https://www.facebook.com/108391585465003/

Burma Jade လုံးစွတ်ရောင်းဝယ်ရေး, Bahan, Yangon (2026)

Name: Burma Jade လုံးစွတ်ရောင်းဝယ်ရေး
Address: Bahan, Yangon, 11201, MM
Telephone: +959767636384

26/12/2022

( ၁၁၁ ) အမဲကြော / လျှိုပဲ့
ပန်းကာလာ / ဝိတ် - ( 91 ) ကျပ်သား
လက်ကောက်ခေါင်းမယ့် လောပန်းတို့ အကြိုက်အထိုင်လေးပါ ၊
စျေးတန်တန်လေးနဲ့ ခေါင်းချင်တယ်ဆို cb ကနေ ဆက်သွယ်လို့ရပါတယ် ၊
ရန်ကုန်ကပါ / comment မှာ video တင်ပေးထားပါတယ် ။
မင်္ဂလာအောင်ကျောက်များ ပိုင်ဆိုင်နိုင်ကြပါစေဗျာ 🙏

25/12/2022

#ခေါင်းကျောက်သမားတိုင်းသိထားသင့်တဲ့အချက်များ..💚✨✨
ကျောက်တလုံး လာပြပြီဆိုရင်
မှော်ကိုမေးပါ။ မသိဘူး လို့ပြောရင်
ကိုယ်တိုင် ဘာမှော်ဖြစ်နိုင်မလဲ သုံးသပ်ပါ။
အခွံဖြူ ဆိုရင် မန ဆိုပြီး လွယ်လွယ် ပြောလေ့ရှိကြပါတယ်။ အခွံဖြူက မှော်တွေ အများကြီးက ထွက်ပါတယ်။ မန မှော်ဆိုရင် မနမှော်ရဲ့ လက္ခဏာတွေကို သိနိုင်ရပါမယ်။ လုံးခင်းက ဆန်ခါ၊ကုဋေ၊မှော်စီစာ စသဖြင့် အခွံဖြူတွေထွက်သလို မန နားက မျောက်ဖြူလို့မှော်မျိုးကလည်း အခွံဖြူတွေထွက်ပါတယ်။သဘောက မှော် ကိုသိအောင်အရင်ကြိုးစားပါ။ ဘာလို့လဲဆိုတော့ မှော်မှန်မှ မှော်ရဲ့ သဘောအရ အဲဒီမှော်ရဲ့ သဘောတရား ကိုလိုက်ပြီး ဖြစ်တန်ခြေကို ဆုံးဖြတ်ရတာမို့ပါ။
အခွံမဲ(အမဲကြော )ဆိုလည်း သူ့ရဲ့ချော် ၊ ယမ်း စသဖြင့် ကြည့်ပြီး သုံးသပ်ရပါတယ်။
မှော်သိပြီဆိုမှ ဆက်ပြီး ချော်စီး ချော်ကပ်လား၊ချော်ကြွေလား
ယမ်း ကြမ်းလား ၊ယမ်းခေါင်းကြီးလား ယမ်းညက်လား ယမ်းအသွားအလာ ဘယ်လိုလဲ
အဲဒါတွေကိုကြည့်သင့်ပါတယ်။
ယမ်းလုံးကြီးရင် ကျောက်သားကျဲနိုင်လို့ပါ မီးထိုးပေါက်နဲ့ အထိုင်ကိုကြည့်ရပါမယ်။ ပြီးရင်အနာပေါ့
မီးထိုးပေါက်မှာ သေချာကြည့်ရင် ကျောက်သားရဲ့ အဆင့်အတန်းကို ခွဲလို့ရပါတယ်။
အပဲ့မှာ မီးပေါက်အားကောင်းပါတယ်
ဒါပေမယ့် မီးပေါက်အားကို သာမန်ထက် လျော့တွက်ရပါမယ်။ အထိုင်က ရောင်းတန်းမှာ လှရင် ဈေးပိုရပါတယ်။လက်ကောက်မီတဲ့အထိုင်လိုမျိုးပေါ့။ ပြီးရင်အနာ အနာများတဲ့ကျောက်မျိုးကို ရှောင်ပါ။ဖြတ်သည်ဖြစ်စေ။ပြန်ရောင်းသည်ဖြစ်စေ အတော်လေး ဒုက္ခပေးတတ်ပါတယ်။
ဒီမှာ အဓိက ပြောချင်တဲ့တချက်က
သာမန် ရိုးရိုး ထိုးပေါက်လိုမျိုးမှာ လက်ကောက်မမိတဲ့ကျောက်မျိုး ကိုရှောင်ပါ။ ပန်းပုလက်ရာ လုပ်တတ်ရင်တော့ တစ်မျိုးပေါ့။ အလုံးသေးဝယ်မယ်ဆို ကျောက်သားဆန်းမှ (အသားတန်းမြင့်) ဝယ်ပါ။
ပုတီး အချပ်လိုင်း မှန်းလို့ရမှပေါ့။
#မဟုတ်ရင်မဝယ်သင့်ဘူး
#အရည်ကျောက်ဆိုတာကိုသေချာကြည့်ပါ။
ပန်းစက် တီစက်တွေနဲ့လား။
အရည်မန်းနဲ့လား။
အရည်ကြိုးနဲ့လား။။ ပန်းကြိုးလား
အရည်ကြိုးဆိုရင်လည်း အရည် စိလား၊ကျဲလား ရှင်းရည်လား။ကပ်ရည်လား သေချာလေး ကြည့်ပါ။ များသောအားဖြင့်အရည်ကျောက်ဆိုတာနဲ့ ဘာမှမမြင်နိူင်ကြတော့တာများတယ်ဗျ
ဒီလိုပဲ အကျွတ်ဆိုရင်လည်း ကျောက်သားဆင့်ကို သေချာကြည့်နိုင်ရပါမယ်
ကျောက်သားကြည်တယ်ဆိုပေမယ့်
အနာများနေလား၊အဖြူညှိတွေပါလား။အဖြူဆံတွေပါနေလား။စသဖြင့် ကျောက်သားသန့်စင်မှုကို သေချာလေးကြည့်နိူင်ရပါမယ် နောက်ဆုံးတချက်ကတော့ ကျောက်ဆီပါ ကျောက်ဆီပါမှ ဖြတ်လိုက်တောက်လိုက်တဲ့အခါ မှတ်တက်တာပါ။ ကျောက်ဆီမပါတဲ့ကျောက်က ဘယ်လောက် မှတ်တိုက်တိုက် ပြောင်မလာဘူး မှတ်တက်ခြင်း မတက်ခြင်းက ကျောက်ဆီအပေါ်မှာ အများကြီးမူတည်ပါတယ်။
#အခုပြောသွားတဲ့အချက်တွေက
အခုမှ ကျောက်ပညာကိုစပြီး လေ့လာသင်ယူနေပြီး အရောင်းအဝယ် လုပ်ခြင်နေသူတွေအတွက် အထောက်အကူဖြစ်စေချင်လို့ပါ..

24/12/2022

ကျောက်စိမ်းအကြောင်း သိကောင်းစရာ💚💚💚
===============================.. ကျောက်စိမ်း ဟာ
ကမ္ဘာပေါ် မှာ ၃ နေရာ ပဲ တွေ့ရပါတယ် ။
.. အမေရိကန် နိုင်ငံ က
တက္ကဆက်စ် ပြည်နယ် ၊
တရုတ် က ကွမ်ကျိုးပြည်နယ် ရယ် နဲ့
ကျွန်တော် တို့ မြန်မာ နိုင်ငံ က ကချင်ပြည်နယ် တို့မှာပါပဲ
(ကွမ်ကျိုး ဟာ မှားနေရင် ပြင်ပေးကြပါ)
မှတ်ချက် ။ ။ ခန္ဒီး ဒေသ အပါအဝင်။
ဒီ ၃ နေရာ မှာ ပဲ တူးဖော် တွေ့ရှိနိုင်ပါတယ် ။
.. ယနေ့ထိ ၊ ဒီ၃ နေရာ က လွဲ လို့
တခြား ဘယ်နေရာ မှာ မှ မတွေ့ရသေးပါဘူး ။
.. ဒီ၃နေရာ ထဲ မှာ မှ ၊
ကမ္ဘာ့အကောင်းဆုံး ကျောက်စိမ်း ကို
မြန်မာ နိုင်ငံ မှာပဲ တူးဖော် ရရှိနိုင်ပါတယ် ။
.. ဆိုလိုချင်တာ က
ကျန် ၂ နေရာ က ထွက်တဲ့ ကျောက်စိမ်းဟာ မဖြစ်စလောက် အနည်းအကျဉ်းသာ ဖြစ်ပြီး ၊ အရည်အသွေး ကြ တော့ လည်း မြန်မာနိုင်ငံ ကို မမှီပါဘူး ။
.. ဒါကြောင့်မို့လည်း
မြန်မာ့ကျောက်စိမ်း ဟာ ကမ္ဘာမှာ နာမည် ကျော်ကြား နေရတာပါ ။
.. ကျောက်စိမ်း ကို
ဘယ်နေရာ တွေ မှာ သုံးသလဲ ဆိုရင်….
ပုတီး၊လက်ကောက် ၊ဆွဲပြား ၊ ဘုရားဆင်းတု ၊ ပန်းပု ထုခြင်း ၊ ကျောက်စိမ်းပန်းချီ စသည်ဖြင့် သုံးခဲ့ကြပါတယ် ။
.. ယနေ့
တိုးတက်လာတဲ့ ခေတ်ကြီး မှာတော့
ပိုက်ဆံ တတ်နိုင်သူများ ဟာ
ကျောက်စိမ်းကို ပါကေးပြား အရွယ်
ထုတ်လုပ် ပြီးနေအိမ်တွေ မှာ
ပါကေးတွေ ခင်းလာပါတယ် ။
.. ( ချမ်းသာကြွယ်ဝ မှုပေါ့)
အိမ်တွေ မှာ မီးဆိုင်းတွေ ကို
ကျောက်စိမ်း တွေ နဲ့ထုတ်လုပ်လာတယ် ။
.. ကားတွေ ထဲ က ဖင်ထိုင်ခုံ အောက်မှာ ကျောက်စိမ်းလုံးလေး တွေ ကို အခင်းသဖွယ် ယက်ပြီး ခင်းကြတယ် ။
.. ကျောက်စိမ်း ရဲ့သဘောသဘာဝ က အအေးဓါတ်ရှိပါတယ် ။
.. ရေနံသူဌေး နိုင်ငံတွေ ဖြစ်တဲ့ ၊
အာရပ် တွေ ဆီ မှာ ဆိုရင် ကျောက်စိမ်းကုတင် ၊ ကျောက်စိမ်း ထိုင်ခုံ စသည်ဖြင့် သုံးစွဲ ကြပါတယ် ။
. ကျွန်တော် သိခဲ့ ရတဲ့ ယမ်း ( crystal ) အကြောင်းလေး ရေးပြပါမယ် ။
.. သာမန်
လမ်းဘေး က ကျောက်တုံး တစ်တုံး နဲ ့ ကျောက်စိမ်း တုံး(အရိုင်းတုံး)နဲ့၊
ဘယ်လို ခွဲ ခြား မလဲ ဆိုရင်…
ဒီ ယမ်း ပါမပါ ကို ကြည့်ပြီး ခွဲ နိုင်ပါတယ် ။
.. ကျောက်စိမ်းတုံး အရိုင်းတုံး တွေ ကို နေရောင်အောက် မှာ
အနီးကပ် ကြည့်လိုက်မယ် ဆိုရင် ၊
လက်လက် လက်လက် နဲ ့လက်နေတဲ့
အမှုန် လေး တွေ ကို မြင်ရပါမယ်
(ဟင်းချိုမှုံလို အဖတ်လေးများ)
.. အနီးစပ်ဆုံး ဥပမာ ပေးရရင် ၊
စာရွက် အဖြူ တစ်ရွက်ပေါ်မှာ ဘောပင် နဲ့အစက်ကလေးတွေ ချလိုက်သလို ပါ ။ အစက်လေးတွေ ပါ ။ လက်နေပါတယ် ။

.. မှောင်တဲ့ နေရာမှာဆိုရင်တော့ ကျောက်ကြည့် ဓါတ်မီး နဲ့ထိုးကြည့်ရင် မြင်ရမှာပါ ။

( ဒီနေရာ မှာ ပြောချင်တာ တစ်ခု က တော့ ၊ ရွှေတို့ငွေတို့အစရှိသဖြင့် အခြား သတ္တု များ ပါဝင်တဲ့ ကျောက်ရိုင်းတုံး မှာလည်း လက်လက် လက်လက် တောက်နေပေမယ့် ၊
ကျောက်စိမ်း နဲ့တော့ တခြား စီပါ ။
ရွှေ တို့ငွေ တို့မှာ လက်လက် လက်လက် က သူ့အရောင် အလိုက် တောက်ပါတယ် ။ )
.. အဲဒီ လက်လက် လက်လက် လေးတွေ ကို
ယမ်း လို့ခေါ်ပါတယ် ။
ကျောက်စိမ်းအရိုင်းတုံး ကို ယမ်းပါဝင်မှု ၊
ယင်း ပါရှိမှု ပုံစံ ကို ကြည့်ပြီး ကျောက်စိမ်းအရိုင်းတုံး ကို
အခုလို ခွဲခြား လို့ရပါတယ် ။
.. ယမ်းချောရင်
အတွင်းက ကျောက်စိမ်းသား ချောပါမယ် ။
( ဆိုလိုချင်တာ ယမ်း က မှုန်မှုန်လေး တွေ နဲ့စုနေတာပါ )
ယမ်းကြမ်း ရင် အတွင်းက အသားကြမ်းပါမယ် ။ ( လက်လက် လက်လက် ယမ်းတွေ ဟာ ကျဲနေတာပါ )
ယမ်းစိပ် ရင် ကျောက်သား တင်းပါမယ် ၊ ကျောက်သား ကောင်းပါမယ်
( လက်လက်လေးတွေ စုနေတာပေါ့ )

ယမ်းကျဲ ရင်တော့ ကျောက်သား မကောင်းပါဘူး ။ (ဒီလိုကျောက်မျိုး ကို ဝယ်ရောင်း မလုပ်သင့်ပါဘူး )
.. အဓိက ယမ်း (၃) မျိုး ရှိပါတယ်

ယမ်းလုံး ၊ ယမ်းရှည် နဲ့ယမ်းပြား ပါ
.. ယမ်းလုံး ဆိုတာ က
ကျောက်ရိုင်းတုံး ရဲ့အခွံ ၊ မျက်နှာပြင်မှာ လက်လက် လက်လက်လေး တွေ က ၊ သကြားပွင့် ဆားပွင့်လေးတွေ လို ဖြစ်နေတာပါ ။ အဲဒီ ကျောက်ဟာ အရည် ကောင်း ပါတယ် ။
.. ယမ်းရှည် ဆိုတာ က
ကျောက်ရဲ့မျက်နှာပြင် မှာ
အပ်ချောင်းလေးတွေ လို ၊
ဟင်းချိုမှုန်ရှည်ရှည်လေးတွေလို မြင်ရတာပါ ။ အဲဒါမျိုး တွေ ့ရရင်တော့ အဲဒီကျောက် ဟာ အသား ကောင်းပါတယ် ။
.. ယမ်းပြား ဆိုတာ ကတော့ လက်လက် လက်လက် လေးတွေ ဟာ အရမ်းကြီး အရွယ် ကြီးနေမယ် ။( ဆားပွင့် ၊ သကြားပွင့် အရွယ် ထက် ပိုမယ် ) ဒါဆိုရင် အရည်ရော အသားရော မကောင်းနိုင်ပါဘူး ။
.. ယမ်းပြား မှာ ကို ၃ မျိုး ထပ်ခွဲ နိုင်ပါတယ် ။

(၁)ယင်ထောင်ယမ်း

(၂)မာယားယမ်း

(၃)ခွေးရိုးထိုး ဆိုပြီး ပေါ့
.. ယင်ထောင်ယမ်း ဆိုတာ က
လက်လက် လက်လက် တောက်နေတဲ့ ယမ်းပေါ့ ။ ယင်ကောင် တစ်ကောင် အရွယ် ခန့်ရှိပါတယ် ။ သူပါရင် အရည်အသား မကောင်းဘူး ။ ဈေးအများကြီး မပေးသင့်ပါဘူး ။
.. မာယား ဆိုတာ က
ယင်ကောင် အရွယ်ထက် ပိုကြီးမယ် ။ ရှောင်ရပါမယ် ။
.. ခွေးရိုးထိုး ဆိုတာ က တော့
မာယား ထက် အရွယ်ပိုကြီးတယ် ။
သူ ့ကို တွေ့ရင် အဲဒီကျောက် ကို ရှောင်ရပါမယ် ။
.. ယမ်း ဆိုတဲ့ သဘာဝ ဟာ ၊
ကျောက်စိမ်း အရိုင်းတုံး ( မဖြတ်မှီ ) ရဲ ့အခွံ မှာ မြင်ရတဲ့ အတိုင်း ကျောက်သား အတွင်း မှာ ရှိတတ်ပါတယ် ။
.. ယမ်း ကို
ကျွမ်းကျင် ပိုင်နိုင် မယ် ဆိုရင် ၊
ကျောက် ကို မခွဲ မဖြတ် မှီ..
ပြင်ပ က ကြည့်ရုံ နဲ ့ပင် ၊
အထဲ က ကျောက်သား ကောင်းမကောင်း ဖောက်ထွင်း သိမြင် နိုင်မှာ ဖြစ်ပါတယ် ။
.. ကျောက်စိမ်းအရိုင်းတုံး
ဝယ်မယ်ဆိုလျှင်ကျောက်စိမ်း အခွံ အကြောင်း တွေ ကိုသိဖို့လိုအပ်ပါတယ် ။
.. ကျောက်စိမ်း အခွံ ဟာ
အဓိက အားဖြင့် ရေခွံ နဲ ့ကုန်းခွံ ဆိုပြီး (၂)မျိုး ရှိပါတယ် ။
.. အခွံ ရဲ ့အရောင်တွေ ပေါ်မှာ မူတည် ပြီး အသေးစိတ်ကို လည်း ရေးပါမယ် ။
.. ရေခွံ = ကျောက်စိမ်းထွက်ရှိရာ ဒေသရှိ ၊ မြစ်ချောင်း အင်းအိုင် များ မှ ထွက်ရှိတဲ့ ကျောက်ရဲ ့အခွံ ပါ ၊ များသောအားဖြင့် ရေခွံ ပါတဲ့ ကျောက်ဟာ အသားကောင်းပါတယ် ။ အရွယ်အစား အမျိုးမျိုး ရှိပါတယ် ။
ပြောင်ချော နေပါတယ် ။
.. ကုန်းခွံ = သူ ကတော့ တောင်တွေ ၊
မြေကြီးတွေ အောက် က တူးလို ့ရတဲ့ ကျောက်ရဲ ့အခွံ ပေါ့ ၊
(၁) မြေမှန် နဲ ့(၂)ကုဋေကျောက် ဆိုပြီး ကွဲပါတယ် ။

(၁) မြေမှန် = ကျောက်စိမ်း ထွက်ရာ ဒေသရှိ ကုန်းမြေ များမှ တူးဖော် ရရှိပါတယ် ။
အခွံ အမျိုးမျိုး ရှိပါတယ် ။

(၂) ကုဋေကျောက် = ကျောက်ရဲ ့အခွံ က
အခွံ မဲ ဖြစ်ပါတယ် ။ ချော်ကပ်နေတတ်ပါတယ် ။ ချော်ကပ်တယ် ဆိုတာ ၊ ကပ်တရာစေး ကပ်နေသလို ၊ အခွံပေါ်မှာ မဲမဲပြောင်ပြောင်လေး တွေ ပါတာ ကို ချော်ကပ် တယ် လို ့ခေါ်တာပါ ။ မော်ဝမ်းလေး ၊ မော်ဝမ်းကြီး ၊ မော်မောင်းကုန်း တို ့မှ အဓိက ထွက်ပါတယ် ။
.. အခွံ များ မှာ
.. သံချေးခွံ = သံထည် ပစ္စည်း များ သံချေး တက်နေတဲ့ ပုံသဏ္ဌာန် မျိုး ဖြစ်နေတာပါ ။
ဒီလို အခွံ ရှိရင် ကျောက် က မျိုးရင့်တတ်ပါတယ် ။ အခွံ ကို ဖြတ်ကြည့်ရင် အခွံ ၂ ထပ် ဖြစ်တတ် တယ်လို ့သိရပါတယ် ။
.. ဝါးဖတ်ခွံ = ဝါးဖတ် အရောင် အဆင်း နဲ ့တူပါတယ် ။ ကျောက်မျိုး ကောင်းတတ်ပါတယ် ။
.. သစ်တော်ခွံ (ခ) အာလူးခွံ = သစ်တော်သီး ခွံ အရောင် သို ့အာလူးသီး အခွံ အရောင်ပါ ၊ သူလည်း မျိုးကောင်းတတ်ပါတယ် ။
.. အင်္ဂတေခွံ = နာမည် အတိုင်း
အင်္ဂတေ အရောင် ရှိပါတယ် ။ ကျောက်သား ပျက်တတ်ပါတယ် ။ မျိုးမကောင်းတတ်ပါ ။
.. ဖွဲနုခွံ = စပါးခွံ ဖွဲ အရောင်မျိုး ဖြစ်ပါတယ် ၊ အခွံက နုပါတယ် ။ အခွံ ကို လက်ချောင်းထိပ်လေး တွေ နဲ ့ပွတ်ကြည့် ရင် နုပါတယ် ။
.. ( ဒီနေ ရာ မှာ ဝါးဖတ်ခွံ ၊
ဖွဲနုခွံ နဲ ့ဆက် လာမယ့် ဖွဲလတ်ခွံ ၊ ဖွဲကြမ်းခွံ ၊ မုံထုခွံ တို ့ရဲ ့အရောင်တွေ ဟာ ၊ စာထဲ မှာ အရ တူညီ နိုင်တာ ကို ဖတ်ရနိုင်ပါတယ် ။ ဒါပေမယ့် အပြင် မှာ တစ်ကယ်လက်တွေ ့ကျောက်ကို မျက်မြင် ကြည့်ရင် အခွံအရောင် မတူညီကြပါဘူး ၊ အခွံ ရဲ ့မျက်နှာပြင် ကို လက်ချောင်းလေး တွေ နဲ ့ပွတ်သပ် စမ်းကြည့်မှ ကွဲပြား သိနိုင်ပါတယ် )
.. ဖွဲလတ်ခွံ = စပါးခွံ ဖွဲ အရောင် ပါပဲ ။
အခွံ ကို စမ်းကြည့်ရင် အခွံ က ကြမ်းပါတယ် ။
.. ဖွဲကြမ်းခွံ = အခွံ အကြမ်းဆုံးပါ ။
.. ဒီ ဖွဲနု ၊ ဖွဲလတ် ၊ ဖွဲကြမ်း
သုံးမျိုး လို ့ပြောပေမယ့် ၊ အရောင် က အတူတူပါပဲ ၊ အခွံကို လက်ချောင်းလေးတွေ နဲ ့ပွတ်သပ် စမ်းမှ ကွဲသွားတာပါ ။ ဒီ ၃ မျိုး လုံး ဟာ မျိုးရင် ့ရင် ကျောက် အရည်ကောင်း အသားကောင်း ဖြစ်တတ်ပါတယ် ။ မျိုးနု လျှင်တော့ အသားမရ တတ်ပါ ။
.. ဖယောင်းခွံ = ဖယောင်းရည်
သုတ်ထားသလို ပြောင်ချောချော ဖြစ်ပါတယ် ။
.. မုံထုခွံ = သနပ်ခါး အရောင် ရှိပါတယ် ။ မျိုးကောင်းတတ်ပါတယ် ။
.. မုံထု ခွံကြွေ = လက်နဲ ့ကိုင်ကြည့် လိုက် ရင်
အခွံ အစအန လေး တွေ ပါလာမယ် ။ မျိုးကောင်းတတ်ပါတယ် ။
.. ခွံကြမ်း = ကိုင်ကြည့်ရင် အလွန်ကြမ်းတမ်းပါတယ် ။
.. ခွံထူ = အခွံ မှာ သိသိသာသာ ထူနေတတ်ပါတယ် ။ အရည်အသား ကောင်းမကောင်း နဲ ့တော့ မသက်ဆိုင်ပါ ။
.. ခွံကျစ် = အခွံ မှာ ကျစ်လစ် သိပ်သည်းလွန်းတတ်ပါတယ် ။ အသား ပျက်တတ်ပါတယ် ။
.. ခွံပျက် = ကျောက် တစ်တုံးထဲ ရဲ ့
တစ်နေရာ မှာ အခွံ တစ်မျိုး ၊ အခြား နေရာ မှာ အခွံ တစ်မျိုး ဖြစ်တာကို ခွံပျက် လို ့ခေါ်ပါတယ် ။ အသားပျက်တတ်ပါတယ် ။
.. ဒါကတော့
အခွံ များရဲ ့သဘော သဘာဝ အကြောင်းပါ ။
.. ရေမဆေး ကျောက် ဆိုတာ မျိုး ကို ဝယ်တော့မယ် ဆိုရင် ၊ သူ ့ရဲ ့အခွံလေး ကို နဲနဲပွတ်တိုက်ကြည့် ၊ ပွတ်သပ်ကြည့်ပြီး မှ သေချာ လေ့လာ ဝယ်ယူရပါတယ် ။

#ကျောက်စိမ်းတွင်ပါဝင်သောအပြစ်အနာများ

၁။ ရှင်းမည်း၊ ရှင်းနက် - အခွံပေါ်တွင်အမည်းစက်များရှိသည် ။ထိုအမည်းစက်များ
သည်အခွံ့ပေါ်ကအတိုင်း ကျောက်သားတွင်းတွင် တည်ရှိနေသည်။
ဖျက်အားကောင်းသည်။

၂။ ရှင်းစိမ်း - ချကြည့်လျှင်မည်းနေပြီး နေရောင်တွင် ကာဖျင်ဖြင့်ကြည့်လျှင်စိမ်း
နေသည်။ သိပ်မဆိုးသေးပါ

၃။ စိုက်ရှင်း - အခွံ့ပေါ်မှရှင်းမဲသည် ကျောက်သားတွင်းသို့စိုက်ဝင်နေသည်။
ဖျက်အားကောင်းသည်။

၄။ ကပ်ရှင်း - ကျောက်စိမ်းတုံး၏ အခွံ့ပေါ်မှာသာရှိသည်။ အတွင်းသို့မဝင်ပါ
သိပ်မဆိုးရိမ်ရ။

၅။ အက်ကြောင်း - အခွံ့ပေါ်တွင် ရှိသကဲ့သို့ ကျောက်သားအတွင်းသို့ဝင်နိုင်သည်
အရည်/ အသားကို ဖျက်သည်။

၆။ မြင်းမြှီးရိုက် - ကမ္ဘာ့မြေပုံကဲ့သို့ ကျောက်စိမ်းတစ်တုံးလုံး အနာများ ရှုပ်ယှက်ခတ်
နေသည်။ သတိထားရှောင်ရမည်။

၇။ ရှိုနာ - သဘာဝအတိုင်း အက်ကွဲနေသောအနာကြီးဖြစ်သည်။
သိပ်မဆိုးရိမ်ရပါ

၈။ ရို့နာ - ဖြတ်သားတွင် အပ်ချည်မျှင် အပိုင်းအစကဲ့သို့ အက်ရာအနာ အသေး
လေးများ ဖြစ်ပေါ်နေသည် ။ အရည် အသားကောင်းသော်လည်း သွေးလျှင်
အရောင်မတက်ပါ။

၉။ ယင်ထောင် - လချေးပြား ကပ်ထားသကဲ့သို့ အခွံ့ပေါ်တွင် ယမ်းပြားငယ်များ
ကပ်နေသည်။ အရည်/ အသားကို ဖျက်သည်

၁၀။ မာယား - ယင်ထောင်ထက်ကြီးသည်။ ပိုဆိုးသည်။

၁၁။ ခွေးရိုးထိုး - မာယားယမ်းထက်ကြီးသည်။ ပို၍ပို၍ ဆိုးသည်။

၁၂။ ဆန်ပြုတ်၊ ဆန်နှစ် - ကျောက်စိမ်းအသားထဲတွင် ဆန်ပြုတ်ဖက်၊
ဆန်နှစ်ဖက်များကဲ့သို့ အဖြူပွင့်များဖြစ်နေသည်။ အရည်/ အသားကို
ဖျက်သည်။

၁၃။ ဖြုတ်ချေး - အခွံ့နှင်အသားတွင် အမဲစက်များ ထင်ရှားစွားဖြစ်နေသည်
အဖျက်ဖြစ်သည်။

၁၄။ ဝက်မြှင် - ဝက်ကိုယ်ပေါ်မှ အမွှေး အမြှင်များ ကဲ့သို့ အက်ရာအနာများ
ဖြစ်သည်။ အဖျက်ဖြစ်သည်။

၁၅။ မှည့် - အသားထဲတွင် မှည့်ကဲ့သို့ အမဲစက်များ ဖြစ်ပေါ်နေသည်။
အရည်နေရာတွင်ရှိလျှင် အရည်မပွင့်ပါ။

၁၆။ ဖားမျက်စံ - ဖားမျက်စံကဲ့သို့ အလယ်မှာ အမဲစက် ဖြစ်ပေါ်နေသည်
အရည်/ အသားကို ဖျက်သည်။

သိထားသမျှလေးပြန်လည်မျှဝေပေးပါတယ်။
မူရင်းဆရာသမားများကို creditပေးပါတယ်။

ဒီပို့စ်လေးဖတ်ပြီး ဗဟုသုတ ရရှိနိုင်ပါစေလို့ဆန္ဒပြုရင်းနဲ့Accလေးကိုfollowထားကြပါနော်
crd

Address

Bahan
Yangon
11201

Telephone

+959767636384

Website

facebook.com

Alerts

Be the first to know and let us send you an email when Burma Jade လုံးစွတ်ရောင်းဝယ်ရေး posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Burma Jade လုံးစွတ်ရောင်းဝယ်ရေး:

Burma Jade လုံးစွတ်ရောင်းဝယ်ရေး