Sonia Ares

Name: Sonia Ares
Address: c/Liñares, 24, Rois, 15912, ES
Telephone: +34654834274

Llamar Cómo llegar Página web Contactar con la empresa

Son artesá, son galega e desde 1999 adícome ao que máis me gusta: traballar o vidro, a prata e o esmalte ao lume para crear xoias únicas.

16/10/2026

Mareas Vivas

14/10/2026

✨ Hoxe presentámosvos os pendentes da nosa nova colección!

Plata envellecida, formas delicadas e pequenos detalles que destacan co brillo da prata. Unha peza con carácter, desas que podes poñer cunha chaqueta vaqueira e xa lle dan un toque especial ao teu día. 🤍

Feitos no noso obradoiro, con mimo e moitas ganas de que os luzades.

Que vos parecen? 🥰

07/10/2026

🌊 Colección Mareas Vivas 🌊

O mar convertido en xoia. Pezas inspiradas raxos do polbo, coas súas formas sinuosas e envolventes, que se adaptan ao corpo como se tivesen vida propia.

Pendentes, colgante, pulseira e anel cun deseño cheo de forza, movemento e esencia mariñeira.

Mareas Vivas: xoias que abrazan a pel e levan un anaquiño do mar contigo. 💙

30/09/2026

Hai pezas que levan a nosa terra con elas 💛

A colección Pandeireta, con baño de ouro, nace inspirada nunha das pezas máis tradicionais e recoñecibles da nosa cultura galega.

Porque calquera momento é bo para lucir unha pequena reprodución dunha peza tan nosa como a pandeireta: nun día especial, para saír, para traballar ou simplemente porque che apetece levar un anaquiño de Galicia contigo.

Tradición, identidade e deseño nunha xoia pensada para acompañarte sempre. ✨

15/06/2026

✨🌿 Brincos de Roseira 🌿✨

A beleza da nosa tradición convertida en prata.

Unha reproducción da ourivaría galega máis auténtica, cheo de detalle, elegancia e historia. Pezas que transcenden modas e que levan consigo a esencia dunha cultura que seguimos lucindo con orgullo.

💎 Prata de lei.
💎 Artesanía galega.
💎 Tradición para toda a vida.

✨

11/06/2026

Camiñar sen límites, iso foi o que fixo este marabilloso grupo formado por 11 homes e mulleres. Todos e todas lucían espectaculares, tanto quen escolleu vestir de xeito tradicional como quen apostou pola moda máis actual e contemporánea.

Foi unha tarde fantástica, chea de emoción, ilusión e momentos moi especiais. Para min foi un verdadeiro orgullo ver como levaban as nosas coleccións con tanta elegancia, personalidade e naturalidade, facendo que cada peza brillase aínda máis.

Quero agradecerlles de corazón e infinitamente que contasen comigo para formar parte deste camiño tan bonito e especial. É unha satisfacción enorme poder acompañar iniciativas coma esta e compartir momentos que deixan unha pegada tan positiva. Grazas pola confianza, polo cariño recibido e por facerme sentir parte desta experiencia tan enriquecedora.

Levarei este recordo con moito agarimo. Moitísimas grazas a todos e a todas. 💙

04/05/2026

Hoxe presentamos a pulsera de Mareas Vivas 🌊

Unha peza que nace do noso, da esencia da terra e do mar, dese equilibrio que nos define. Un pequeno guiño á xente que vive co ritmo das mareas, ás mans que traballan a terra e ao respecto profundo pola nosa cultura… tamén a gastronómica, que tanto nos representa.

A súa forma, inspirada no raxo ou pata do
polbo, tan identificativa nos pratos da nosa gastronomía galega e nas nosas lonxas, convértese nun símbolo vivo do mar e de todo o que el nos dá.

Un deseño que fala de raíces, de tradición e de identidade, levado a unha xoia delicada e atemporal.

Feita con mimo, pensando en quen leva Galicia sempre consigo 💙

Seguimos creando, sen perder a esencia.

24/04/2026

Que alegría tan grande ver o moito que vos gustaron! 🖤✨

Por iso hoxe quería ensinarvos as catro opcións xuntas… para que poidades velas con calma e, sobre todo, para saber cal é a que máis vos conquista 💫

Sei que non é nada fácil escoller (eu tampouco podería 😅), pero a vosa opinión é súper importante. Con ela imos construíndo pouco a pouco algo forte, con sentido e moi voso.

Así que contádenos… con cal vos quedades? 👀💛

23/04/2026

✨ Hoxe queremos presentarvos unha peza moi especial ✨

Este pendente de gancho, con baño en ouro e detalle en acibeche, é deses deseños que falan por si sós… elegante, lixeiro e cun aire atemporal que encaixa tanto no día a día como en ocasións máis especiais.

💛 Ademais, para que poidades escoller o que mellor vai con vós, témolo dispoñible en varios acabados:
– Prata
– Prata envellecida
– Prata envellecida con acibeche
– E este acabado en ouro que vos amosamos hoxe

Un deseño versátil, con carácter e ese punto artesanal que tanto nos gusta 🖤

Contádenos… con cal vos quedades.

06/04/2026

Hai pezas que nacen pouco a pouco, co tempo e coa calma que só permite o traballo feito a man. Estas alianzas en prata están creadas dunha maneira totalmente artesanal, dende o primeiro corte do metal ata o último pulido final, coidando cada detalle para que non sexan só unhas xoias, senón algo que acompañe toda unha historia.

Cada marca, cada textura e cada pequeno matiz forman parte do proceso, porque cremos na beleza do auténtico, do imperfectamente perfecto, do que non sae dunha máquina senón das mans e da dedicación posta en cada paso.

Non hai dúas iguais, porque tampouco hai dúas historias iguais. Son alianzas pensadas para durar, para levar postas todos os días e para lembrar que o importante está nos pequenos xestos, nos compromisos reais e nas emocións que permanecen no tempo.

Grazas por valorar o traballo artesanal e por apostar por pezas feitas con alma 🤍

Dirección

C/Liñares, 24
Rois
15912

Teléfono

+34654834274

Página web

http://www.soniaares.com/

Notificaciones

Sea el primero en enterarse: le enviaremos un correo electrónico cuando Sonia Ares publique novedades y promociones. Su dirección de correo electrónico no se utilizará para ningún otro fin y puede darse de baja en cualquier momento.