتفاع الأسعار لما الطلب يزيد ، ويكون المشترون هم أصحاب التأثير الأكبر !

ومن هنا ظهر مصطلحا Bear Market للسوق الهابط ، و Bull Market للسوق الصاعد ! 📊

» طيب ، إيه علاقة ده بشعارنا ؟! 👀

البورصة مش مجرد أرقام بتتحرك على الشاشة ..
دي قرارات ، وتحليلات ، وفرص ، ومخاطر ، وصراع مستمر بين الشراء والبيع !

وعلشان كده اخترنا الدب والثور شعارًا لنموذج محاكاة البورصة المصرية بجامعة أسيوط .. لأن هدفنا إنك تفهم السوق من كل جوانبه ، وتعيش تجربة التداول بنفسك ! 🏦💰

مش بس تعرف إمتى الأسعار بتطلع أو بتنزل ..
لكن تتعلّم تحلّل ، وتفكّر ، وتاخد قراراتك بناءً على فهم حقيقي ! 🧠🔥

والرمزين دول ارتبطوا بالأسواق المالية من قرون ، لحد ما بقوا جزءًا من ثقافة البورصة العالمية ، ومن أشهر معالمهم تمثال الثور الشهير في وول ستريت بنيويورك ! 🌍🐂

الموسم الثامن قرب يبدأ .. والجولة الجديدة مستنياك ! ⚔️🔥

السؤال بقى .. 🤔

هتدخل بعقلية الدب 🐻 ؟
ولا بروح الثور 🐂 ؟
ولا هتحلّل الأول ، وتسيب قرارك للمعلومة ؟! 📊💡

شاركنا اختيارك في الكومنتات ! 👇🔥


The Next Chapter is COMING .. 🔥بعد موسم سابع مليان نجاحات وتجارب ولحظات مميزة ..الـ SMS بيستعد لكتابة فصل جديد .. 📊🏦نموذ...
06/10/2026

The Next Chapter is COMING .. 🔥

بعد موسم سابع مليان نجاحات وتجارب ولحظات مميزة ..
الـ SMS بيستعد لكتابة فصل جديد .. 📊🏦

نموذج محاكاة البورصة المصرية | ROUND 8

تجربة جديدة ، رؤية مختلفة ، وطموح أكبر .. 🚀

👀 Coming Soon ..

استعدوا .. SMS ROUND 8 is Coming .. 🔥



🏆 وراء كل نجاح .. فريق يستحق أن يُذكر!ومع وصولنا إلى ختام الموسم السابع من نموذج محاكاة البورصة المصرية بكلية التجارة – ...
04/10/2026

🏆 وراء كل نجاح .. فريق يستحق أن يُذكر!

ومع وصولنا إلى ختام الموسم السابع من نموذج محاكاة البورصة المصرية بكلية التجارة – جامعة أسيوط ، لا يمكن أن نطوي صفحة هذا الموسم دون أن نتوقف تقديرًا لكل من كان جزءًا من رحلته ، وساهم بجهده ووقته وإخلاصه في الوصول إلى ما حققناه .. ♥🫶🏻

إلى أعضاء الموسم السابع المتميزين ، وإلى الهيكل الإداري ولجانه ..

شكرًا لكم على كل لحظة عمل، وكل مجهود بُذل، وكل تحدٍ تجاوزناه معًا ..

منذ اللحظات الأولى لانطلاق الموسم ، مرورًا بالتجهيز والتخطيط ، والعمل داخل اللجان ، والتحضيرات للتدريب ، وتنفيذ الفعاليات والمحاكاة ، وحتى آخر لحظة في ختام الرحلة .. كنتم جزءًا أصيلًا من كل خطوة نجاح ..

لم يكن النجاح وليد يوم أو مجهود فرد واحد ، بل كان نتيجة عمل جماعي ، والتزام ، وروح فريق آمنت بالفكرة واستمرت في العطاء حتى النهاية .. 🫂

قد تنتهي فعاليات الموسم السابع ، لكن ما قدمتموه سيظل جزءًا مهمًا من تاريخ الـ SMS ، وأثرًا نعتز به في مسيرتنا .. 🫶🏻

شكرًا لكل من بدأ معنا ، ولكل من استمر ، ولكل من أعطى من وقته وجهده حتى آخر نفس وآخر لحظة .. ✨

أنتم لستم مجرد أعضاء شاركوا في موسم .. أنتم جزء من الحكاية التي صنعت نجاحه .. 🏆

بكم اكتملت الرحلة ، وبجهودكم أصبح للموسم السابع بصمته الخاصة .. 💪🏻

شكرًا لفريق الموسم السابع .. كنتم على قدر المسؤولية ، وكان عطاؤكم يستحق كل التقدير .. ✊🏻


30/09/2026

وفي يوم من الأيام
هنفتكر إن كل ده بدأ من هنا. ❤️

هنفتكر أول مرة دخلنا فيها التدريب،
الوجوه اللي كانت لسه غريبة،
الكلام اللي كان جديد،
والحماس اللي مكناش عارفين هيوصلنا لفين.

هنفتكر الأيام اللي كانت طويلة وإحنا عايشينها
لكن دلوقتي، لما نبص ورا، هنلاقيها عدّت أسرع مما كنا نتخيل.

هنفتكر الضحك بين المحاضرات،
النقاشات اللي مكنتش بتخلص،
اللحظات اللي اتوترنا فيها،
واللحظات اللي حسينا فيها إن كل التعب كان مستاهل.

يمكن المكان هيفضى
والتدريب هيخلص
وكل واحد فينا هيرجع لطريقه.

لكن في حاجة واحدة مش هتنتهي ..

الذكريات.

لأن بعض التجارب مش بتتقاس بعدد الأيام اللي قضيناها،
بتتقاس بالأثر اللي بتسيبه جوانا بعد ما تخلص.

وده كان الموسم السابع.
مش مجرد تدريب
دي كانت رحلة.

والنهارده بنقفل فصل
مش علشان الحكاية خلصت،
لكن علشان فصل جديد يستعد يبدأ.

Thank you for the memories.
See you in Season 8. ❤️‍🔥

كلية التجارة - جامعة أسيوط
Dr. Ahmed Abdelreheem Khalil
رعاية شباب كلية التجارة جامعة اسيوط




💬 حابين نسمع رأيكم في نموذج محاكاة البورصة المصرية – الموسم السابع! 📊🔥بعد رحلة من الشغل الكتير والتجهيز والإعداد للتدريب...
22/09/2026

💬 حابين نسمع رأيكم في نموذج محاكاة البورصة المصرية – الموسم السابع! 📊🔥

بعد رحلة من الشغل الكتير والتجهيز والإعداد للتدريب والمحاكاة والتجارب العملية ، والفعاليات المختلفة ..
دلوقتي الدور عليكم! 👀

إيه رأيك في SMS – Stock Market Simulation في موسمه السابع؟
وإيه أكتر حاجة عجبتك أو استفدت منها خلال فترة مشاركتك بالنموذج والتدريب والمحاكاة؟ 🤔

سواء كنت عضو بالنموذج ، أو شاركت معانا في التدريب ، أو حضرت جزء من الفعاليات ، أو حتى تابعتنا من بعيد ..
رأيك يهمنا وعايزين نسمعه بصراحة .. 🫶🏻♥

اكتبولنا في الكومنتات:
📌 رأيك في الموسم السابع؟
📌 رأيك في التدريب والمحاكاة؟
📌 أكتر حاجة عجبتك في التجربة؟
📌 وإيه اللي نفسك تشوفه في المواسم الجاية؟

سيب رأيك .. يمكن كلمتك تكون سبب في تطوير SMS أكتر وأكتر .. 🚀📈


Address

Faculty Of Commerce, Assiut University, Assiut
Asyut
71515

Website

Alerts

Be the first to know and let us send you an email when Sms_au "Stock Market Simulation" posts news and promotions. Your email address will not be used for any other purpose, and you can unsubscribe at any time.

Shortcuts

Share