24/04/2026
الحمد لله رجعت من الاجازه الحقيقه كنت باعزل واخد مني وقت ومجهود جامد وان شاء الله اللي جاي اجمل بكتير وحماس وروح جديده بطاقه المكان الجديد
وهيبقى فيه حاجات جديده ونشاطات جديده هتعجبكم جدا .. نبتدي ناخد اوردرات وننفذها من يوم الاتنين بإذن الله
محتاجه دعائكم ليا انها تكمل على خير .. شقى وحلم العمر حطيته في شقتي الجديده 😍😍 ورجعالكم بحماس اللي كان من ٢٠ سنه واجمل كمان ... لان لما بدأت كنت مضطره وباشتغل وبس حابه بقى مش حابه مكنش فارق كل اللي كان فارق اني اخرج من الحياه القاتله اللي كنت عايشاها ... قعدت سنين طويله علشان اقدر اعمل المكان اللي اتنقلت للعيش فيه .. قد ايه مبسوطه وفخوره بنفسي جدا ... ومع كل طوبه بابنيها كنت افتكر كلمه الاكس وهو بيقولي هتموتي من الجوع من غيري ومش هتلاقي تاكلي ... ورغم الفلوس القليله اللي معايا وحرمت نفسي من حاجات كتير .. الا اني قدرت اعمل اللي هو مقدرش يعمله وهو معاه ملايين ... الحمد لله اوعوا تنسوا ايه الله وان تفرقا يرزق كلا من سعته .. اوعوا تخافوا من الرزق اصل الرزاق ربنا ... انا فرحانه قوي وفخوره بنفسي جدا ... اه انا وضبت شقتي باخر مليم معايا ... لكن دايما باقول ان اللي في ايده صنعه مش بيغلب ... المهم الامان .. امنوا نفسكم انتم اهم من اي حد .. شقه مقفوله عليكم واقعدوا بعد كده بالتلاجه مافيهاش الا مايه بس
اي حاجه تانيه سهله باذن الله
ماشاء الله ولا قوة الا بالله ... اللهم لك الحمد والشكر يارب .. ادعولي بالبركه والرزق ويمنع عني عيون الحاقدين والحاسدين يارب
وهيكون فيه مكان تقدروا تستلموا منه شغلكم في التجمع ... تنوروني
