05/08/2025
Сүүлийн үеийн хүмүүсийн үнэн төрх...
Худалч, хоосон яригч хүнд дэндүү дуртай болж.
Ядуу хэрнээ ядуу сэтгэлгээтэй, бэлэнчлэх сэтгэлгээндээ боогдчихсон.
Би Хятадыг 2008 оноос хойш өөрийн хэмжээнд судалж, очиж үзсээр ирсэн. Хятад бол өнөөдөр үнэхээр аймшигтай хурдацтай хөгжсөн. 2012 он хүртэл томоохон хотуудын гудамжаар дугуй, хүн тэрэг их явдаг байлаа. Харин сүүлийн 5 жилд тэс өөр болсон. Нүдэн дээр минь зах зээл, нийгэм, хүмүүсийн хандлага нь өдөр өдрөөр соёлжиж, дэвжиж байгааг би харсаар явна.
Харин бидний Монголд "хөгжиж байна" гэдэг нэрийн дор хүн болгон наймаачин болсон.
Үйлдвэрлэл нэртэй зүйл нь зүгээр л Хятадаас савласан бүтээгдэхүүнд монгол шошго нааж, "гараар хийсэн" гээд зардаг болчихсон. Үнэхээр сэтгэл өвддөг.
Би Хятадаас бараа танилцуулахдаа Монголд үйлдвэрлэл явуулах боломжтой, үндэсний баялаг бүтээхэд чиглэсэн түүхий эд, тоног төхөөрөмж, санааг л хүмүүст түгээхийг зорьдог. Хямд, бэлэн бараа биш!
Гэхдээ энэ үнэн, бодит мэдээлэл хэнд ч хэрэггүй бололтой.
Сургалт нэртэй наймаачдад итгэдэг, үнэхээр үйлдвэртэй холбоо барьж өгөх чадамжгүй хүмүүс "мэргэжилтэн" болж тоглодог. Харин сэтгэлгээний ядууралд автсан хүмүүс л тэдний хохирогч болж, мөнгөө луйварчдад өгсөөр...
Өнөөдөр цахим ертөнцөд үнэгүй мэдээллүүд байж л байдаг. Хүсвэл сурах боломж бол бий. Гэтэл судлах биш, шууд хэн нэгэнд мөнгөө өгөөд "сурчихъя" гэж бодох — энэ бол бэлэнчлэх, өөрийн хөдөлмөрөө үнэгүйдүүлсэн сэтгэлгээ.
Шүүгээ ч зөв онгойлгож сураагүй байж, үйлдвэр байгуулах тухай ярина.
Хогоо зөв хаяж сураагүй байж, нийгэм шүүмжилнэ.
Өөрийгөө хайрлаж чадахгүй байж, эх орон ярьдаг.
Хувийн хаус, машин мөрөөддөг ч, улс орныхоо хөгжилд нэг алхам ч хийдэггүй...
Ийм хандлага, ийм ухамсар, ийм аминчхан сэтгэлгээтэй байсаар байвал монгол хүн хөгжихгүй.
#5872үйллвэрийнЗахиалга
#ГашуунҮнэн
