Yurtasara Sara

15/01/2023

Watch, follow, and discover more trending content.

14/01/2023

05/01/2023

Смотрите популярные видео и подписывайтесь на авторов.

29/06/2022

Қыз ұзату
Жаздың ыстығымен бірге қазақтың тойы да қыза түсетіні белгілі. Той жасауға төрт мезгіл де кедергі бола қоймайды. Бірақ ыңғайлы мезгіл жаз бен күз. Айтпағым бұл емес. Той басталып жатқаннан кейін той туралы жазып қою дұрыс шығар.
⠀
Жастардың отбасын құруындағы ең бірінші қамдам ол – «Қыз ұзату».
⠀
Ата-ана үшін қимастық сезімі бой алып, қобалжитын күні ғана емес. Қызым бой жетті, қимас ұясынан, құтты орнына қондырып жатырмын деп, шүкірлік айтып, қуанышқа бөленетін шағы. Қазақ қызын қанаттыға қақтырмай, тұмсықтыға шоқытпай, тәрбиесі мен иманын бекітіп ұзатуды мұрат санаған.
⠀
Енді ұзатудың жөн-жоралғысына келейік:
⠀
Сүт ақы – қалыңдықтың анасына берілетін сыйлық. Сүтақысын түрлі бағалы заттар, қымбат киім-кешек, ақшалай беруге болады. Құдалар қалыңдықты алуға барғанда арнайы салтанатпен, қызды шығарып салу рәсіміне жиналған халыққа арнайы атап, көрсетіп береді.
⠀
Қалың мал - Құда түсу рәсімі келісілгеннен кейін күйеу жағы «қалың мал» төлейді. Бұл ежелгі дәстүр. Қалың малдың мөлшері күйеу жігіт жақтығы құданың әлеуметтік дәрежесі мен дәулетіне де байланысты және бұны екі әулет келісе отырып шешеді.
⠀
Жігіт түйе –күйеу баланың қайын атасына беретін сыйлық. Бұған бағалы бұйым (түйе жағалы киім, ер тұрман) беріледі. Тағы «Әке күші» деген бар. Бұл сыйлықты соңғы кездері «Сүтақысы» секілді ақшалай беріп жүр.
⠀
Қыз жақ ұзатылған қыздың киім-кешегін, әшекей-бұйымдарын, жалпы төсек-орнын қызбен бірге аттандырады. Қызды ұзаты рәсімін кешке қалдырмай, таңертең және түскі уақытта өткізеді.
⠀
Қызды негізінен қара шаңырақтан ұзатады. Өзінің өскен үйінен, ата-анасының қара шаңырағынан ұзатылу керек. Қазір мейрамханадан ұзату сәнге айналды. Бұл ұзатудың негізгі мазмұнын бұзып жүр. Сондықтан, жаңа заманның ағымына байланысты мейрамханадағы ұзатуға ұлттық нақышты, соның ішінде «шаңырақ» элеметін қосқан дұрыс. Бұл ұзатудың негізгі мазмұнын ашады.
⠀
Құрметпен, Сараsara
87754440977
___
⠀
Известно, что в летнюю пору все больше мероприятий, казахских тоев. Конечно мероприятия можно проводить в любое время года, и погода не помеха, но речь сегодня пойдет не о том. Продолжим тему о проведении казахским мероприятий (тоев).
⠀
Продолжение в карусели 👉

25/06/2022

Геокүмбез дегеніміз не?
⠀
Біздің қызметіміздің бағыттарының бірі - геокүмбездерді дайындау. Бұл не екенін білесіз бе?
⠀
Геодезиялық күмбез-бұл сфералық сәулет құрылымы, өнер объектісіне ұқсайды. Оның ерекше сфералық формасының өзі адамдардың қызығушылығын тудырады.
⠀
Оларды қандай қажеттілікке пайдалануға болатынын білгіңіз келетін шығар.
⠀
1. Іс-шаралар үшін: мерекелер, концерттер, фестивальдар және т.б., өйткені дөңгелек пішінді ғимараттың акустикасы жақсы, дыбысты бақылау және микроклиматты ретке келтіру оңай. Геокүмбездің конструкциясының жеңілдігіне қарамастан, оның қаңқасы ауыр салмақты жүктемелерге төтеп бере алатындай етіп жасалған. Сондықтан дыбыстық жүйе мен жарықтандыруды орнатып, безендіру ешқандай қиындық тудырмайды.
⠀
2. Үй үшін: кіре беріс бөлмеге, беседка мен жылыжайға кішкене күмбез салып, бассейнді жабуға және үй төбесінде арнайы ойын алаңын жасауға болады. Көп қабатты үй тұрғындары үшін үй төбесінде романтикалық орын немесе демалыс бұрышын жасай аласыз.
⠀
Қиялдың шегі жоқ. Қажеттілігіңізге қарай тапсырыс бере аласыз. Сұрақтарыңызды WhatsApp-қа немесе Direct-ке жазсаңыз, біз сіздің тапсырмаңыздың шешімін міндетті түрде табамыз.
Суретті солға қарай жылжытсаңыз біздің жасаған жұмыстарымыз ұсынылған. Тамашалаңыздар!
⠀
⭐ +7 775 444 0977, Сараsara
_________
⠀
Что такое геокупол?
⠀
Одно из направлений нашей деятельности - изготовление геокуполов. Знаете, что это?
⠀
Геодезический купол — это сферическое архитектурное сооружение, выглядит как арт-объект. Его необычная сферическая форма притягивает взгляды.
⠀
Наверняка вы хотите узнать, где их можно использовать?
⠀
1. Для мероприятий: проведения торжеств, концертов, фестивалей и всевозможных ивентов, т.к. в помещениях сферической формы хорошая акустика и контроль звука, легко управлять микроклиматом. Несмотря на легкую конструкцию геокупола, его каркас спроектирован таким образом, что способен выдерживать большие весовые нагрузки. Поэтому установка звуковой системы, освещения и украшений не является проблемой.
⠀
Продолжение в карусели 👉

23/06/2022

Құстұмсық жүзік
⠀
Бұл жүзік құстың тұмсығы секілді бір жағы үшкірленіп жасалады. Үшкірлене жасалған жүзік өркендеудің, алға жылжудың идеясын берсе керек. Негізінен құс ежелден еркіндік пен бақытың, қайырымдылықтың символы ретінде қарастырылады. Сондықтан да бұл жүзікті тұрмысқа шықпаған қыздар тағады. Яғни «қыздың басы бос» деген мағынаны береді. Ал ұзатылатын қызға анасы сыйға тартатын болған. Осы тұста жүзікті байланыс құралы ретінде пайдаланғанын атап өту керек.
⠀
Тұрмысқа шыққан қыз төркініне жылдар бойы бармайтыны белгілі. Сол кезде төркіндері немесе ауылдастары келгенде өзінің жағдайы жақсы болса жүзіктің ұшын жоғары қаратып тақса, керісінше жағдайы болмай жүрсе ұшын төмен қаратып тағатын болған. Болмаса таныстарынан жүзікті ақ орамалға түйіп анасына беріп жібереді. Алыстағы анасы қызының жаңа жерге сіңісіп кеткенін, жағдайынының жақсы екенін осылай біліп, «Құдағиыма рақмет, қызымды өз баласындай көріп отырған» деп отырды екен. Жалғыз ұзатылған қыз балаға емес, әскери жорыққа аттанған жігітке де «туған үйіне аман оралсын» деген ниетпен сыйға тартқан деген деректер де бар.
⠀
Ертеде алыстағы қыздарының жағдайын осылай білген екен.
⠀
Сағынышым көкірекке толды ағайын,
Құстұмсықты жүзікті қолға алайын.
Ата-анам, бауырларым келер ме екен,
Ерте тұрып күні ертең жол қарайын -деп ұзатылған қыздар әндететін көрінеді.
⠀
Бір жүзікке осыншама мағына берген қазақ халқының даналағына еріксіз таңқаласың.
⠀
Сіздер осы жүзік туралы қандай қызықтар туралы не білесіз? Бөлісе отырыңыз.
⠀
⭐️Құрметпен, Сараsara
+77754440977
_______________
⠀
Этот перстень (Птичий клюв), как и клюв птицы, делается с заостренной одной стороны. Перстень, выполненный с заостренным концом символизирует процветание, продвижение вперед.Птица издревле ассоциируется со свободой, счастьем и милосердием. Поэтому это кольцо носят незамужние девушки, то есть означает девушка свободна. Мамы дарили такие кольца своим дочерям на выданье в подарок. Нужно отметить, что кольцо использовалось в качестве средства связи между матерью и ее дочерью.
⠀
Пост на русском языке читайте в карусели 👉

17/06/2022

Құдағи жүзік
⠀
Өткен жазбамда «Құдағи жүзік» туралы жазатынымды айтқан болатынмын. «Құдағи жүзік» туралы жазудың көптеген өзіндік себептері бар және қазір өте маңызды деп ойлаймын.
⠀
Зергерлік өнер – жай ғана бұйым емес, ол халқымыздың ұлттық мәдениетімен, дүниетанымымен тікелей байланысты құндылық.
⠀
Құдағи жүзіктің қандай мақсатта жасалғаны туралы қызықты мәліметті айтқым келеді. Құдағай жүзік – бұл екі саусаққа бірдей киілетін зергерлік бұйым. Жүзіктің негізгі формасы сопақ немесе дөңгелек пішінді боп келеді. Жүзікке зер салып қарайтын болсақ, оның екі шетіндегі орнатылған көз – екі әулеттің жақындығын білдіреді. Оның ортасындағы өрнек екі ғашықтың қосылып, бір тұтас отбсы болғанын меңзесе керек. Жүзіктегі қызыл тас ол тіршіліктің жалғасуын білдіретін ұғымға саяйды. Ал жағындағы ою-өрнектер екі жастың туған туыстары бір-бірімен құда боп, аралас құралас болғанын айғақтайды.
⠀
Бұл жүзікті қалыңдықтың анасы екі жастың үйлену тойынан кейін араға бір жыл салып күйеу жігіттің анасына, яғни құдағиына тарту етіп, саусағына тағады. Қызымның кем-кетігін жасырып, қателігін түзеп, өз қызыңдай көріп, бір отбасыны айрандай ұйытып отырсың. Екі әулеттің татулығын ұстап, жас отбасының бақытты өмір сүруіне жағдай жасап отырсың деген үлкен мағына береді екен. Бұл отбасын сақтап қалуда үлкендердің басты роль атқаратынын көрсетеді. Қазіргі кезде осы дәстүр ауадай қажет. Екі құдағай тату болса, екі жас та бақытты. 😁
⠀
Сондықтан екі жастың бақыты үшін құдағиларымызға жиі сыйлық жасап тұрайық! 😉
⠀
Құрметпен, Сараsara
87754440977
____________
⠀
Кольцо Свахи
⠀
В предыдущем посте я обещала пост о "Кольце Свахи" (Құдағи жүзік). Есть много причин написать об этом кольце, и я думаю, что это очень важно сейчас.
⠀
Ювелирные изделия – это не просто товар, это ценность, которая напрямую связана с национальной культурой и мировоззрением нашего народа.
⠀
Хочу рассказать вам интересный факт о предназначении кольца. "Кольце Свахи" (Құдағи жүзік) — украшение, которое носят на двух пальцах. Основная форма кольца овальная или круглая.
⠀
Продолжение в карусели ➡️

16/06/2022

Жүзік пен сақина
⠀
Қазақ зергерлік өнерінің көптеген санғасырлық тарихы бар. Ол қазақ тарихы, мәдениеті, шаруашылығы, тұрмысымен тығыз байланысып, бүгінгі күнге дейін дамып келеді. Сондықтан да зергерлік өнерді ерекше қадір тұтқан. Оның ішінде жүзік пен сақинаның орны ерекше. Осыған орай жүзік пен сақинаны азғантай жазып қояйын.
⠀
Сақина мен жүзіктің өзіне тән кішкене айырмашылықтары бар. Қазақ халқы асыл тастардан көзі барын - жүзік, тасы жоқ, тек алтын немесе күмістен жасалғанды – сақина дейді. Бүгінде ерекшеліктеріне қарамастан сақина мен жүзікті көбіне жүзік деп бір сөзбен аталып жүр.
⠀
Материалдары мен түр-түсіне қарай жүзіктер мынадай түрге бөлінеді:
⠀
1. Құдағи жүзік
2. Күмбезді жүзік
3. Шытыралы жүзік
4. Бағдарлы жүзік
5. Лажылы жүзік
6. Көзді жүзік т.б.
⠀
Сақина атаулары:
1. Ақық сақина – кішкентай ақық қолданылған сақина;
2. Алтын сақина – таза алтыннан жасалады;
3. Балдақ сақина – сақинаның саусақ үстіне қараған беті төртбұрышты келеді;
4. Бұрама сақина – алтын, күмісті есіп жасайды;
5. Жез сақина – саусаққа салу үшін емес, қамшы, найза, пышақ, қылыш сабын бекіту үшін дайындалады;
6. Кавказ сақина – қара-ала өрнекті сақина түрі;
7. Күміс сақина – таза күмістен жасалады;
8. Қола сақина – қоладан жасалған түрі;
9. Моншақты сақина – моншақ қондырылған сақина;
10. Құсмұрын сақина – үсті дөңестеу келген сақина түрі;
11. Мыс сақина – мыстан жасалған ортан қол сақина;
12. Неке сақинасы – жас жұбайлардың үйлену тойында бір-біріне салатын сақинасы;
13. Сақинек – пышақ, қылыш т.б. құралдардың сап жетесі сұғылатын жерін қысып тұру үшін мыс не күмістен жасалатын балдақ, кейде мойнақ деп аталады;
14. Сіркелі сақина – бетіне ұсақ түйіршіктерден сірке өрнек салынған түрі;
15. Тасты сақина – тас, шыны орнатылған түрі;
16. Темір сақина – темірден жасалған тығыршық немесе сақинек.
⠀
Сақина мен жүзіктің тағы қандай түрлерін білесіздер? Қызықтың ақпараттарыңызды жаза отырыңыздар. Ертеңгі жазбамды жақсылыққа ырымдап «Құдағи жүзікке» арнаймын)
⠀
Құрметпен, Сараsara
87754440977
⠀
Пост на русском языке в карусели 👉

11/06/2022

Үш-ақ ауыз сөз!
⠀
Бүгінгі жазбамды тыйым сөздерге арнауды жөн көрдім. Қазақ ұғымында тыйым сөздерді тәрбиенің бір құралы ретінде пайдаланған. Есі кірген балаларды жаман әдеттен, жат пиғылдан, орынсыз қылық пен теріс мінезден сақтауда маңызы зор болған. Жалпы қазақ баласын «ұят болады, жаман болады, обал болады» деген үш-ақ ауыз сөзбенен тәрбиелеген. Тыйымдар осы үш сөзге негізделген. Тыйымдардың алғысы болған осы үш сөзге тоқталып өтсек.
⠀
Ұят болады – Ұят адам бойындағы асыл қасиет. Ол адамды жамандықтан, жағымсыз істерден, бәле-жаладан сақтайды. «Ұятсыз» деген ауыр сөзді естіртпеудің қамын жеген ата-бабаларымыз: «Өлімнен ұят күшті», «Жаным – арымның садағасы» деп ұят, ар-намысты жігерлендіріп, «Ұяты жоқтың иманы жоқ», «Ұятын жоғалтқан адам – адам емес» деген сөздермен сынап тастап отырған.
⠀
Жаман болады – бұл барлық тыйымдарда қолданылады. Бала кезімізде көп естіген сөзіміздің бірі. Мысалы: «Шашыңды жайма», «саусақпен адамдарды санама», «сұқ саусағыңды көрсетпе», «түнде түсіңді айтпа немесе тырнағыңды алма», «жолға кір су, күл төкпе», «үйге қарап жүкірме» деген сөздердің барлығына «жаман болады!» деп жауап береді. Жаман болады-ның астарында теріс іс екенін ескертіп, тек жақсылық жаса деген секілді үлкен тәрбиелік тағылым жатыр.
⠀
Обал болады – бала кезімізде үлкендеріміз «Обал болады, тиіспе!» десе болды, кез келген бұзықтығымызды тыя қоятынбыз. Өйткені бұл сөздің ішінде «Судың да сұрауы бар», «малды теппе», «ақты төкпе», «құстың жұмыртқасын сындырма», «қарлығаштың ұясын бұзба», «суға дәрет сындырма», «нан қиқымын шашпа» деген қоршаған ортаға асқан мейірімділікпен қарауға үйрететін құндылықтар көп. Әр нәрсенің сұрауы бар, саған жай бір нәрсе басқа біреуге қолы жетпес дүние болуы мүмкін дегенді білдірсе керек.
⠀
Қазір енді өз балаларыма осы үш сөзбен тәрбие беріп келем. Сіздер қаншалықты қолданасыздар?
⠀
Құрметпен, Сара.sara
+7 775 444 0977
⠀
Пост на русском языке читайте в карусели 👉