24/09/2025
پاکستان میں سونے کی تاریخی قیمتوں کا سفر (1947 – 2025)
1947 میں جب پاکستان معرضِ وجود میں آیا تو ایک تولہ سونے کی قیمت صرف 57 روپے تھی۔ اس کے بعد رفتہ رفتہ یہ پیلی دھات قیمتی سے قیمتی تر ہوتی چلی گئی اور 2025 میں اس کی مالیت لاکھوں روپے فی تولہ تک پہنچ گئی۔ ذیل میں سال بہ سال قیمتوں کا خلاصہ درج ہے:
1952 میں قیمت بڑھ کر 87 روپے، 1953 میں 91 روپے، اور 1954 میں 97 روپے تک جا پہنچی۔
1955 سے 1959 کے دوران سونے کی قیمت 103 سے 133 روپے فی تولہ تک پہنچی۔
1960 کی دہائی میں اتار چڑھاؤ رہا، کبھی 123 روپے (1965) تو کبھی 176 روپے (1969) فی تولہ۔
1970 کے عشرے میں سونے کی پرواز تیز رہی؛ 1972 میں 246 روپے، 1973 میں 432 روپے، اور 1974 میں 562 روپے فی تولہ۔ پھر 1980 میں یہ چھلانگ لگا کر 2,250 روپے تک جا پہنچا۔
1980 کی دہائی میں قیمتیں عموماً 1,600 سے 3,400 روپے کے درمیان رہیں۔
1990 کے عشرے میں سونا مسلسل اوپر جاتا رہا اور 1999 تک یہ 6,100 روپے فی تولہ تک پہنچ گیا۔
2000 کے بعد نئی بلندیوں کا آغاز ہوا۔ 2005 میں 10,600 روپے، 2008 میں 23,500 روپے، اور 2011 میں پہلی بار 54,700 روپے کی حد عبور کی۔
2012 سے 2019 تک قیمتوں میں اتار چڑھاؤ رہا مگر عمومی رجحان بڑھتا ہوا رہا، اور 2019 میں سونا 70,700 روپے فی تولہ کا ہوگیا۔
2020 میں ریکارڈ اضافہ ہوا اور قیمت 1,13,700 روپے تک جا پہنچی۔ 2021 اور 2022 میں یہ 125,900 – 127,000 روپے کے قریب رہا۔
2023 میں قیمت اچانک بڑھ کر 2,06,500 روپے فی تولہ ہوگئی، پھر 2024 میں مزید اوپر چڑھتے ہوئے 2,52,500 روپے فی تولہ تک جا پہنچی۔
2025 میں سونے کی رفتار مزید تیز رہی:
فروری 2025 میں 3,08,000 روپے،
اپریل میں 3,71,000 روپے،
اور ستمبر 2025 میں قیمت بڑھتے بڑھتے 3,92,000 روپے فی تولہ تک پہنچ گئی۔
