Naing Win Jade

Naing Win Jade Contact information, map and directions, contact form, opening hours, services, ratings, photos, videos and announcements from Naing Win Jade, Jewelry/Watches, Yangon.

#ပန်းပုတစ်စရဲ့အယူအဆ Photo Crd
13/06/2024

#ပန်းပုတစ်စရဲ့အယူအဆ

Photo Crd

28/09/2023

ဝှေခါ

#အနုပညာ
10/01/2023

#အနုပညာ

#စိတ်ကူးအနုပညာ
02/01/2023

#စိတ်ကူးအနုပညာ

01/01/2023

နှစ်သစ်မှာပျော်ရွှင်ကြပါစေ။

#တရုပ်တွေနဲ့အရောင်းဝယ်လုပ်ရင် " သိထားသင့်တဲ့အချက်များ "..💚✨✨ကျောက်စိမ်းကို အများဆုံး ဝယ်ယူသူတွေက တရုတ်လူမျိုးတွေပါ။ဒါကြ...
26/12/2022

#တရုပ်တွေနဲ့အရောင်းဝယ်လုပ်ရင်
" သိထားသင့်တဲ့အချက်များ "..💚✨✨
ကျောက်စိမ်းကို အများဆုံး ဝယ်ယူသူတွေက တရုတ်လူမျိုးတွေပါ။
ဒါကြောင့် တရုပ်တို့နဲ့ ကျောက်စိမ်းအရောင်းအဝယ်လုပ်တော့မယ်ဆိုရင် တရုပ်တို့သတ်မှတ်ထားတဲ့ အသားတန်းတွေကို နားလည်သဘောပေါက် ရင် ပိုမိုအကျိုးဖြစ်ထွန်းမယ်လို့မြင်ပါတယ်။
မြန်မာ့ကျောက်စိမ်းစျေးကွက်ထဲမှာ ပြောဆိုနေကြတဲ့ အခေါ်အဝေါ်တွေ (ခါးသား ၊ ခါးအပေါ်) အသားတန်းသတ်မှတ်ချက်တွေကမြန်မာအချင်းချင်း အတွက်သာ အဆင်ပြေပေမယ့်၊ တရုတ်တို့နဲ့ ပြောဆိုတဲ့အခါမှာတော့ ကွဲပြားချက်တွေရှိနေမှာပါ။ ဘာမှော်၊ ညာမှော်ဆိုတဲ့ မှော်အကြောင်းကို အ ချောထည်ဝယ်မယ့်သူတွေက စိတ်မဝင်စားပါ။ သူတို့စိတ်ဝင်စားတာက အသားကောင်းဖို့နဲ့ အရည်လှတာဖြစ်သည်။
ထို့ကြောင့် ပြည်ပကုန်သည်များနဲ့ရောင်းဝယ်ဖေါက်ကားတဲ့နေရာမှာ လွယ်ကူအဆင်ပြေစေဖို့၊ ထိုက်သင့် တဲ့စျေးနှုန်းရရှိစေဖို့တရုပ်တို့ရဲ့ ကျောက်စိမ်းအသားတန်းသတ်မှတ်ပုံကို လေ့လာတင်ပြပေးလိုက်ပါတယ်။

ကျောက်စိမ်းတို့ရဲ့အသားတန်းကို အလင်းပေါက်အားနဲ့ ကျောက်မျိုးရင့်မှု့အပေါ်အမျိုးအစားသတ်မှတ်တာဖြစ်တယ်။

1 . ( ပေါလိကျုံ )

Glass type

ကျောက်စိမ်းအသားတန်းများ တွင် အဆင့်အမြင့်ဆုံး၊ အကောင်းဆုံး အသားတန်းဖြစ်သည်။
ဖန်သား၊ မှန်သားဟု ခေါ်ကြသည်။ အမှုန်၊ အနယ် အလွန်နည်းပါးပြီး ကြည်လင်လှသည်။
အလင်းပေါက်အား အကောင်းဆုံး အသားဖြစ်သည်။ စျေးအကောင်းဆုံး အသားတန်းဖြစ်သည်။
မြန်မာတို့က ပေါ်လီ ( သို့ ) ဘော်ဒီဟု ခေါ်သည်။
(သည်နေရာမှ ကြုံ၍ တခုပြောပါရ စေ။ ကျောက်စိမ်းတို့၏ အလင်းပေါက်အားမှာ အများဆုံး
translucent (အလင်းပေါက်လု နီးနီး)အဆင့်ထိသာရှိ ပါသည်။ လုံးဝ အလင်းပေါက် transparent အဆင့် ထိမ ရောက်ပါ။ )

2 . ( ပင်းပေါကျုံ )

Ice glass type

ပေါလီသားထက် တဆင့်နိမ့်သော ရေခဲဖန်သားဖြစ်သည်။ အမှုန်၊ အနယ် အနည်းငယ် ပါဝင်သည်။
အလင်းပေါက်အား သုံးပုံ နှစ်ပုံခန့်ရှိသော အသားတန်းဖြစ်သည်။

3 . ( ပင်းကျုံ )

Ice type

ရေခဲတုံးနှင့်တူသော အသားတန်း ရေခဲသားဖြစ်သည်။ အလင်းပေါက် အား ထက်ဝက်ခန့်ရှိသည်။

4 . ( နော့ပင်းကျုံ )

Waxy ice type

ရေခဲပျစ်သားဖြစ်သည်။ ကြည့်ရသည်မှာ စေးစေးပျစ် ပျစ် ဖြစ်သည်။ အလင်းပေါက်အား အလွန်နည်းသည်။ တိုက်ရိုက် ဘာသာပြန်လျှင် ကောက်ညှင်းရေခဲသား ဖြစ်သည်။ ကောက်ညှင်းသားနှင့်တူ၍ ခေါ်တာဖြစ် မည်။
( နော့ ) ဆိုသည်မှာ ကောက်ညှင်းဟု အဓိပ္ပာယ်ရသော်လည်း၊ ဖယောင်းကဲ့သို့ ချောဆီကဲ့သို့ စေးပျစ် ချော မွတ်သည်ဟူ၍လည်း အဓိပ္ပယ်ရတဲ့ရေခဲပျစ်သားဟု သမုတ်လိုက်ပါသည်။
မြန်မာတို့က ဖယောင်းသားဟု ခေါ်သော အသားတန်းဖြစ်သည်။

5 . ( စိနော့ကျုံ )

Fine waxy type

တိုက်ရိုက်ဘာသာပြန်လျှင် ကောက်နုသားဟု ပြန်ရမည်ထင်သည်။ ဤ အသားတန်းသည် အညံ့ဆုံး အသားတန်းဖြစ်သည်။အလင်းပိတ်အသားတန်းဖြစ်သည်။ အသားပိတ်ဖြစ်သည်။

အသားတန်းမြင့်လျှင် မြင့်သလို စျေးကောင်းပြီး အ သားတန်း ကျလျှင် ကျသလို စျေးနည်းသည်ကို အားလုံးအသိဖြစ်ပါတယ်။ မိမိတို့၏ ကျောက်စိမ်းသည် မည်သည့်အသားတန်းတွင် ပါဝင်သည်ကို ခွဲခြားသိရှိ၍ မှန်ကန်သော စျေးနှုန်းတို့ဖြင့် ရောင်းဝယ်ဖေါက်ကားနိုင်ကြပါစေ။

"ရှားပါးဘောလိသားလက်ကောက် "

ကျောက်စိမ်းအကြောင်း သိကောင်းစရာ💚💚💚===============================.. ကျောက်စိမ်း ဟာ ကမ္ဘာပေါ် မှာ ၃ နေရာ ပဲ တွေ့ရပါတယ်...
26/12/2022

ကျောက်စိမ်းအကြောင်း သိကောင်းစရာ💚💚💚
===============================.. ကျောက်စိမ်း ဟာ
ကမ္ဘာပေါ် မှာ ၃ နေရာ ပဲ တွေ့ရပါတယ် ။
.. အမေရိကန် နိုင်ငံ က
တက္ကဆက်စ် ပြည်နယ် ၊
တရုတ် က ကွမ်ကျိုးပြည်နယ် ရယ် နဲ့
ကျွန်တော် တို့ မြန်မာ နိုင်ငံ က ကချင်ပြည်နယ် တို့မှာပါပဲ
(ကွမ်ကျိုး ဟာ မှားနေရင် ပြင်ပေးကြပါ)
မှတ်ချက် ။ ။ ခန္ဒီး ဒေသ အပါအဝင်။
ဒီ ၃ နေရာ မှာ ပဲ တူးဖော် တွေ့ရှိနိုင်ပါတယ် ။
.. ယနေ့ထိ ၊ ဒီ၃ နေရာ က လွဲ လို့
တခြား ဘယ်နေရာ မှာ မှ မတွေ့ရသေးပါဘူး ။
.. ဒီ၃နေရာ ထဲ မှာ မှ ၊
ကမ္ဘာ့အကောင်းဆုံး ကျောက်စိမ်း ကို
မြန်မာ နိုင်ငံ မှာပဲ တူးဖော် ရရှိနိုင်ပါတယ် ။
.. ဆိုလိုချင်တာ က
ကျန် ၂ နေရာ က ထွက်တဲ့ ကျောက်စိမ်းဟာ မဖြစ်စလောက် အနည်းအကျဉ်းသာ ဖြစ်ပြီး ၊ အရည်အသွေး ကြ တော့ လည်း မြန်မာနိုင်ငံ ကို မမှီပါဘူး ။
.. ဒါကြောင့်မို့လည်း
မြန်မာ့ကျောက်စိမ်း ဟာ ကမ္ဘာမှာ နာမည် ကျော်ကြား နေရတာပါ ။
.. ကျောက်စိမ်း ကို
ဘယ်နေရာ တွေ မှာ သုံးသလဲ ဆိုရင်….
ပုတီး၊လက်ကောက် ၊ဆွဲပြား ၊ ဘုရားဆင်းတု ၊ ပန်းပု ထုခြင်း ၊ ကျောက်စိမ်းပန်းချီ စသည်ဖြင့် သုံးခဲ့ကြပါတယ် ။
.. ယနေ့
တိုးတက်လာတဲ့ ခေတ်ကြီး မှာတော့
ပိုက်ဆံ တတ်နိုင်သူများ ဟာ
ကျောက်စိမ်းကို ပါကေးပြား အရွယ်
ထုတ်လုပ် ပြီးနေအိမ်တွေ မှာ
ပါကေးတွေ ခင်းလာပါတယ် ။
.. ( ချမ်းသာကြွယ်ဝ မှုပေါ့)
အိမ်တွေ မှာ မီးဆိုင်းတွေ ကို
ကျောက်စိမ်း တွေ နဲ့ထုတ်လုပ်လာတယ် ။
.. ကားတွေ ထဲ က ဖင်ထိုင်ခုံ အောက်မှာ ကျောက်စိမ်းလုံးလေး တွေ ကို အခင်းသဖွယ် ယက်ပြီး ခင်းကြတယ် ။
.. ကျောက်စိမ်း ရဲ့သဘောသဘာဝ က အအေးဓါတ်ရှိပါတယ် ။
.. ရေနံသူဌေး နိုင်ငံတွေ ဖြစ်တဲ့ ၊
အာရပ် တွေ ဆီ မှာ ဆိုရင် ကျောက်စိမ်းကုတင် ၊ ကျောက်စိမ်း ထိုင်ခုံ စသည်ဖြင့် သုံးစွဲ ကြပါတယ် ။
. ကျွန်တော် သိခဲ့ ရတဲ့ ယမ်း ( crystal ) အကြောင်းလေး ရေးပြပါမယ် ။
.. သာမန်
လမ်းဘေး က ကျောက်တုံး တစ်တုံး နဲ ့ ကျောက်စိမ်း တုံး(အရိုင်းတုံး)နဲ့၊
ဘယ်လို ခွဲ ခြား မလဲ ဆိုရင်…
ဒီ ယမ်း ပါမပါ ကို ကြည့်ပြီး ခွဲ နိုင်ပါတယ် ။
.. ကျောက်စိမ်းတုံး အရိုင်းတုံး တွေ ကို နေရောင်အောက် မှာ
အနီးကပ် ကြည့်လိုက်မယ် ဆိုရင် ၊
လက်လက် လက်လက် နဲ ့လက်နေတဲ့
အမှုန် လေး တွေ ကို မြင်ရပါမယ်
(ဟင်းချိုမှုံလို အဖတ်လေးများ)
.. အနီးစပ်ဆုံး ဥပမာ ပေးရရင် ၊
စာရွက် အဖြူ တစ်ရွက်ပေါ်မှာ ဘောပင် နဲ့အစက်ကလေးတွေ ချလိုက်သလို ပါ ။ အစက်လေးတွေ ပါ ။ လက်နေပါတယ် ။

.. မှောင်တဲ့ နေရာမှာဆိုရင်တော့ ကျောက်ကြည့် ဓါတ်မီး နဲ့ထိုးကြည့်ရင် မြင်ရမှာပါ ။

( ဒီနေရာ မှာ ပြောချင်တာ တစ်ခု က တော့ ၊ ရွှေတို့ငွေတို့အစရှိသဖြင့် အခြား သတ္တု များ ပါဝင်တဲ့ ကျောက်ရိုင်းတုံး မှာလည်း လက်လက် လက်လက် တောက်နေပေမယ့် ၊
ကျောက်စိမ်း နဲ့တော့ တခြား စီပါ ။
ရွှေ တို့ငွေ တို့မှာ လက်လက် လက်လက် က သူ့အရောင် အလိုက် တောက်ပါတယ် ။ )
.. အဲဒီ လက်လက် လက်လက် လေးတွေ ကို
ယမ်း လို့ခေါ်ပါတယ် ။
ကျောက်စိမ်းအရိုင်းတုံး ကို ယမ်းပါဝင်မှု ၊
ယင်း ပါရှိမှု ပုံစံ ကို ကြည့်ပြီး ကျောက်စိမ်းအရိုင်းတုံး ကို
အခုလို ခွဲခြား လို့ရပါတယ် ။
.. ယမ်းချောရင်
အတွင်းက ကျောက်စိမ်းသား ချောပါမယ် ။
( ဆိုလိုချင်တာ ယမ်း က မှုန်မှုန်လေး တွေ နဲ့စုနေတာပါ )
ယမ်းကြမ်း ရင် အတွင်းက အသားကြမ်းပါမယ် ။ ( လက်လက် လက်လက် ယမ်းတွေ ဟာ ကျဲနေတာပါ )
ယမ်းစိပ် ရင် ကျောက်သား တင်းပါမယ် ၊ ကျောက်သား ကောင်းပါမယ်
( လက်လက်လေးတွေ စုနေတာပေါ့ )

ယမ်းကျဲ ရင်တော့ ကျောက်သား မကောင်းပါဘူး ။ (ဒီလိုကျောက်မျိုး ကို ဝယ်ရောင်း မလုပ်သင့်ပါဘူး )
.. အဓိက ယမ်း (၃) မျိုး ရှိပါတယ်

ယမ်းလုံး ၊ ယမ်းရှည် နဲ့ယမ်းပြား ပါ
.. ယမ်းလုံး ဆိုတာ က
ကျောက်ရိုင်းတုံး ရဲ့အခွံ ၊ မျက်နှာပြင်မှာ လက်လက် လက်လက်လေး တွေ က ၊ သကြားပွင့် ဆားပွင့်လေးတွေ လို ဖြစ်နေတာပါ ။ အဲဒီ ကျောက်ဟာ အရည် ကောင်း ပါတယ် ။
.. ယမ်းရှည် ဆိုတာ က
ကျောက်ရဲ့မျက်နှာပြင် မှာ
အပ်ချောင်းလေးတွေ လို ၊
ဟင်းချိုမှုန်ရှည်ရှည်လေးတွေလို မြင်ရတာပါ ။ အဲဒါမျိုး တွေ ့ရရင်တော့ အဲဒီကျောက် ဟာ အသား ကောင်းပါတယ် ။
.. ယမ်းပြား ဆိုတာ ကတော့ လက်လက် လက်လက် လေးတွေ ဟာ အရမ်းကြီး အရွယ် ကြီးနေမယ် ။( ဆားပွင့် ၊ သကြားပွင့် အရွယ် ထက် ပိုမယ် ) ဒါဆိုရင် အရည်ရော အသားရော မကောင်းနိုင်ပါဘူး ။
.. ယမ်းပြား မှာ ကို ၃ မျိုး ထပ်ခွဲ နိုင်ပါတယ် ။

(၁)ယင်ထောင်ယမ်း

(၂)မာယားယမ်း

(၃)ခွေးရိုးထိုး ဆိုပြီး ပေါ့
.. ယင်ထောင်ယမ်း ဆိုတာ က
လက်လက် လက်လက် တောက်နေတဲ့ ယမ်းပေါ့ ။ ယင်ကောင် တစ်ကောင် အရွယ် ခန့်ရှိပါတယ် ။ သူပါရင် အရည်အသား မကောင်းဘူး ။ ဈေးအများကြီး မပေးသင့်ပါဘူး ။
.. မာယား ဆိုတာ က
ယင်ကောင် အရွယ်ထက် ပိုကြီးမယ် ။ ရှောင်ရပါမယ် ။
.. ခွေးရိုးထိုး ဆိုတာ က တော့
မာယား ထက် အရွယ်ပိုကြီးတယ် ။
သူ ့ကို တွေ့ရင် အဲဒီကျောက် ကို ရှောင်ရပါမယ် ။
.. ယမ်း ဆိုတဲ့ သဘာဝ ဟာ ၊
ကျောက်စိမ်း အရိုင်းတုံး ( မဖြတ်မှီ ) ရဲ ့အခွံ မှာ မြင်ရတဲ့ အတိုင်း ကျောက်သား အတွင်း မှာ ရှိတတ်ပါတယ် ။
.. ယမ်း ကို
ကျွမ်းကျင် ပိုင်နိုင် မယ် ဆိုရင် ၊
ကျောက် ကို မခွဲ မဖြတ် မှီ..
ပြင်ပ က ကြည့်ရုံ နဲ ့ပင် ၊
အထဲ က ကျောက်သား ကောင်းမကောင်း ဖောက်ထွင်း သိမြင် နိုင်မှာ ဖြစ်ပါတယ် ။
.. ကျောက်စိမ်းအရိုင်းတုံး
ဝယ်မယ်ဆိုလျှင်ကျောက်စိမ်း အခွံ အကြောင်း တွေ ကိုသိဖို့လိုအပ်ပါတယ် ။
.. ကျောက်စိမ်း အခွံ ဟာ
အဓိက အားဖြင့် ရေခွံ နဲ ့ကုန်းခွံ ဆိုပြီး (၂)မျိုး ရှိပါတယ် ။
.. အခွံ ရဲ ့အရောင်တွေ ပေါ်မှာ မူတည် ပြီး အသေးစိတ်ကို လည်း ရေးပါမယ် ။
.. ရေခွံ = ကျောက်စိမ်းထွက်ရှိရာ ဒေသရှိ ၊ မြစ်ချောင်း အင်းအိုင် များ မှ ထွက်ရှိတဲ့ ကျောက်ရဲ ့အခွံ ပါ ၊ များသောအားဖြင့် ရေခွံ ပါတဲ့ ကျောက်ဟာ အသားကောင်းပါတယ် ။ အရွယ်အစား အမျိုးမျိုး ရှိပါတယ် ။
ပြောင်ချော နေပါတယ် ။
.. ကုန်းခွံ = သူ ကတော့ တောင်တွေ ၊
မြေကြီးတွေ အောက် က တူးလို ့ရတဲ့ ကျောက်ရဲ ့အခွံ ပေါ့ ၊
(၁) မြေမှန် နဲ ့(၂)ကုဋေကျောက် ဆိုပြီး ကွဲပါတယ် ။

(၁) မြေမှန် = ကျောက်စိမ်း ထွက်ရာ ဒေသရှိ ကုန်းမြေ များမှ တူးဖော် ရရှိပါတယ် ။
အခွံ အမျိုးမျိုး ရှိပါတယ် ။

(၂) ကုဋေကျောက် = ကျောက်ရဲ ့အခွံ က
အခွံ မဲ ဖြစ်ပါတယ် ။ ချော်ကပ်နေတတ်ပါတယ် ။ ချော်ကပ်တယ် ဆိုတာ ၊ ကပ်တရာစေး ကပ်နေသလို ၊ အခွံပေါ်မှာ မဲမဲပြောင်ပြောင်လေး တွေ ပါတာ ကို ချော်ကပ် တယ် လို ့ခေါ်တာပါ ။ မော်ဝမ်းလေး ၊ မော်ဝမ်းကြီး ၊ မော်မောင်းကုန်း တို ့မှ အဓိက ထွက်ပါတယ် ။
.. အခွံ များ မှာ
.. သံချေးခွံ = သံထည် ပစ္စည်း များ သံချေး တက်နေတဲ့ ပုံသဏ္ဌာန် မျိုး ဖြစ်နေတာပါ ။
ဒီလို အခွံ ရှိရင် ကျောက် က မျိုးရင့်တတ်ပါတယ် ။ အခွံ ကို ဖြတ်ကြည့်ရင် အခွံ ၂ ထပ် ဖြစ်တတ် တယ်လို ့သိရပါတယ် ။
.. ဝါးဖတ်ခွံ = ဝါးဖတ် အရောင် အဆင်း နဲ ့တူပါတယ် ။ ကျောက်မျိုး ကောင်းတတ်ပါတယ် ။
.. သစ်တော်ခွံ (ခ) အာလူးခွံ = သစ်တော်သီး ခွံ အရောင် သို ့အာလူးသီး အခွံ အရောင်ပါ ၊ သူလည်း မျိုးကောင်းတတ်ပါတယ် ။
.. အင်္ဂတေခွံ = နာမည် အတိုင်း
အင်္ဂတေ အရောင် ရှိပါတယ် ။ ကျောက်သား ပျက်တတ်ပါတယ် ။ မျိုးမကောင်းတတ်ပါ ။
.. ဖွဲနုခွံ = စပါးခွံ ဖွဲ အရောင်မျိုး ဖြစ်ပါတယ် ၊ အခွံက နုပါတယ် ။ အခွံ ကို လက်ချောင်းထိပ်လေး တွေ နဲ ့ပွတ်ကြည့် ရင် နုပါတယ် ။
.. ( ဒီနေ ရာ မှာ ဝါးဖတ်ခွံ ၊
ဖွဲနုခွံ နဲ ့ဆက် လာမယ့် ဖွဲလတ်ခွံ ၊ ဖွဲကြမ်းခွံ ၊ မုံထုခွံ တို ့ရဲ ့အရောင်တွေ ဟာ ၊ စာထဲ မှာ အရ တူညီ နိုင်တာ ကို ဖတ်ရနိုင်ပါတယ် ။ ဒါပေမယ့် အပြင် မှာ တစ်ကယ်လက်တွေ ့ကျောက်ကို မျက်မြင် ကြည့်ရင် အခွံအရောင် မတူညီကြပါဘူး ၊ အခွံ ရဲ ့မျက်နှာပြင် ကို လက်ချောင်းလေး တွေ နဲ ့ပွတ်သပ် စမ်းကြည့်မှ ကွဲပြား သိနိုင်ပါတယ် )
.. ဖွဲလတ်ခွံ = စပါးခွံ ဖွဲ အရောင် ပါပဲ ။
အခွံ ကို စမ်းကြည့်ရင် အခွံ က ကြမ်းပါတယ် ။
.. ဖွဲကြမ်းခွံ = အခွံ အကြမ်းဆုံးပါ ။
.. ဒီ ဖွဲနု ၊ ဖွဲလတ် ၊ ဖွဲကြမ်း
သုံးမျိုး လို ့ပြောပေမယ့် ၊ အရောင် က အတူတူပါပဲ ၊ အခွံကို လက်ချောင်းလေးတွေ နဲ ့ပွတ်သပ် စမ်းမှ ကွဲသွားတာပါ ။ ဒီ ၃ မျိုး လုံး ဟာ မျိုးရင် ့ရင် ကျောက် အရည်ကောင်း အသားကောင်း ဖြစ်တတ်ပါတယ် ။ မျိုးနု လျှင်တော့ အသားမရ တတ်ပါ ။
.. ဖယောင်းခွံ = ဖယောင်းရည်
သုတ်ထားသလို ပြောင်ချောချော ဖြစ်ပါတယ် ။
.. မုံထုခွံ = သနပ်ခါး အရောင် ရှိပါတယ် ။ မျိုးကောင်းတတ်ပါတယ် ။
.. မုံထု ခွံကြွေ = လက်နဲ ့ကိုင်ကြည့် လိုက် ရင်
အခွံ အစအန လေး တွေ ပါလာမယ် ။ မျိုးကောင်းတတ်ပါတယ် ။
.. ခွံကြမ်း = ကိုင်ကြည့်ရင် အလွန်ကြမ်းတမ်းပါတယ် ။
.. ခွံထူ = အခွံ မှာ သိသိသာသာ ထူနေတတ်ပါတယ် ။ အရည်အသား ကောင်းမကောင်း နဲ ့တော့ မသက်ဆိုင်ပါ ။
.. ခွံကျစ် = အခွံ မှာ ကျစ်လစ် သိပ်သည်းလွန်းတတ်ပါတယ် ။ အသား ပျက်တတ်ပါတယ် ။
.. ခွံပျက် = ကျောက် တစ်တုံးထဲ ရဲ ့
တစ်နေရာ မှာ အခွံ တစ်မျိုး ၊ အခြား နေရာ မှာ အခွံ တစ်မျိုး ဖြစ်တာကို ခွံပျက် လို ့ခေါ်ပါတယ် ။ အသားပျက်တတ်ပါတယ် ။
.. ဒါကတော့
အခွံ များရဲ ့သဘော သဘာဝ အကြောင်းပါ ။
.. ရေမဆေး ကျောက် ဆိုတာ မျိုး ကို ဝယ်တော့မယ် ဆိုရင် ၊ သူ ့ရဲ ့အခွံလေး ကို နဲနဲပွတ်တိုက်ကြည့် ၊ ပွတ်သပ်ကြည့်ပြီး မှ သေချာ လေ့လာ ဝယ်ယူရပါတယ် ။


#ကျောက်စိမ်းတွင်ပါဝင်သောအပြစ်အနာများ

၁။ ရှင်းမည်း၊ ရှင်းနက် - အခွံပေါ်တွင်အမည်းစက်များရှိသည် ။ထိုအမည်းစက်များ
သည်အခွံ့ပေါ်ကအတိုင်း ကျောက်သားတွင်းတွင် တည်ရှိနေသည်။
ဖျက်အားကောင်းသည်။

၂။ ရှင်းစိမ်း - ချကြည့်လျှင်မည်းနေပြီး နေရောင်တွင် ကာဖျင်ဖြင့်ကြည့်လျှင်စိမ်း
နေသည်။ သိပ်မဆိုးသေးပါ

၃။ စိုက်ရှင်း - အခွံ့ပေါ်မှရှင်းမဲသည် ကျောက်သားတွင်းသို့စိုက်ဝင်နေသည်။
ဖျက်အားကောင်းသည်။

၄။ ကပ်ရှင်း - ကျောက်စိမ်းတုံး၏ အခွံ့ပေါ်မှာသာရှိသည်။ အတွင်းသို့မဝင်ပါ
သိပ်မဆိုးရိမ်ရ။

၅။ အက်ကြောင်း - အခွံ့ပေါ်တွင် ရှိသကဲ့သို့ ကျောက်သားအတွင်းသို့ဝင်နိုင်သည်
အရည်/ အသားကို ဖျက်သည်။

၆။ မြင်းမြှီးရိုက် - ကမ္ဘာ့မြေပုံကဲ့သို့ ကျောက်စိမ်းတစ်တုံးလုံး အနာများ ရှုပ်ယှက်ခတ်
နေသည်။ သတိထားရှောင်ရမည်။

၇။ ရှိုနာ - သဘာဝအတိုင်း အက်ကွဲနေသောအနာကြီးဖြစ်သည်။
သိပ်မဆိုးရိမ်ရပါ

၈။ ရို့နာ - ဖြတ်သားတွင် အပ်ချည်မျှင် အပိုင်းအစကဲ့သို့ အက်ရာအနာ အသေး
လေးများ ဖြစ်ပေါ်နေသည် ။ အရည် အသားကောင်းသော်လည်း သွေးလျှင်
အရောင်မတက်ပါ။

၉။ ယင်ထောင် - လချေးပြား ကပ်ထားသကဲ့သို့ အခွံ့ပေါ်တွင် ယမ်းပြားငယ်များ
ကပ်နေသည်။ အရည်/ အသားကို ဖျက်သည်

၁၀။ မာယား - ယင်ထောင်ထက်ကြီးသည်။ ပိုဆိုးသည်။

၁၁။ ခွေးရိုးထိုး - မာယားယမ်းထက်ကြီးသည်။ ပို၍ပို၍ ဆိုးသည်။

၁၂။ ဆန်ပြုတ်၊ ဆန်နှစ် - ကျောက်စိမ်းအသားထဲတွင် ဆန်ပြုတ်ဖက်၊
ဆန်နှစ်ဖက်များကဲ့သို့ အဖြူပွင့်များဖြစ်နေသည်။ အရည်/ အသားကို
ဖျက်သည်။

၁၃။ ဖြုတ်ချေး - အခွံ့နှင်အသားတွင် အမဲစက်များ ထင်ရှားစွားဖြစ်နေသည်
အဖျက်ဖြစ်သည်။

၁၄။ ဝက်မြှင် - ဝက်ကိုယ်ပေါ်မှ အမွှေး အမြှင်များ ကဲ့သို့ အက်ရာအနာများ
ဖြစ်သည်။ အဖျက်ဖြစ်သည်။

၁၅။ မှည့် - အသားထဲတွင် မှည့်ကဲ့သို့ အမဲစက်များ ဖြစ်ပေါ်နေသည်။
အရည်နေရာတွင်ရှိလျှင် အရည်မပွင့်ပါ။

၁၆။ ဖားမျက်စံ - ဖားမျက်စံကဲ့သို့ အလယ်မှာ အမဲစက် ဖြစ်ပေါ်နေသည်
အရည်/ အသားကို ဖျက်သည်။

သိထားသမျှလေးပြန်လည်မျှဝေပေးပါတယ်။
မူရင်းဆရာသမားများကို creditပေးပါတယ်။

ဒီပို့စ်လေးဖတ်ပြီး ဗဟုသုတ ရရှိနိုင်ပါစေလို့ဆန္ဒပြုရင်းနဲ့Accလေးကိုfollowထားကြပါနော်
crd

Address

Yangon

Website

Alerts

Be the first to know and let us send you an email when Naing Win Jade posts news and promotions. Your email address will not be used for any other purpose, and you can unsubscribe at any time.

Shortcuts

Share

Category