27/03/2025
🛑🛑🛑بناء علي رغبه صاحبه البوست ان البوست بتاعها ينتشر..
ده الكلام اللي هي كتبته و منقول عنها 👇🏻👇🏻👇🏻👇🏻👇🏻👇🏻
لكل شخص بيقول لام شمسيه مقرف او موءلم مش قادرين نتفرج عليه، ارجوك/ارجوكي متعديش البوست بتاعي بوست طويل و موءلم بس أنا هنا عشان اقولك ان المسلسل ده قصه حياتي و عمري اللي بيتسرسب من ايدي و أنا ضحيه مش مذنبه
انا سني فوق التلاتين سنه ام لطفلين قبل عرض مسلسل لام شمسيه بيومين كنت متحوله من دكتوري ل therapist لاني بقالي قرب السنه بعاني اعراض depression و massive anxiety و علاقه جنسيه غير متزنه تماما، قبل ميعاد اول جلسه ليا بيوم اتفرجت علي المسلسل و هنا كل حاجه اتحفرت في عقلي و قررت اتجاهلها و انساها تماما رجعت اكنها بتحصل في نفس اللحظه الللي انا عايشه فيها دلوقتي كل التفاصيل كل الوجع و الالم .. انا كان بيتم الاعتداء عليا بعلاقه كامله بس من الخارج و انا في عمر ال 8 او 9 سنين عرفت الناس بتتجوز ازاي وانا 8 سنين ! مش مره ولا اتنين ولا حتي تلاته مرات مش قادره اعدها و ده لانه كان عايش في بيتنا و ماما كانت بتسبني اطلع شقته لوحدي او اقعد و الزق فيه كان بيتحرش بيا بايده في بيت اهلي و هي عمرها ما اخدت بالها، عمرها ما سألتني بتغيري هدومك ليه لما بتنزلي من عنده، و حتي لما ده وقف كان برفض تام مني، متخيلين طفله في العمر ده قدرت تاخد القرار انه لا كفايه، كنت في الاول زي يوسف مبسوطه عشان اخيرا في حد شايفني و في سر بيني و بينه بس متخدره و حاسه بذنب و احتقار لجسمي و نفسي ميتوصفش، من بعدها كنت بعمل علي نفسي بليل لغايه ما بقيت في إعدادي و حتي ثانوي بس كان اقل ، عمر امي ما فكرت توديني لدكتور و تعرف ده بيحصل ليه بس كانت بتزعقلي و تقرف مني و تخليني انضف مكاني، فضلت اعاني من ال panic attacks طول عمري بس مكنتش اعرف ده ايه، و كبرت و مفيش مخلوق علي الارض شال معايا حملي، كبرت وحياتي كانت ماشيه تمام إنسانه مشرقه و ايجابيه بكل معني الكلمه ، و كنت بعرف و اقرأ كتير عن الصحه النفسيه و التربيه الايجابيه و مخ الطفل ، و اتجوزت و خلفت و قررت ان هما كل حياتي قعدت في البيت معاهم و كنت مقتنعه باني لازم اذاكر و اعرف و اتعلم طول الوقت ازاي ابقي ام مش اي حد موءهل يبقي ام ، لكن مع كل ده كان في اعراض دايما ملازماني انا كنت عارفه انها ليها علاقه بطفولتي لكن متعايشه معاها ، panic attacks, massive fear and anxiety, extremely sweaty hands, extremely overthinker عقلي دايما حاسس بخطر مع اي لمسه من اي بني ادم ماعدا اولادي ،انعدام الرغبه الجنسيه و ممارستها في الظلام فقط. لكن بعد اكتر من 25 سنه عقلي قرر يصرخ و يقول كفايه الم جسمي مش قادر يخزن الم اكتر ، فجأه الأعراض دي زادت بشده مبقاش عندي اي سيطره عليها و بقيت دايما سرحانه مش بركز و so emotional افتكرتها اعراض depression و anxiety لكن كانت الصدمه في اول جلسه ليا انا اتشخصت ب Post traumatic stress disorder و panic disorder لو متعرفش ده ايه دي حاله بيوصلولها اللي اتعرضوا لل trauma لاكتر من مره و واجهوا الموت زي الحرب، و امي هي عامل أساسي في اللي وصلتله، لو كانت عرفت من اول مره و وقفت اذيتي مكنتش هوصل لهنا ، امي اللي كانت بتقول عليا دي عقلها يوزن بلد و ميخافش عليها امي اللي عمر عنيها ما بصتلي عمرها ما حضنتي ولا طبطبت عليا عمرها ما علمتني حاجه عمرها ما اهتمت بيا عمري ما حكتلها حاجه ، امي السبب اني ابقي خايفه اغلط او اقصر امي السبب اني اكون ال perfectionism personality حمل تاني شايلاه علي قلبي و ماشيه جلد ذات و اعتزارات طول الوقت علي اتفه كلمه او غلطه تتطلع مني ، حساسيه مفرطه و قسوه في نفس الوقت اتجاه نفسي و اتجاه المحيطين، عقلي قرر يصدقهم و يصدق اني مش طفله و لا مراهقه و لازم اعلم نفسي الصح و الغلط و اني مسوءله عن اي غلط هرتكبه، عقلي قرر انه يسميني طفله صعبه و مزعجه عشان ابررلهم و اقدر اغفرلهم كل آذي عشان اقدر اعيش ، وجع و الم يهد جبال بس اخيرا قررت اني مش هسكت تاني و اني مش مذنبه أبدا انا ضحيه و محتاجه مساعده و علاج، طبعا لولا التوعيه اللي علمتها لنفسي و شريك حياتي اللي ربنا انقذ حياتي بيه انا مكنتش هوصل لهنا أبدا .
لكل ام فاكره ان عندها طفل مسؤول او عاقل مش محتاجها و توجه اهتمامها بالباقين انتي مجرمه مفيش طفل مش محتاج امه و ابوه مفيش حاجه اسمها طفل عاقل مفيش طفل بيتعلم لوحده مفيش طفل بيشبع احتياجاته العاطفيه لوحده ، متدمروش حياتهم ارجوكم
انا امي بيتقال عليها دي ملاك من السما و بتاعت ربنا و في حالها و أخلاق مفيش بعد كده لكن في الحقيقه هي سبب كل المي و جروحي
اول سنه ابقي بموت وانا بكلمها في في عيد الام و اقولها كل سنه و انتي احلي ام عشان هي عمرها ما كانت ليا ام . وجعي من امي اقوي بكتير من المجرم اللي اذاني
كان نفسي يبقي عندي الشجاعه الكفايه اني اعلن هويتي لكل الناس لكن للاسف ده مش هيفيدني باي حاجه في الوقت الحالي
اتكلموا و قرروا تتعالجوا لو فاكره انك هتنسي و تقدري تسيطري علي مخك ف جسمك عمره ما هينسي
خدوا البوست cope paste و شيروه في كل حته
خلي الناس تفوق خلي الناس توعي ان احيانا بيكون في قلب بيوتنا ووحوش و شياطين لكن في صوره ملايكه كلها حب و احترام و ادب ، خلي الأمهات تفوق و تركز في توعيه ولادها و تفوق لاي اعراض غريبه تظهر عليهم ، و لو انتي اتعرضتي لصدمه شديده زيي متسكتيش و تفتكري انها هتعدي عشان مفيش حاجه بتعدي ، هتهاجمك في اي وقت و ف اي سن متتوقعهوش ، ده كل هدفي من البوست و يارب اكون عملت اللي عليا، ادعولي بالتعافي و ان حياتي ترجعلي تاني.
