https://www.facebook.com/108909440651135/

DahDan Gems & Jewelry, No 56/R(ဒ) 24 Street 83 and 84, Mandalay (2026)

30/12/2023

Customize order
2023ရဲ့ အပိတ်လေးလှချက် ❣️
&jewelry

27/11/2023

#တန်ဆောင်မုန်းလပြည့်နေ့
#သာမညဖလအခါတော်နေ့
&jewelry

31/08/2023

♥ဝါခေါင်လပြည့်♥
မေတ္တာအခါတော်နေ့
~~~~~~~~~~~

တစ်ချိန်က မြတ်စွာဘုရားရှင် သည် သာဝတ္ထိပြည်မွန်
ဇေတဝန်ရွှေကျောင်းတော်၌ သီတင်းသုံး စံနေတော်မူစဥ်အခါက ဖြစ်ပါတယ် ။ တစ်ခုသော ဝါဆိုခါနီး အချိန်မှာ ရဟန်းတော် ငါးရာတို့ဟာ မြတ်စွာဘုရားရှင်ထံတော်မှောက်မှာ ကမ္မဋ္ဌာန်းတရားများသင်ယူကြပြီးတော့ သာယာလှပပြီး ကြည်လင် အေးမြတဲ့ရေကန်များနှင့်
ပြည့်စုံတဲ့ဟိမဝန္တာမှ မလှမ်းမကမ်းမှာ တည်ရှိတဲ့ တောအုပ်တစ်ခု အတွင်းမှာ အိမ်ခြေတစ်ထောင်ခန့်ရှိတဲ့ ဆွမ်းခံရွာကို အမှီပြုပြီး သီတင်းသုံး တရားအားထုတ်ကြဖို့ ရောက်ရှိသွားကြပါတယ် ။
ထိုရဟန်းတော်များ၏ သီလတန်ခိုးကြောင့် သစ်ပင်များမှာ ရှိကြတဲ့ရုက္ခစိုးနတ်များဟာ သစ်ပင်ပေါ်မှာ ရှိကြတဲ့သူတို့ရဲ့ ဗိမာန်ပေါ်မှာ မနေဝံ့ကြတော့ဘဲ ရှောင်ရှားပြီး သူတို့ရဲ့ကလေးများကို လက်ဆွဲကာ လှဲ့လည် သွားလာနေကြရပါတယ် ။
တစ်နေ့ ပြန်နိုးနိုးနဲ့ စောင့်ခဲ့ကြရာမှ အရှင်မြတ်များဝါတွင်းသုံးလ မပြန်ကြတော့ဘဲ တရားအားထုတ်ကြတော့မည်ကို သိတဲ့အခါမှာတော့ ရဟန်းတော်များ ဆက်ပြီး မနေဝံ့ကြအောင် ညဥ့်အခါမှာ ကြောက်မက်ဖွယ် ကောင်းတဲ့အဆင်း' အသံ' အနံ့များဖြင့် ခြောက်လှန့်ကြပါတယ် ။
ရဟန်းတော်များလည်း တရက်ထက်တရက် နတ်များရဲ့ နှောက်ယှက် ခြောက်လှန့်မှူ ဒဏ်များကြောင့် စိတ်နှလုံး ခြောက်ခြားတဲ့အတွက် ခေါင်းများမူးဝေပြီး သမာဓိ မရရှိနိုင်ကြဘဲ ပင်ပန်းဆင်းရဲတဲ့ ဝေဒနာများကို ခံစားနေကြရပါတယ် ။
ဒီလိုနဲ့ တစ်လနီးပါး ကြာလာတဲ့အခါမှာတော့ အကြီးအကဲဖြစ်တဲ့ မထေရ်ကြီးနှင့် ရဟန်းတော်များ စည်းဝေး တိုင်ပင်ကြပြီး ဒီတောအုပ်မှာ ဆက်လက်ပြီးမနေသင့်ကြတော့တဲ့အတွက် ဘုရားရှင်ရှိရာ ဇေတဝန်ကျောင်းတော်ကိုပြန်သွားကြပြီး အကျိုးအကြောင်းများကို လျှောက်ထားကြပါတယ်။
မြတ်စွာဘုရားရှင်က ရွှေဉာဏ်တော်ဖြင့် ဆင်ခြင်ကြည့်တော်မူရာ ဤရဟန်းတော်များအတွက် ထိုနေရာမှ လွဲ၍ ဇမ္ဗူဒိပ်တကျွန်းလုံးတွင် တရားရမည့်အခြားမည်သည့်နေရာမှ မရှိလို့ မြင်တော်မူတဲ့အတွက် ထိုအရပ်သို့ပင် ပြန်လည်ပြီး သီတင်းသုံး နေထိုင်ကြရန် ရဟန်းတော်များကို မိန့်ကြားတော်မူပါတယ်။

အရံအတား အကာအကွယ်နှင့် လက်နက် အလို့ငှာ
လည်းကောင်း၊
တရားအားထုတ်ဖို့ရန်အတွက် ကမ္မဋ္ဌာန်းအလို့ငှာလည်းကောင်း၊
မေတ္တာသုတ်တော်ကို သင်ကြားပေးတော်မူလိုက်ပါတယ် ။
ရဟန်းတော်များလည်းဇေတဝန်ကျောင်းတော်မှ စထွက်သည်နှင့် တပြိုင်နက် ဘုရားရှင် သင်ကြားပေးတော်မူလိုက်တဲ့ မေတ္တာသုတ်တော်ကို ရွတ်ဖတ် သရဇ္စျာယ်ကြကာ မေတ္တာဘာဝနာပွားများပြီး ထိုတောအုပ်သို့ ပြန်ဝင်လာကြပါတယ်။
ထိုအခါ မေတ္တာသုတ်တော်ရဲ့ တန်ခိုးတေဇော်အာနုဘော် တို့ကြောင့် နတ်များက ယခင်ကလို မခြောက်လှန့်ကြတော့ဘဲ သူတို့ရဲ့မိဘဆွေမျိုးများကဲ့သိုချစ်ခင်မြတ်နိုးလာကြပြီး တောအုပ်အဝင်မှ ထွက်ပြီးခရီးဦးကြိုဆိုကြကာ ကျောင်းသင်္ကန်းများ ဆောက်လုပ် လှူဒါန်းပြီး
ဝါတွင်းသုံးလပတ်လုံး ဝေယျာဝစ္စများပြုလုပ်ပေးကြပြီး ဆွမ်း'ကွမ်း ဆက်ကပ်လှူဒါန်းကြပါတယ်။

ရဟန်းတော်များလည်းဝါတွင်းသုံးလ နတ်များကပ်လှူသော ဆွမ်း ဖုန်းပေးသုံးဆောင်ကြပြီး ချမ်းချမ်းသာသာဖြင့် မေတ္တသုတ်ကို အခြေခံကာ ဝိပဿနာတရားများပွားများ အားထုတ်ကြရသဖြင့် ဝါတွင်းမှာပင် ရဟန်းတော်ငါးရာလုံး ရဟန္တာ အဖြစ်သို့ ရောက်ရှိသွားတော်မူကြပါတယ် ။သီတင်းကျွတ်တဲ့အခါ မဟာပဝါရဏာနေ့မှာတော့ ဝိသုဒ္ဓိပဝါရဏာ ပြုကြကုန်၏ ဟု သုတ္တနိပါတ် "၁၉၁၊"ပါဠိ နှင့် ခုဒ္ဒကပါဌ "၂၁၅" အဋ္ဌကထာများ မှာလာရှိပါတယ်။

**ထိုရဟန်းတော်များကို အကြောင်းပြုပြီး မေတ္တာသုတ်တော်ကို ဝါတွင်းကာလတွင် ဟောတော်မူခြင်း ။

**ရဟန်းတော်ငါးရာတို့ တောအုပ်ကိုပြန်ပြီး ဝါခေါင်လတွင် ပစ္ဆိမဝါကပ်တော်မူခြင်း စသောအကြောင်းများကြောင့်

**ဝါခေါင် လပြည့်နေ့ကို မေတ္တာအခါတော်နေ့ အထိမ်းအမှတ်အဖြစ် ကျင်းပရခြင်း ဖြစ်ကြောင်း တင်ပြ လိုက်ရပါတယ် ။

**သာသနာမှာ အလွန် အရေးပါပြီး နှစ်ဦးနှစ်ဘက် လွန်စွာ အကျိုးများလှသဖြင့် မေတ္တာသုတ်ကို နေရာတကာ ပွဲလမ်း သဘင် မင်္ဂလာ အခမ်းအနားများတွင် ဆရာတော် သံဃာတော်များ ကဒကာ ဒကာမများ အကျိုးရှိစေရန် အမြဲတန်း ရွတ်ဖတ်
ချီးမြှင့်သော ပရိတ်တော်ဖြစ်ခြင်း ။

**တန်ခိုးကြီးသော နတ်ဘီလူးကြီးများပင် မဖျက်စီးနိုင်ကြသဖြင့် ကိုဗစ်ကဲ့သို့သော ရောဂါဘေး၊အမနုဿ ဘေးရန်တို့မှ စိတ်အချရဆုံးသော ကာကွယ်ဆေးဖြစ်ခြင်း။

**မလိုလားအပ်သော အတွင်းရန် အပြင်ရန် အနှောက်အယှက်များနှင့် ကံဇာတာ နိမ့်ကျနေသည့် အခါများမှလွတ်မြောက်၍ ဘေးဒဏ် အန္တရာယ်များ မှကင်းဝေးစေခြင်း ။

**မျက်စေ့တစ်မှိတ် လက်ဖျစ်တစ်ခါတီးမျှ မေတ္တာပွါးများသူသည် စျာန်မှမဆိတ်သူဟု ဘုရားရှင် ဟောကြားထားတော်မူခဲ့ခြင်း။

**မေတ္တာပွားများလျက်ရှိသော ရဟန်း၏ ဆွမ်းသုံးဆောင်ခြင်းသည် ကြွေးမတင်သော သုံးဆောင်ခြင်းဖြစ်၍ ဆွမ်းလှူသူများအား လွန်စွာအကျိုး ကြီးမားစေခြင်း ။

**ဒါနမှန်သမျှနှင့် သရဏဂုံသီလမှန်သမျှတို့ထက် နွားနို့တညှစ်စာမျှ ပို့သောမေတ္တာက ပို၍အကျိုးကြီးမားကြောင်း "ဝေလာမသုတ္တံ"တွင် ဟောကြားတော်မူခဲ့ခြင်း ။

**တစ်နေ့သုံးခါ၊
အိုးတစ်ရာဖြင့် ၊
ချက်ခါထမင်း ၊
ကျွေးမွေးခြင်းထက်၊
မယွင်းစင်စစ် ၊
နို့တညှစ်စာ ၊
ကြိမ်သုံးခါမျှ၊
မေတ္တာပွားများ၊
ကျိုးကြီးမားသည်၊
ဘုရားမြတ်စွာမိန့်ခွန်းတည်း။
(ဝေလာမသုတ်)

**နံ့သာတရှုတ်မျှသောကာလ
နို့တစ်ညှစ်စာကာလမျှ မေတ္တာပွားများခြင်းသည် ဟင်းအိုးကြီး အလုံးတစ်ရာဖြင့် တစ်နေ့သုံးကြိမ်ချက်၍ လှူဒါန်းရသည်ထက် ပို၍အကျိုးကျေးဇူး များကြောင်းဟောတော်မူခဲ့ခြင်း။

**အလွန်ထက်မျက်သော လှံသွားကိုမထိဝံ့ မကိုင်ဝံ့ သကဲ့သို့
မေတ္တာပွားများသူများကို ဘေးရောဂါအန္တရာယ်ကိုဖြစ်စေနိုင်သည့် နတ်ဆိုး ဘီလူးဆိုးတို့ မပူးကပ်ဝံ့ကြခြင်း။

**မိန်းမနည်းပြီး ယောက်ျားများသောအိမ်ကို လူဆိုး သူခိုး ဓားပြများ တိုက်ဖျက်ဆီးရန် မလွယ်ကူ သကဲ့သို့ မေတ္တာပွားသူအား နတ်ဘီလူးဆိုးများ မဖျက်ဆီးနိုင်ခြင်း။(နိဒါနဝဂ္ဂ)

**အဒေါသ စေတသိက်ခေါ်တဲ့ မေတ္တာဓာတ်လှိူင်း အင်အားကြီးသည် မေတ္တာပို့သတဲ့ အချိန်ကစပြီး (၄၆)ကမ္ဘာတိုင်တိုင် အရှိန်လျှော့မသွားဘဲ ရှင်သန်ကြီးထွား အားကောင်း လျက်ရှိကြောင်း (ဧကာဒသက- အင်္ဂုတ္ထိုရ်ဋီကာ)တွင်ဟောကြား ထားတော်မူခဲ့သည် ။

** ယုံကြည်မှူ သဒ္ဓါတရားဖြင့်
အမြဲမပြတ် ရွတ်ဖတ်ပွားများသော သူတို့သည် မေတ္တာအကျိုး (၁၁)မျိုးကို လက်တွေ့ ခံစားနိုင်ခြင်း ။

**မေတ္တာအကျိုး၁၁မျိုး**

ချမ်းသာအိပ်နိုး၊
အိပ်မက်ဆိုးကင်း ၊
ချစ်ခြင်းလူနတ်၊
နတ်စောင့်တတ်လျက်၊
လက်နက်ဆိပ်မီး၊
မရောက်ပြီးခဲ့ ၊
စိတ်လည်းတည်စွာ၊
မျက်နှာကြည်လင်၊
သေလျှင်မတွေ
သေသောအခါ၊
ဗြဟ္မာ့ရှာ ၊လားရာ
မေတ္တာ အကျိုး ။

(မေတ္တာဆောင်၍အောင်ကြပါစေ...)
Crd: ဒေါက်တာထွန်းထွန်းဦး
(မဟာသဒ္ဓမ္မဇောတိကဓဇ)

Gems & Jewelry
#ဝါခေါင်လပြည့်
#မေတ္တာတော်အခါနေ့

Address

No 56/R(ဒ) 24 Street 83 And 84
Mandalay
05011

Website

facebook.com

Alerts

Be the first to know and let us send you an email when DahDan Gems & Jewelry posts news and promotions. Your email address will not be used for any other purpose, and you can unsubscribe at any time.

DahDan Gems & Jewelry

30/12/2023

27/11/2023

31/08/2023

Address

Website

Alerts

Shortcuts

Share

Category