28/09/2026
မင်မင်တို့ “မိုးမခ ရွှေဆိုင်” ရဲ့ ရွှေချစ်သူလေးတွေဆီကနေ တစ်ခါတစ်ရံ ရွှေ တွေက အရည်အသွေးက ကောင်းမွန်ပါရဲ့ ဘာလို့ အရောင်တွေ တောက်ပမှုတွေ လျော့ကျတာလဲ ဆိုတဲ့ မေးခွန်းနဲ့ပတ်သက်ပြီး မင်မင်က ပြောပြပေးချင်တာလေးတွေရှိပါတယ်။
ရွှေဆိုတာ ခိုင်ခံ့တယ်ဆိုပေမဲ့ သူ့ရဲ့ တောက်ပမှုနဲ့ အရည်အသွေးကို ထိခိုက်စေနိုင်တဲ့ အရာတွေလည်းရှိပါတယ်ရှင်။ ကိုယ့်ရဲ့ အဖိုးတန်ရွှေထည်လေးတွေ နှစ်ပေါင်းများစွာကြာထိ ဝင်းပနေစေဖို့ ဒါတွေကို ရှောင်ကြဉ်ရပါမယ်။
✅ ချွေး
ချွေးမှာပါတဲ့ ဆားဓာတ်နဲ့ အက်ဆစ်ဓာတ်တွေက ရွှေရဲ့ တောက်ပမှုကို မှိန်စေရုံတင်မကဘဲ ရွှေမှာ ရောစပ်ထားတဲ့ တခြားသတ္တု (Alloy) တွေနဲ့ ဓာတ်ပြုပြီး အရောင်ပြောင်းလဲစေနိုင်ပါတယ်ရှင်။
အခုလိုပူနေတဲ့အချိန် လေ့ကျင့်ခန်းလုပ်တဲ့အခါ ဒါမှမဟုတ် တခြားချွေးထွက်များမယ့် အလုပ်လုပ်တဲ့အခါ ရွှေထည်တွေကို ချွတ်ထားသင့်ပါတယ်ရှင်။
✅ ရေမွှေးနဲ့ အလှကုန်ပစ္စည်းများ
ရေမွှေး၊ လိုရှင်း (Lotion) နဲ့ စပရေး (Hair Spray) တွေမှာပါတဲ့ ဓာတုပစ္စည်းတွေကလည်း ရွှေနဲ့ထိပါများလာရင် အရောင်ကျတတ်လို့ ဒါလေးလည်း သတိပြုပေးပါနော်။
✅ ကလိုရင်း
ရေကူးကန်ထဲမှာ သုံးလေ့ရှိတဲ့ ကလိုရင်းကလည်း ရွှေရဲ့ ရန်သူတော်ပါပဲ…ကလိုရင်းက ရွှေထည်ကို ကျိုးလွယ်၊ ပဲ့လွယ် ဖြစ်စေနိုင်ပါတယ်။ဒါကြောင့်မို့ရေမကူးခင် ရွှေထည်တွေကို အရင်ဆုံး သိမ်းဆည်းထားဖို့ မမေ့ပါနဲ့ဦးနော်။
✅ အိမ်သုံး သန့်ရှင်းရေး ပစ္စည်းများ
အဝတ်လျှော်ဆပ်ပြာ၊ ပန်းကန်ဆေးဆပ်ပြာနဲ့ တခြား သန့်ရှင်းရေးလုပ်တဲ့ အရည်တွေမှာပါတဲ့ ချွတ်ဆေးလိုမျိုးဓာတ်တွေက ရွှေရဲ့ အရောင်ကို ပျက်စီးစေနိုင်ပါတယ်ရှင်။
✅ ပြဒါး
ဒါကတော့ အန္တရာယ်အရှိဆုံးပါ…ပြဒါးနဲ့ ရွှေနဲ့ ထိမိရင် ရွှေက ချက်ချင်း အရောင်ဖြူသွားတတ်ပါတယ်။
တစ်ချို့သော မိတ်ကပ်တွေမှာလည်း ပြဒါး ပါတတ်ပါတယ်။ အပူချိန်တိုင်း ကိရိယာ (Thermometer) အဟောင်းတွေထဲမှာ ပြဒါး ပါဝင်တတ်လို့ ဒါကိူလည်းသတိထားရပါမယ်ရှင်။
credit to GoldInstituteMyanmar
💕💕 ဒါပေမယ့် ရွှေချစ်သူတို့ ဝယ်ယူထားသော ရွှေထည်က အရည်အသွေးပြည့်မှီရင် မူလရွေရောင်ပြန်တင်ပေးလို့ရလို့ စိတ်ပူစရာ မလိုပါဘူးနော်။ ရွှေအရည်အသွေးပြည့်ဝတာ လိုချင်ရင်တော့ “မိုးမခ အာမခံ ရတနာရွှေဆိုင်” ကို လာခဲ့ပါလို့ ဖိတ်ခေါ်ပါတယ်ရှင်။ 💕💕
