https://www.facebook.com/106012375050091/

Mercury Media, No. 1, Lay Hdaung Kan Road, Bawamyint, Thingangyun, Yangon (2026)

19/08/2026

ဂျပန်ဖိုက်တာ တာခဲရု တောင်ကြီး အေးသာယာမြို့တွင် စာသင်ကျောင်း ဆောက်လုပ်လှူဒါန်း
…….
ဂျပန်နာမည်ကြီး ဖိုက်တာ တာကေရု ဟာ ရှမ်းပြည်တောင်ပိုင်း၊တောင်ကြီးမြို့ အေးသာယာရပ်ကွက်၊ ရွှေ တောင်တန်းပရဟိတ ဘုန်းတော်ကြီးပညာသင်ကျောင်းကို လာရောက်ပြီး ကျောင်းဆောင်သစ်တစ်ဆောင်ဆောက်လုပ်လှူဒါန်းခဲ့ကြောင်း ဒေသခံများထံကသိရပါတယ်။

ဩဂုတ် ၁၈ ရက်မှာ ရွှေတောင်တန်း ပရဟိတကျောင်းကို တာကေရု ရောက်လာခဲ့ပြီး လှူဒါန်းထားတဲ့ ကျောင်းဆောင်သစ် ဖွင့်ပွဲကို တက်ရောက်ခဲ့တာဖြစ်ကြောင်းဒေသခံများက ပြောပါတယ်။
ဂျပန်ဖောင်ဒေးရှင်းအကူအညီနဲ့ ကျောင်းဆောင်သစ်ကိုလှူဒါန်းခဲ့ခြင်းဖြစ်ပြီး အဆိုပါကျောင်းဆောင်သစ်ဖွင့်ပွဲကို ကိုယ်တိုင်လာရောက်ဖွင့်လှစ်ခဲ့ခြင်း ဖြစ်ပါတယ်။

တာကေရုဟာ ဂျပန်ကစ်ဘောက်ဆင်မှာ နာမည်ကြီးဖြစ်သလို ONE Championship မှာလည်း ၂၀၂၆ ခုနှစ်၊ ဧပြီလ ၂၉ရက်နေ့မှာ ရော့သန့်ကို ထိုးသတ် အနိုင်ယူပြီး ONE Interim Flyweight Kickboxing World Championship ဖြစ်ခဲ့သူဖြစ်ပြီးလက်ဝှေ့လောကမှ အနားယူထားပြီလည်း ဖြစ်ပါတယ်။

04/08/2026

ကလပ်အသင်း သမိုင်းတလျှောက် အမြင့်ဆုံးလစာနဲ့ ကမ်းလှမ်းထားပေမယ့် အာဆင်နယ်နဲ့ ဗင်နီစီးရှပ်စ် ပုဂ္ဂိုလ်ရေးဆိုင်ရာ သဘောတူညီမှု မရသေး

၂၀၂၆၊ဩဂုတ်လ၊၄ရက်

အင်္ဂလန် ပရီးမီးယားလိဂ်ကလပ် အာဆင်နယ်ဟာ ရီးရဲလ်မက်ဒရစ်တောင်ပံကစားသမား ဗင်နီစီးရှပ်စ် ဂျူနီယာကို ကလပ်အသင်းရဲ့ သမိုင်းတလျှောက် အမြင့်ဆုံးလစာပေးပြီး ကမ်းလှမ်းခဲ့ပေမယ့် လက်ရှိအချိန်ထိတော့ ပုဂ္ဂိုလ်ရေးဆိုင်ရာ သဘောတူညီမှု မရသေးဘူးလို့ သိရပါတယ်။

ဗင်နီစီးရှပ်စ် ဂျူနီယာရဲ့ ဦးစားပေးဟာ ရီးရဲလ်မက်ဒရစ်မှာ ဆက်နေဖို့ဖြစ်ပေမယ့် စာချုပ်သစ်အတွက်လည်း အချက်အလက်တွေ ကွဲလွဲမှုရှိနေဆဲဖြစ်ပါတယ်။

အာဆင်နယ်ကတော့ ဗင်နီစီးရှပ်စ် ဂျူနီယာကို ဒီအပြောင်းအရွေ့အတွင်း ခေါ်ယူနိုင်အောင်ကြိုးစားနေပြီး ကလပ်အသင်းရဲ့ အသုံးစရိတ်စံချိန်တွေကိုပါ ချိုးဖျက်ဖို့ အဆင်သင့်ရှိနေပါတယ်။

သို့ပေမယ့် ကစားသမားနဲ့ အာဆင်နယ်ကြားမှာလည်း ပုဂ္ဂိုလ်ရေးဆိုင်ရာ သဘောတူညီမှု မရသေးသလို ရီးရဲလ်မက်ဒရစ်ဆီကိုလည်း တရားဝင်ကမ်းလှမ်းတာမျိုးမရှိသေးဘူးလို့ သိရပါတယ်။

03/08/2026

ဒေါ်အောင်ဆန်းစုကြည်ထံ ICRC မှ မြန်မာ နိုင်ငံဆိုင်ရာ ဌာ‌နေကိုယ်စားလှယ်ဖြစ်သူ လာရောက် တွေ့ဆုံ
------------------------------------------------------------------------------------------
၂၀၂၆ခုနှစ်၊သြဂုတ်လ(၃)ရက်

ဒေါ်အောင်ဆန်းစုကြည်ထံ အပြည်ပြည်ဆိုင်ရာ ကြက်ခြေနီကော်မတီ (ICRC) မှ မြန်မာ နိုင်ငံဆိုင်ရာ ဌာ‌နေကိုယ်စားလှယ်ဖြစ်သူ Mr. Arnaude က ယနေ့ (သြဂုတ် ၃ ရက်) နံနက်ပိုင်းမှာလာရောက် တွေ့ဆုံခဲ့တယ်လို့ နိုင်ငံတော်သမ္မတရုံး သတင်းနှင့်ပြန်ကြားရေးဗျူရို ppib official Youtudeအကောင့်မှာ ဖော်ပြချက်အရ သိရပါတယ်။

ဒေါ်အောင်ဆန်းစုကြည်ကို အပြည်ပြည်ဆိုင်ရာ ကြက်ခြေနီကော်မတီ (ICRC) မှ မြန်မာ နိုင်ငံဆိုင်ရာ ဌာ‌နေကိုယ်စားလှယ်ဖြစ်သူ Mr. Arnaude de Baqque က ယနေ့ နံနက်ပိုင်းတွင် လာရောက် တွေ့ဆုံခဲ့ကြောင်းနိုင်ငံတော်သမ္မတရုံး သတင်းနှင့်ပြန်ကြားရေးဗျူရို ppib officialမှာShort Vedioဖြင့်တင်ဆက်ထားပါတယ်။

ဒါပေမယ့် ဒေါ်အောင်ဆန်းစုကြည်နှင့် အပြည်ပြည်ဆိုင်ရာ ကြက်ခြေနီကော်မတီ (ICRC) မှ မြန်မာ နိုင်ငံဆိုင်ရာ ဌာ‌နေကိုယ်စားလှယ်ဖြစ်သူ Mr. Arnaude တို့ မည်သည့်ကိစ္စများ ဆွေးနွေးခဲ့တာကိုတော့ သတင်းထုတ်ပြန်ထားခြင်း မရှိသေးပေ။

17/06/2026

အံ့မခန်း မက်ဆီနဲ့ အာဂျင်တီးနား-နှလုံးသားဖြင့်ဘောလုံးကစားသည်(ဆောင်းပါး)
…..
အာဂျင်တီးနားဟာ လက်ရှိ ကမ္ဘာ့ချန်ပီယံအသင်းဖြစ်သလို စိန်ခေါ်မှုများစွာကို ရင်ဆိုင်ကျော်ဖြတ်နေရတဲ့ အသင်းလို့ပြောမယ်ဆိုရင် မှားမယ်မထင်ပါဘူး။သံသယများစွာနဲ့စောင့်ကြည့်နေကြတဲ့ မျက်လုံးများစွာအောက်မှာ သူတို့ဟာနောက်ထပ်တစ်ကြိမ် လင်းလက်နိုင်ပါ့မလားဆိုတဲ့ မေးခွန်းဟာ ကြီးမားခဲ့ပါတယ်။အထူးသဖြင့် ၂၀၂၂ကထက် လေးနှစ်အသက်ပိုကြီးလာတဲ့လီယွန်နယ်မက်ဆီရဲ့ ဦးဆောင်မှုနဲ့အတူ အတွေ့အကြုံ၊ရင့်ကျက်မှုပိုများလာကြတဲ့ အန်ဇို၊အဲဗာရက်၊အယ်လစ္စတာတို့ အစုအဖွဲ့ဆီမှာ တောင်းဆိုမှုတွေပိုများလာပါတယ်။ဒီမေးခွန်းတွေ၊တောင်းဆိုမှုတွေကို အဖြေထုတ်ဖို့ အာဂျင်တီးနားနည်းပြ စကာလိုနီဟာ အစဉ်မပျက်ကြိုးစားခဲ့တယ်။ဒါပေမယ့် တစ်ဖက်မှာ အာဂျင်တီးနားရဲ့ နောက်ပိုင်းနှစ်အစုအဖွဲ့ဟာ ပွင့်သောပန်းတိုင်း လန်းနေခဲ့တာကလည်း စကာလိုနီအတွက် အဖြေရှာရတာ မပင်ပန်းစေခဲ့တဲ့ အကြောင်းရင်းဖြစ်လာတာကိုလည်း ပြောမှဖြစ်ပါလိမ့်မယ်။အယ်မာဒါ၊နီကိုပက်၊ဘာကို၊ဆီမြွန်နီ၊ဆန်နစီတို့ဟာ အာဂျင်တီးနား လိုအပ်နေတဲ့ ရနံ့ကိုပေးစွမ်းဖို့ အချိန်ကိုက် ပွင့်လန်းလာတဲ့ ပန်းတွေဖြစ်ခဲ့တယ်။အာဂျင်တီးနားကစားသမားအားလုံးမှာ မြင်ရသလောက် တစ်ယောက်လိုအပ်တာကို တစ်ယောက်က အနစ်နာခံကစားတာ၊တစ်ယောက်အတွက် တစ်ယောက်ဖြည့်ပေးတာ၊နားလည်မှုတွေ၊ယုံကြည်မှုတွေ ရှိနေတာကို တွေ့ရပါတယ်။ဒီအစုအဖွဲ့ဟာ ဘောလုံးအသင်းတစ်သင်းဆိုတာထက် မိသားစုတစ်စုနဲ့ပိုတူနေတယ်။နှလုံးသားနဲ့ဘောလုံးကစားကြတဲ့ သူတို့က မက်ဆီအတွက်၊အာဂျင်တီးနားအတွက် အရိုးကြေကြေ၊အရည်ခမ်းခမ်း တိုက်ပွဲဝင်ကြမယ့်သူတွေကြီးဘဲ။

၂၀၂၆ ကမ္ဘာ့ဖလားမှာ အာဂျင်တီးနားရဲ့ ပထမဦးဆုံးသော အဖွင့်ပွဲကို ဒီမနက်မှာ အယ်ဂျီးရီးယားနဲ့ကစားခဲ့ကြတယ်။ဒီမတိုင်ခင်မှာ တောင်အမေရိက အသင်းတွေက ကမ္ဘာ့ဖလားအဖွင့်မှာ ရလာဒ်တွေကမောက်ကမ ဖြစ်ခဲ့ကြတော့ အာဂျင်တီးနားအတွက် စိုးရိမ်စိတ်တွေ၊သံသယစိတ်တွေများခဲ့ကြတယ်။ဒါပေမယ့် အာဂျင်တီးနားဟာ အထူးသဖြင့် မက်ဆီဟာ ဒီအရာတွေကို ပြောင်းပြန်လှန်ပစ်ခဲ့တယ်။ပွဲအစ၄မိနစ်မှာတင် မက်ဆီရဲ့ အယိမ်းတစ်ချက်မှာ အာဂျင်တီးနားဂိုးရခဲ့ပေမယ့် လူကျွံ့နေခဲ့လို့ အောင့်သက်သက်ခံစားချက်နဲ့အတူ အယ်ဂျီးရီးယားတစ်ချက်ကောင်းထိုးဖောက်မှုက ဂိုးရခဲ့ပေမယ့် ဒါဟာလည်း လူကျွံနေပြန်လို့ ဂိုးမရခဲ့ပြန်ဘူး။အဲ့ဒီနောက်ပိုင်းမှာ ပွဲက အာဂျင်တီးနားပွဲဖြစ်သွားတယ်။မက်ဆီဟာ သူ့စိတ်ကြိုက် ကစားပြခဲ့သလို အာဂျင်တီးနားဟာ မက်ဆီရဲ့ ရွေ့လျားမှုတွေအလိုက် စည်းချက်ညီညီကစားပြခဲ့တယ်။

ဒီပွဲမတိုင်ခင်မှာ အမ်ဘာပေက သွင်းဂိုး၂ဂိုး၊ဟာလန်းက သွင်းဂိုး၂ဂိုးနဲ့အတူ ခေတ်တစ်ခတ်ကို စတင်ကြောင်းအချက်ပြခဲ့ပေမယ့် “ငါမအိုသေး”ဆိုတဲ့မက်ဆီက ဟက်ထရစ်သွင်းဂိုး၊အမိုက်စားခြေစွမ်းနဲ့ ဒီခေတ်ကိုပါ ထပ်ပြီးဦးဆောင်ပြခဲ့တယ်။ဒီလို အံ့မခန်း အလန်းစားမက်ဆီကို ရဖို့အတွက်လည်း အာဂျင်တီးနားဟာ တစ်သင်းလုံး ၂ယောက်စာပိုကစားပြခဲ့ကြတယ်။အားနည်းချက်တွေကို အတတ်နိုင်ဆုံးကာကွယ်ပြီး အားသာချက်တွေကို စုစုစည်းစည်းနဲ့ ကစားပြီး ဘောလုံးဟာ နှလုံးသားနဲ့ကစားလို့ရကြောင်း သက်သေပြသွားပါပြီ။မက်ဆီဟာအကောင်းဆုံးဖြစ်ခဲ့သလို မက်ဆီအကောင်းဆုံးဖြစ်ဖို့ အာဂျင်တီးနားတစ်သင်းလုံးအကောင်းဆုံးဖြစ်ခဲ့ကြတယ်။

ဘာဘဲနေနေ မက်ဆီနဲ့အာဂျင်တီးနားကတော့ အားလုံးကို အသင့်အနေအထားနဲ့ ရင်ဆိုင်ဖို့ရှိနေတယ်ဆိုတာ ကြေညာမောင်းခတ်လိုက်ပါပြီ။ဒီလိုစုစည်းမှု၊ဒီလိုနှလုံးသားတွေ၊ဒီလိုမက်ဆီနဲ့ကတော့ အာဂျင်တီးနားဟာ ကြောက်ဖို့ကောင်းနေဦးမှာ အသေအချာဘဲလို့သာ ဆိုလိုက်ချင်ပါတယ်။

ဆောင်းပါး-Henry Lynn

21/05/2026

ကျောင်းနဲ့ဝေးတဲ့သူတွေ ကျောင်းပြန်တက်နိုင်ဖို့ Placement Test ဖြေဆိုရာမှာ လိုအပ်တဲ့ (၁၅)ချက်...

#မြန်မာ #ပြည်တွင်းသတင်း

10/04/2026

ချဲလ်ဆီးအသင်းအတွက် အစွမ်းကုန်ကြိုးစားပေးသွားမယ်လို့ ဂါနာချိုပြော

၂၀၂၆၊ဧပြီလ၊၁၀ရက်

ချဲလ်ဆီးအသင်းရဲ့ အာဂျင်တီးနားတောင်ပံကစားသမား ဂါနာချိုက ချဲလ်ဆီးအသင်းအတွက် လက်ကျန် ၇ပွဲအပြင် နောက်ရာသီမှာလည်း အသင်းအတွက် ပိုအကျိုးပြုနိုင်အောင်ကြိုးစားသွားမယ်လို့ဆိုပါတယ်။

ဂါနာချိုက "တစ်ခါတလေမှာ ပထမဆုံး ရာသီတွေက ပိုပြီး ခက်ခဲတတ်ပါတယ်။ ဒါပေမဲ့ ကျွန်တော်တို့ဆီမှာ ကျန်ရှိနေသေးတဲ့ (၇) ပွဲ၊ (၈) ပွဲမှာ ကျွန်တော် အစွမ်းကုန် ကြိုးစားသွားမှာပါ။ အဲ့ဒီနောက် နွေရာသီမှာလည်း နောက်ရာသီအတွက် အဆင်သင့်ဖြစ်အောင် အစကတည်းက လေ့ကျင့်မှုတွေ ပြုလုပ်သွားမှာဖြစ်ပြီး ကျွန်တော့်ရဲ့ အကောင်းဆုံးပုံစံကို အသင်းကိုပေးနိုင်ဖို့ ပြင်ဆင်သွားမှာပါ။ ဘာလို့လဲဆိုတော့ ကျွန်တော် ဘာတွေလုပ်နိုင်လဲဆိုတာ ကျွန်တော်ကိုယ်တိုင် သိထားလို့ပါ၊ ဒါက အရေးကြီးဆုံးအချက်ပဲ ဖြစ်ပါတယ်။"လို့ ပြောပါတယ်။

ဂါနာချိုဟာ မန်ချက်စတာယူနိုက်တက်ကနေ ချဲလ်ဆီးဆီပြောင်းလာပြီးနောက်ပိုင်း ရုန်းကန်နေရတာဖြစ်ပြီး နောက်ပိုင်းပွဲတွေမှာ ပွဲထွက်ကစားခွင့်ပါနည်းပါးလာသူဖြစ်ပါတယ်။

09/04/2026

အဆိုတော် "ဂျက်ဆန်ထွန်း"ကွယ်လွန်

၂၀၂၆၊ဧပြီလ၊၉ရက်

နာမည်ကြီး ကချင်အဆိုတော်တစ်ဦးဖြစ်တဲ့ အဆိုတော် "ဂျက်ဆန်ထွန်း"ဟာ ယနေ့ ဧပြီလ (‌‌‌‌‌‌‌‌၉) ရက်နေ့မှာ ကွယ်လွန်သွားပြီလို့ သိရပါတယ်။

ပြီးခဲ့တဲ့ ရက်ပိုင်းမှာ ကွယ်လွန်သွားပြီလို့ သတင်းထွက်ခဲ့ပေမယ့် ယနေ့မှသာ အမှန်တကယ်ကွယ်လွန်ခဲ့တာဖြစ်တယ်လို့ ကချင် အနုပညာရှင်အသိုင်းအဝိုင်းဆီက သိရပါတယ်။

ဂျက်ဆန်ထွန်းဟာ “မနောမြေမှတေးသံသာ”အပါအဝင် နာမည်ကြီး တေးသီချင်းတွေနဲ့ အောင်မြင်ခဲ့တိုင်းရင်းသား အဆိုတော်တစ်ဦးဖြစ်ပါတယ်။

09/04/2026

ရေနံတိုးမြှင့်ထုတ်ရန်နှင့်ဥပဒေပြဌာန်းနိုင်ရန်
ဆောင်ရွက်နေ

-----------------------------------------------------------------------------------
၂၀၂၆ခုနှစ်၊ဧပြီလ၊(၉)ရက်
မြန်မာပြည်တွင်းမှာရေနံစနစ်တကျတူးဖော်ဖို့နဲ့ရေနံထုတ်လုပ်မှု
ပိုတိုးဖို့စီစဉ်နေတယ်လို့ စွမ်းအင်ဝန်ကြီးဌာနမှ သိရပါတယ်။

မြန်မာနိုင်ငံအတွင်းရှိ ပြည်တွင်းတိုင်းရင်းသားလုပ်ငန်းရှင်တွေနဲ့ ပူးပေါင်းပြီး ရေနံနည်းစနစ်ကျတွင်း (Standard Well) တူးဖော်ထုတ်လုပ်နိုင်ရန် စာချုပ်များချုပ်ဆိုခဲ့ပြီး ပြည်တွင်းရေနံထုတ်လုပ်မှုကို ပိုမိုတိုးမြှင့်နိုင်စေရန် လုပ်ဆောင်နေတယ်လို့ဆိုပါတယ်။

ဒီ့အပြင်ရေနံနည်းစနစ်ကျတွင်း (Standard Well) တူးဖော်ခြင်းဆိုင်ရာ ဥပဒေပြဋ္ဌာန်းနိုင်ရေး စီမံဆောင်ရွက်နေသလို
ရေနံနည်းစနစ်ကျတွင်း (Standard Well) တူးဖော်ခြင်းလုပ်ငန်းများတွင် မြန်မာ့ရေနံနှင့် သဘာဝဓာတ်ငွေ့လုပ်ငန်းမှ တူးဖော်ရေးလုပ်ငန်းများအား ထိန်းကျောင်းကြပ်မတ်သွားမယ့် အစီအမံ၊
နည်းပညာပိုင်းဆိုင်ရာ အကူအညီများ ပံ့ပိုးပေးသွားမည့် အစီအမံ၊ လုပ်ငန်းများ အမှန်တကယ်ဆောင်ရွက်သည့်အချိန်တွင် ဒစ်ဂျစ်တယ်နည်းပညာအခြေပြု စောင့်ကြည့်ကြပ်မတ်သွားမည့် အစီအမံများကို ရေနံနည်းစနစ်ကျတွင်း (Standard Well) တူးဖော်ထုတ်လုပ်ခြင်းဆိုင်ရာ ကြီးကြပ်ရေးကော်မတီဥက္ကဋ္ဌ၊ စွမ်းအင်ဝန်ကြီးဌာန အမြဲတမ်းအတွင်းဝန်က ဦးဆောင်ရှင်းလင်းဆွေးနွေးခဲ့ပါတယ်။

09/04/2026

ညောင်တုန်းမြို့နယ်မှာ ဆီတန်းစီနေသည့်ယာဉ်တစ်စီးကို အခြားယာဉ်တစ်စီးက တိုက်မိပြီး ယာဉ်မောင်းတစ်ဦး သေဆုံး

၂၀၂၆၊ဧပြီလ၊၉ရက်

ညောင်တုန်းမြို့နယ်မှာ ဆီတန်းစီနေတဲ့ယာဉ်တစ်စီးကို အခြားယာဉ်တစ်စီးက တိုက်မိပြီး ဆီတန်းစီနေတဲ့ယာဉ်မောင်း သေဆုံးခဲ့ကြောင်း မြန်မာနိုင်ငံမီးသတ်တပ်ဖွဲ့ရဲ့ ဖော်ပြချက်အရ သိရပါတယ်။

ဖြစ်စဉ်မှာ ဧပြီ ၉ ရက် နံနက် ၄ နာရီခွဲခန့်က ဧရာဝတီတိုင်းဒေသကြီး၊ ညောင်တုန်းမြို့နယ်၊ ရန်ကုန်-ပုသိမ် ကားလမ်း၊ ဇီးဖြူကျွန်းကျေးရွာအုပ်စု၊ ဇီးဖြူကျွန်းကျေးရွာအနီး မိုင်တိုင်အမှတ် (၂၆/၃) နှင့် (၂၆/၄) ကြားမှာ ရန်ကုန်မှ ပုသိမ်သို့မောင်းနှင်လာသော Nissan Diesel (အဖြူရောင်) ယာဉ်ဟာ ဆီတန်းစီရန် ရပ်ထားတဲ့ Nissan Condor (အဖြူနှင့်အစိမ်းရောရောင်) ယာဉ်ကို နောက်မှဝင်တိုက်မှုဖြစ်ပွားခဲ့တာဖြစ်ပါတယ်။

အခင်းဖြစ်ပွားရာနေရာကို ညောင်တုန်းမြို့နယ်မီးသတ်စခန်းမှ မီးငြှိမ်းသတ်ယာဉ်(၁)စီး၊ သန္ဓေမီးသတ်တပ်ဖွဲ့ဝင်များနဲ့ ကယ်ဆယ်ရေးလုပ်ငန်းများ သွားရောက်ဆောင်ရွက်ခဲ့ကြောင်း သိရပါတယ်။
အဆိုပါယာဉ်တိုက်မှုကြောင့် Nissan Condor (အဖြူနှင့်အစိမ်းရောရောင်) ယာဉ်ပေါ်ပါ အမျိုးသား တစ်ဦး သေဆုံးခဲ့ပြီး ဆားမလောက်ကျေးရွာမှ နိဗ္ဗာန်ယာဉ်နဲ့ ညောင်တုန်းမြို့နယ် ပြည်သူ့ဆေးရုံသို့ပို့ဆောင်ပေးခဲ့ကြောင်း သိရပါတယ်။

ဒါ့အပြင် Nissan Diesel (အဖြူရောင်) ယာဉ်ပေါ်ပါကျားနှစ်ဦး ထိခိုက်ဒဏ်ရာရရှိခဲ့ပြီး လူငယ်ရိပ်မွန် လူမှုကယ်ဆယ်ရေးအသင်းမှ သူနာတင်ယာဉ်ဖြင့် ဆားမလောက် တောင်သူလယ်သမားဆေးရုံကို ပို့ဆောင်ပေးခဲ့ကြောင်း မြန်မာနိုင်ငံမီးသတ်တပ်ဖွဲ့ရဲ့ ဖော်ပြချက်အရ သိရပါတယ်။

Photo- MFSD

08/04/2026

CNG သဘာဝဓာတ်ငွေ့သုံးယာဉ်များ CNGအိုး အရည်အသွေး
စစ်ဆေးမှုခံယူရန်ထုတ်ပြန်
-----------------------------------------------------------
၂၀၂၆ခုနှစ်၊ဧပြီလ၊(၈)ရက်

သဘာဝဓာတ်ငွေ့(CNG)သုံး ယာဉ်တွေ လိုက်နာရမယ့်အချက်တွေကို စွမ်းအင်ဝန်ကြီးဌာနမှ ထုတ်ပြန်လိုက်တယ်လို့ သိရပါတယ်။

ရန်ကုန်တိုင်းဒေသကြီး၊ မန္တလေးတိုင်းဒေသကြီး၊ ပလိပ်နှင့်မကွေးတိုင်းဒေသကြီး ချောက်မြို့နှင့် ရေနံချောင်းမြို့တို့တွင် CNG အရောင်းဆိုင်များဖွင့်လှစ်ကာ သဘာဝဓာတ်ငွေ့သုံးမော်တော်ယာဉ်များကို ဈေးနှုန်းချိုသာစွာဖြင့် ပိတ်ရက်မရှိ ဖြန့်ဖြူးရောင်းချပေးဖို့ရှိတယ်လို့ဆိုပါတယ်။
CNG မော်တော်ယာဉ်များကို နှစ်စဉ်နှစ်ပတ်လည် (Annual Inspection) စစ်ဆေးရမှာ ဖြစ်ပြီး စစ်ဆေးမှုအောင်မြင်သော ယာဉ်များကိုသာ CNG အသုံးပြုခွင့်စာအုပ်နဲ့ ဆက်လက်ခွင့်ပြုပေးလျက်ရှိတယ်လို့ ဖော်ပြထားပါတယ်။

CNG ဆလင်ဒါအိုးတွေကို ငါးနှစ်တစ်ကြိမ်စစ်ဆေးဖို့လိုပြီးCNG အိုး သက်တမ်း (၁၅)နှစ် ကျော်လွန်သည့်အိုးများအတွက် ထုတ်လုပ်သည့် နိုင်ငံ/ အရည်အသွေး အာမခံမှုပေါ်မူ တည်ပြီး သီးခြားထပ်မံစစ်ဆေးကာ သက်တမ်းတိုးခြင်းကို ဆောင်ရွက်ပေးသွားမှာ ဖြစ်သော်လည်း အိုးအများစုကို ပယ်ဖျက် ( Reject) စာရင်း သတ်မှတ်ဖျက်ဆီးလျက်ရှိတယ် လို့ဆိုပါတယ်။

လာရောက်စစ်ဆေးခံယူခြင်းမရှိတဲ့ နှစ်ပြည့်သက်တမ်း (၅) နှစ်ကျော်လွန်တဲ့ မော်တော်ယာဉ်တွေကို ၂၀၂၆ ခုနှစ်၊ မေလ (၁) ရက်မှစ၍ CNG ယာဉ်စာရင်းမှ (အပြီးအပိုင်) ပယ်ဖျက်သွားမှာဖြစ်ပါတယ်။
နှစ်ပတ်လည်စစ်ဆေးခြင်းခံယူမှု (၅) နှစ်အောက်ဖြစ်တဲ့ မော်တော်ယာဉ်များ အနေဖြင့် ၂ဝ၂၆ ခုနှစ်၊ မေလ (၁) ရက်မှပြီး (၁) နှစ်ကျော်လွန်ပါက CNG ဝယ်ယူခွင့် (၃) လ၊ (၂) နှစ်ကျော်လွန်ပါက CNG ဝယ်ယူခွင့် (၆) လ၊ (၃) နှစ် ကျော်လွန်ပါက CNG ဝယ်ယူခွင့် (၉) လ နှင့် (၄) နှစ်ကျော်လွန်ပါက CNG ဝယ်ယူခွင့် (၁) နှစ် အဖြစ် ပြစ်ဒဏ်များသတ်မှတ်ပြီး ဓာတ်ငွေ့ရောင်းချပေးမှုကို ရပ်ဆိုင်းခြင်းခံရမှာဖြစ်တယ်လို့ဖော်ပြပါရှိပါတယ်။
၂၀၂၆ ခုနှစ်၊ ဧပြီလ (၃ဝ) ရက်အတွင်း CNG ဌာနသို့ လာရောက်ဆက်သွယ် စစ်ဆေးခံယူ ကာ CNG ဝယ်ယူခွင့်စာအုပ်နှင့် ကတ်သစ်ထုတ်ယူ ခြင်းများကို လာရောက်ဆောင်ရွက်ကြဖို့ နှိုးဆော်ထားပါတယ်။

Mercury Media

19/08/2026

04/08/2026

03/08/2026

17/06/2026

21/05/2026

10/04/2026

09/04/2026

09/04/2026

09/04/2026

08/04/2026

Address

Website

Alerts

Shortcuts

Share

Category

Listing takedown request