29/04/2024
မိသားစု၀င်တွေကို ပြစ်တင်ပြောဆိုခြင်းကလည်း
အိမ်တွင်းအကြမ်းဖက်ခြင်း တစ်မျိုးပါပဲ။
အိမ်ထောင်ဘက်ကိုပဲ ဖြစ်ဖြစ်၊ သားသမီးကိုပဲ ဖြစ်ဖြစ်
အပြစ်တင်ပြောဆိုခြင်းကို
အိမ်တွင်းအကြမ်ဖက်ခြင်းလို့ လူ အများစုကတော့
နားမလည်ကြပါဘူး။
ပြစ်တင်ပြောဆိုမှုဟာ
ရုပ်ပိုင်းဆိုင်ရာ ထိခိုက်မှု မဖြစ်စေပေမဲ့ စိတ်ပိုင်းဆိုင်ရာ
ထိခိုက်မှု ဖြစ်စေတဲ့အတွက်
စိတ်ဒဏ်ရာအနေနဲ့
တစ်သက်လုံး နာကျင်နေရတတ်ပါတယ်။
လူအချို့ကတော့
သူတို့ရဲ့ မိသားစု၀င်တွေကို
အပြစ်တင်တာ၊ ကြိမ်းမောင်းတာ…
မှားရင် ပြစ်ဒဏ်ပေးတာတွေ ဟာ
လိုအပ်လို့ လုပ်နေတာလို့ ယူဆတတ်ကြပါတယ်။
အဲဒီလို ယူဆပြီး
လွယ်လွယ်ကူကူ ကျူးလွန်နေကြတဲ့ သူတွေရဲ့
ဆင်ခြေစကားကတော့
သူတို့ မှားနေရင် မပြောရတော့ဘူးလား…
သားသမီးကို အဆုံးမရတော့ဘူးလား
အပြစ်မပေးရင်
သူတို့ လူကောင်းဖြစ်လာမှာ မဟုတ်တော့ဘူး၊
မလုပ်ချင်ဘဲနဲ့ လိုအပ်လို့
လုပ်နေရတာလို့ ပြောတတ်ကြပါတယ်။
တကယ်တော့
ပြစ်တင် ကြိမ်းမောင်းတာ…
မှားရင် ပြစ်ဒဏ်ပေးတာထက်
ပိုကောင်းတဲ့ နည်းလမ်းတွေ ရှိနေတာကို မသိလို့လား…
သိလျက်နဲ့ အားထုတ်ဖို့ ခက်ခဲလို့လား..
အတွေးအမြင်ပြောင်းလဲဖို့ ခက်ခဲနေလို့လား
တကယ်တော့
အိမ်ထောင်ဘက်ပဲ ဖြစ်ဖြစ်၊ သားသမီးပဲ ဖြစ်ဖြစ်
ကိုယ့်ဘ၀အတွက် အရေးကြီးဆုံး လူတွေပါ။
အဲဒီလူတွေ ထံကနေ ကိုယ်က ဘာတွေ လိုချင်တာလဲ…
မေတ္တာတရားအခြေခံတဲ့ ချစ်ခြင်းတရားလား…
နာကျင်မှုကို အခြေခံတဲ့ အကြောက်တရားလား…
မေတ္တာတရားကို အခြေခံတဲ့ ချစ်ခြင်းတရားကို
လိုချင်တယ်ဆိုရင်တော့
သူတို့ရဲ့ အားနည်းချက်တွေကို
အပြစ်တင်ရှုံ့ချမဲ့ အစား… ကူညီပံ့ပိုးပေးလိုက်ပါ။
မှားနေရင် အပြစ်မတင်ပါနဲ့…အကြံပေးလိုက်ပါ။
ဆုံးမလို့ လိုအပ်နေတဲ့ အခါ
ပြစ်ဒဏ်မပေးပါနဲ့ ညှိုနှိုင်းဆွေးနွေးပါလို့သာ
မေတ္တာနဲ့ အကြံပြုတိုက်တွန်းပါတယ်။
အိမ်ထောင်ရေး…မိသားစုရေး...သားသမီးရေး…
စတဲ့ အရေးတွေမှာ ကိုင်တွယ်ဖြေရှင်းမှုဟာ
ဘ၀အတွက် အင်မတန်အရေးကြီးလှသလို
နက်နဲသိမ်မွေ့တဲ့အတွက်
နှလုံးသားနဲ့ ဥာဏ်ပညာကို
အချိုးညီညီပေါင်းစပ် ဖြေရှင်းနိုင်ဖို့ လိုပါတယ်။
အိမ်ထောင်ဘက်နဲ့ ဆက်ဆံရေး ပိုကောင်းဖို့
သားသမီးနဲ့ ဆက်ဆံရေး ပိုကောင်းစေဖို့ အတွက်
လုပ်ဆောင်ရမဲ့ အရာတွေ ရှိသလို
လုံး၀ မလုပ်မိအောင် ရှောင်ရမဲ့
အရာတွေ ရှိတယ်ဆိုတာကို
သိဖို့ လိုပါတယ်။
အဲဒီအခြေခံ သဘောတရားတွေကိုသာ သိထားမယ်ဆိုရင်
ကိုယ့်ပေါ်ကို နားလည်စာနာပေးပြီး မေတ္တာနဲ့ချစ်ပေးတဲ့
အိမ်ထောင်ဘက်ကို ပိုင်ဆိုင်ရမှာ ဖြစ်သလို
လိမ်မာပြီး အားကိုးရမဲ့ သားသမီးတွေကိုလည်း
ပိုင်ဆိုင်နေမှာ အမှန်ပါပဲ။
ချစ်သောသူများအားလုံး
ကျန်းမာချမ်းသာ၍ မိသားစုများခိုင်မြဲကြပါစေ
မေတ္တာဖြင့် ရွှေဟိန်း-ရတနာရွှေဆိုင်မိသားစု
