26/10/2025
ရွှေဝယ်သူ ၃ မျိုးရှိပါတယ်
( ၁ ) ရွှေစုဆောင်းသူ
( ၂ ) အကျိုးအမြတ် လိုချင်သူ
( ၃ ) အလှဝတ်ဆင်သူ
( ၁ ) ရွှေ စုဆောင်းသူ ................
ရွှေစုဆောင်းသူဆိုတာ ချမ်းသာသူများသာဖြစ်ပြီး စီးပွားရေးလုပ်ငန်းများစွာက ငွေတွေကို အရင်းအနှီးသာချန်ပြီး Investment အဖြစ်သိုလှောင်ဖို့ ဝယ်ယူကြပါတယ် ။
လုပ်ငန်းကြီးသူဌေးတွေက World ထဲက ဝယ်ယူပြီး လုပ်ငန်းအသေးသူဌေးတွေက ပြည်တွင်းမှာသာ စုဆောင်းကြပါတယ် ။
( ထိုဝယ်ယူသူတွေက ပြန်ရောင်းမည့်လူတွေမဟုတ်လို့ ဈေးနှုန်းပေါ်မှာ ခံစားချက် မရှိပါ ) ။
( ၂ ) အကျိုးအမြတ် လိုချင်သူ ........
အကျိုးအမြတ်ရချင်တဲ့ ရွှေဝယ်သူတွေကတော့ စီးပွားရေးဈေးကွက် တခုအဖြစ်နဲ့သာ ရှုမြင်ပြီး ဈေးကျရင် ဝယ်မယ် ၊ ဈေးတက်ရင် ရောင်းမယ်
ငွေကို အသေမထားသလို ရွှေကိုလည်း အသေမထားကြပါဘူး ။
( သူတို့တွေကတော့ လှော်တာတွေ ၊ ကျော်တာ ခွတာတွေ မျိုးစုံလုပ်တတ်ကြပြီး ပေါက်ကွဲလွယ် ခံစားချက် ရှိတတ်ကြပါတယ် ၊ ဘက်မတူရင်လဲ ရန်မူတတ်ကြသော်လည်း လူတိုင်းတော့ မဟုတ်ပါဘူး ) ။
( ၃ ) အလှဝတ်ဆင်သူ ...........
သူတို့တွေကတော့ အထည်သီးသန့် ဝယ်ယူသူတွေပါ ။
ဘယ်နေရာကို ဘယ်အဆင်လေး ဝတ်သွားမယ် ၊ ဘယ်ပွဲကို ဘယ်အဆင်လေးနဲ့မှ ပိုလှမယ်ဆိုတဲ့ ရွှေကြိုက်ခင်တို့ရဲ့ အကြွားတလိုင်းအတွက် အလဲအဖယ်နဲ့ ဝယ်ယူ ဝတ်ဆင်သူတွေပါ ။
( သူတို့ကတော့ ဝယ်ချိန်မှာ ဘာမှ ထည့်မစဉ်းစားတတ်ကြပေမယ့် ငွေလိုလို့ ပြန်ရောင်းချိန်မှာတော့ အရင်းပြန်မရလို့ မျက်နှာငယ်ရသူတွေပါ ) ။
( ၄ ) ဒီအဖွဲ့ကတော့ ဝယ်စရာလဲ မရှိသလို ရောင်းစရာလဲ မရှိကြသူတွေပါ
ဈေးအတက် အကျမှာလည်း ရင်ခုန်တတ်သလို ဟယ်... တက်ပြန်ပြီလား ဟယ်.... ကျသွားပြီဟေ့ !
ဘာရယ်မဟုတ်ဘူး လူရှိန်တာပေါ့
