12/06/2026
မြင်တွေ့ရဖို့တောင် ခက်ခဲတဲ့ ကမ္ဘာ့အရှားပါးဆုံး "စိန်" များ….
“စိန်” လို့ပြောလိုက်တာနဲ့ အဖြူရောင် (သို့) အကြည်ရောင် စိန်တုံးတွေကိုသာလျှင် ကျွန်တော်တို့မြင်မိပါလိမ့်မယ်။ သို့သော်လည်း ကျွန်တော်တို့မြင်တွေ့ဖို့ ခက်ခဲလှတဲ့ ကမ္ဘာ့အရှားပါးဆုံး “စိန်” တွေမှာတော့ အရောင်အမျိုးအစားများစွာ ကွဲပြားလျက်ရှိပါတယ်။
ကမ္ဘာပေါ်ရှိ တန်ဖိုးအကြီးဆုံး အဖိုးတန်ဆုံး ရှားပါးစိန်များသည် သဘာဝအတိုင်းဖြစ်ပေါ်လျက်ရှိပြီး စိန်တစ်လုံးဖြစ်ပေါ်ရန်အတွက် နှစ်ပေါင်း (၃) ဘီလီယံ အထိ အချိန်ယူရနိုင်ပါတယ်။ အရောင်အသွေးမျိုးစုံရှိသော်လည်း “အနီရောင်စိန်” ကတော့ အရှားပါးဆုံးဖြစ်ပါတယ်။ လိမ္မော်နီရောင်ခပ်ဖျော့ဖျော့မှ အနီရောင်အထိရှိပါတယ်။
ရှားပါး “စိန်” များတွင် ပန်းရောင်မှ အနက်ရောင်အထိ အရောင်အမျိုးမျိုးရှိပြီး အဝါရောင်၊ အညိုရောင်နှင့် အနက်ရောင်စိန်များသည် စိန်များအားလုံးထဲတွင် ရှာဖွေရအလွယ်ကူဆုံးဖြစ်ပါတယ်။
ဒုတိယအရှားဆုံးစိန်ကတော့ “အပြာရောင်စိန်” တွေဖြစ်ပြီး ကမ္ဘာပေါ်တွင် တူးဖော်ရရှိသော စိန်များအားလုံး၏ ၁ ရာခိုင်နှုန်းမျှသာ ပါဝင်ပါတယ်။ အပြာဖျော့ဖျော့ မှ အပြာရောင်အရင့်ထိ အရောင်ကွဲပြားမှုများရှိပြီး ၄၅.၅၂ ကာရက်ရှိသော Hope Diamond သည် ကမ္ဘာအရှားပါးဆုံးစိန်များထဲတွင် ပါဝင်သော “အပြာရောင်စိန်” တစ်မျိုးပဲဖြစ်ပါတယ်။
“ပန်းရောင်စိန်” တွေကိုတော့ အရောင်အရင့်ထပ် ပန်းရောင်ဖျော့ဖျော့ စိန်များကို ပိုမိုလွယ်ကူစွာ ရှာဖွေတွေ့ရှိနိုင်တာပဲဖြစ်ပါတယ်။ အမျိုးသမီးများကြား ရေပန်းစားပြီး အကြိုက်များတဲ့ “စိန်” အမျိုးအစားလည်း ဖြစ်ပါတယ်။
ဒီနေ့ဖော်ပြပေးခဲ့တာကတော့ မြင်တွေ့ရဖို့တောင် ခက်ခဲတဲ့ ကမ္ဘာ့အရှားပါးဆုံး "စိန်" များအကြောင်းပဲဖြစ်ပါတယ်။ လူကြီးမင်းတို့လည်း ဖတ်ရှုပြီး ဗဟုသုတရရှိနိုင်မယ်လို့ မျှော်လင့်ပါတယ်။
#မင်းကြီးရွှေ
