30/01/2026
الفضة نزلت ٢٧ دولار كاملين من الهاي التاريخي و الذهب نزل ٦٥٠ دولار و في ناس لسة مش مقتنعة ان دة تصحيح
عامة تصحيح مش يعني انهيار مع ان عنفه المرادي مش علامة كويسة خالص بس ملناش دعوة
لو لسة مقتنع ان التغيرات الجيوسياسية و قوانين العرض و الطلب هي اللي عملت التقلبات السعرية الأسطورية دي بلاش تكمل البوست دة عشان مش ليك
اللي حصل الاسبوع دة اسمه تنضيف مراكز يعني الميكر بيطلع و ينزل بالاسعار بصورة عنيفة جدا عشان يعمل stop hunt و يقتنص السيولة و يعمل liquidation لمراكز الشرا و البيع المفتوحة في السوق من ال retail traders اللي في كل العالم
اي حد retail شغال برافعة مالية في أسواق المعادن الاسبوع دة سواء بياع او مشتري غالبا خسر الاكونت بتاعه got liquidated و دول و السيولة بتاعتهم هما اللي يهموا الميكر و دة اللي بيقتنص السيولة منهم لكن اصحاب السبائك في مصر و السودان و المانيا و بنما هو أصلا مش شايفهم و لا يفرقوا معاه ببصلة و عناوين الاخبار النهاردة و الاسبوع دة عن كمية الاكونتات اللي اتمسحت هيبقي تاريخي يا فندم
و طبعا لما تشوف الميكر كان بيحرك الاسعار طلوع و نزول بالعنف دة و السهولة دي تقدر تتخيل الناس دي معاها فلوس اد ايه و يقدر يحرك السعر بمزاجه ازاي to grab liquidity
الميكر هنا مش الحاج احمد اللي قاعد علي القهوة ومعاه السمسار ع التليفون بس مؤسسات مالية دولية و hedge funds عشان بس التعليقات السخيفة
و حركة تنضيف المراكز فوق و تحت دي بتبقي استعداد لحركة عنيفة جدا في الاتجاه اللي هيحدده سواء نزول او طلوع و مش عايز حد يبقي معاه علي كتفه في الحركة القادمة
بالمناسبة للناس الجيوسياسية امبارح و النهردة اهدي يوم جيوسياسي من سنة تقريبا و بالرغم من كدة حدثت اعنف volatility في تاريخ المعادن عشان بس تفهم ان دي الذواقة اللي بتتقال مش core الموضوع
