Glorious Gems

07/12/2025

🍀🍀🍀ကျောက်မျက်အကြောင်း အရှည်ကြီးမဖတ်ချင်တဲ့သူတွေအတွက် အတိုအထွာလေးတွေ စဉ်းစားမိသလောက် ရေးပေးလိုက်ပါတယ်
အသုံးဝင်မယ်လို့ မျှော်လင့်ပါတယ် 🍀🍀🍀

✨ မိုးညှင်းနီလာ (Kyanite) ဟာ နီလာ မဟုတ်ပါ ဂုဏ်သတ္တိတွေ မတူညီသလို စျေးနှုန်းလဲ အများကြီးကွာပါတယ်

✨ မိုးကုတ်မြ (Diopside) ဟာလဲ မိုးကုတ်ကထွက်သောမြ မဟုတ်ပါ
မြ (Emerald) မဟုတ်သလို အများစုဟာ ပြည်ပမှ တင်သွင်းလာသောကျောက်များဖြစ်ပါတယ်

✨ ဥဿ ဖရားဆိုတာ စာထဲမှာ Topaz ဖြစ်ပြီး အပြင်မှာပြောနေကြတဲ့ ဥဿ ဖရားဆိုတာ yellow sapphire သို့မဟုတ် white sapphire ကို ရည်ညွန်းလေ့ရှိကြပါတယ် ဒါကြောင့် မြန်မာလို ဥဿဖရားလို့ပြောရင် English name ကို ပြန်မေးလိုက်တာက အကောင်းဆုံးပါ

✨ သူယောင်ဆိုတာ တကယ်တော့ Scapolite ကိုခေါ်တာဖြစ်ပြီး သူယောင်လို့ စျေးကွက်ထဲမှာ လူသိများတာက Rose Quartz (ပန်းရောင်သလင်း) ဖြစ်ပါတယ်
Scapolite ကို မျောနီ လို့လည်းခေါ်ပါတယ်
(ဒါဆို ယောက်ကျားချစ်တာ ဘယ်ကျောက်လဲ မေးရင် မသိပါဘူး 😬)

✨ ပြောင်ခေါင်းစိမ်းဆိုတာ မိုးကုတ်မြို့အနီး ပြောင်ခေါင်းရွာကနေ ထွက်ရှိရာက အစွဲပြုပြီး ခေါ်လာကြတဲ့ နာမည်ပါ သို့သော် အရွယ်သေးတဲ့ peridot တွေက အခြားနိုင်ငံကလဲ ထွက်ပါတယ်

✨ ခရမ်းဆွဲဟာ ဒေသစွဲထားစရာမလိုတဲ့ ကျောက်ဖြစ်ပါတယ် ဆိုလိုတာ ထွက်ရှိရာဒေသ အရေးမကြီးပါဘူး

✨ ကျောက်မျက်တိုင်းဟာ မိုးကုတ်မှ အကောင်းဆုံးဆိုတာ မဟုတ်ပါဘူး ပတ္တမြား နီလာ အရွယ်ကြီးမားတဲ့ ပြောင်ခေါင်းစိမ်းတွေကလွဲရင် အခြားနိုင်ငံကထွက်ပြီး ပိုလှတဲ့ကျောက်တွေ များစွာရှိပါတယ်

✨ အရောင်လေးကြိုက်လို့ ဝတ်ချင်တာဆို ကြိုက်တဲ့ကျောက်သာဝယ်ပါ
မဝတ်ချင်ဘူး စုထားချင်တာဆိုရင်တော့
Blue topaz အစား Aquamarine (မြပြာ/စလင်းစိမ်း)
Citrine (စလင်းဝါ) အစား Danburite (ရွေတွင်းဝါ) Yellow Sapphire (နီလာဝါ) တို့ကိုသာဝယ်ပါ

✨ ပတ္တမြားဟာ နီရဲပြီး စင်သန့်လွန်းနေရင် Too good to be true ဆိုတာကို သတိရပါ

✨ ဖန်နဲ့ တွင်းထွက်ကို အလွယ်ကူဆုံးခွဲခြားဖို့ ပါးမှာကပ်ကြည့်ပါ တွင်းထွက်ကျောက်ဟာ အေးနေပြီး ဖန်ကတော့ မအေးပဲနွေးနေတတ်ပါတယ်

✨ ပုလဲအတုနဲ့ အစစ်ကို အလွယ်ကူဆုံးခွဲခြားဖို့ အရှေ့သွားရဲ့ မျက်နှာပြင်ပေါ်မှာ ပုလဲကိုပွတ်ကြည့်ပါ ဂျစ်ဂျစ်နဲ့ gritty ခပ်ကြမ်းကြမ်းလေးဖြစ်နေရင် အစစ် ချောနေရင် အတုလို့ အကြမ်းအားဖြင့် သတ်မှတ်နိုင်ပါတယ်

✨ သဘာဝ ခရမ်းဆွဲတွေဟာ ကြွေသားအဖြူရောင် ခွက်တစ်ခုခုထဲမှာ ရေထည့်ပြီး ကျောက်ကို မှောက်ပြီး ရေစိမ်ကြည့်ရင် အရည် (ကာလာ) လေးတွေ ချွန်းမှာလာစုပြီး ဘေးဘက်မှာ သိသိသာသာဖြူသွားတတ်ပါတယ်

✨ များသောအားဖြင့် သဘာဝခရမ်းဆွဲတွေဟာ ချွန်းထူမှ အရည်လှ အရည်ပြည့်တတ်ပြီး ချွန်းပါးပြီး အရည်ပြည့်နေရင် ချက်ကျောက်ဖြစ်နိုင်ပါတယ်

✨ ပယင်းအတုအစစ်ခွဲဖို့ ရေခွက်ထဲမှာဆားထည့်ဖျော်ပါ နောက်ထပ်ဆားထပ်မပျော်ဝင်တော့တဲ့ ပြည့်ဝဆားဖျော်ရည် (saturated) ဖြစ်ပြီဆို အဲ့ရေထဲ ပယင်းကို စိမ်ကြည့်ပါ ရေပေါ်ပေါ်ရင် အစစ် မပေါ်ရင် အတုပါ

✨ စိန်အစစ်နဲ့ ရုရှားစိန်ကိုခွဲခြားဖို့ သတင်းစာ ဂျာနယ်ပေါ်က စာလုံးတွေပေါ်မှာ စိန်ကို မှောက်ပြီးတင်လိုက်ပါ အောက်ကစာကိုမြင်ရရင် အတု မမြင်ရဘူးဆို အစစ် ဖြစ်ပါတယ်

✨ စိန်နဲ့ Moissanite ကိုအလွယ်ကူဆုံးခွဲခြားဖို့ဆိုရင်တော့ 10X lens လိုပါမယ်
10X lens နဲ့ မျက်နှာပြင်ဘက်ကနေ ကြည့်မယ်ဆိုရင် ချွန်းဘက်မှာ မျဉ်းနှစ်ကြောင်းထပ်နေတာကို မြင်ရမယ်ဆိုရင် Moissanite ပါ

✨ ဒီနည်းတွေဟာ ကိရိယာလွတ် အလွယ်စမ်းသပ်နည်းတွေဖြစ်တာကြောင့် ဓါတ်ခွဲခန်းက အဖြေလောက် မမှန်ကန်နိုင်ပါဘူး
အကောင်းဆုံးကတော့ ပညာရှင်တွေဆီမှာ စစ်ဆေးပါ

✨ ကိုရီးယားစိန်လို့ ပြောရင် စိန်အတုပါ

✨ ပြင်သစ်ကျောက်လို့ပြောရင် ကျောက်အတုပါ

✨ 18 K ဆိုတာ ရွေ 75% ပါဝင်သော 12 ပဲရည် ဖြစ်ပါတယ်

✨ နေ့စဉ်ဝတ်ဆင်ဖို့အတွက်ဆိုရင် မာဆင့် 7 နှင့်အထက်ရှိသော တွင်းထွက်မှသာ ပိုသင့်တော်ပါတယ်

✨ နဝရတ်ကိုးပါးထဲမှာ ပါတဲ့ကျောက်တွေက ပတ္တမြား မြ စိန် ကြောင် နီလာ ဂေါ်မိတ် ဥဿ ဖရား သန္တာ ပုလဲ တို့ပဲဖြစ်ပါတယ်
(ဒီထဲမှာ ကျန်တဲ့ကျောက်တွေက ကြားဖူးနားဝ ရှိကြတာများပြီး ကြောင်က ဘာလဲလို့ မေးတတ်ကြပါတယ် ကြောင်က Chrysoberyl Cat’s eye ပါ)

✨ မိုးကုတ်မှာ နဝရတ်ကိုးပါးကို ဗူးစီထားတာလေးတွေဝယ်ရင် စိန်နေရာမှာ white sapphire ကြောင်နေရာမှာ moonstone ထည့်ထားလေ့ရှိပါတယ်
စျေးနွုန်းအားဖြင့်လဲ ပတ္တမြားတန်ဖိုးကိုသာ ယူလေ့ရှိကြပါတယ် (အားလုံးကိုမဆိုလိုပါ)

✨ most of the gemstones are minerals, but pearl, amber, coral and jet are organic gemstones.

✨ မီးဖုတ်ပြုပြင်တယ်ဆိုတာ ကာလာပိုလှအောင်သော်လည်းကောင်း ဂေါ်နည်းသွားအောင်သော်လည်းကောင်း ပြုပြင်ထားတာပါ ချက်ကျောက်လို အတုမဟုတ်ပါ။

04/16/2025

Heated ပတ္တမြား grade များ ခွဲခြားသတ်မှတ်ခြင်း နှင့် ၎င်း တို့၏ ဂုဏ်သတ္တိများ။
စျေးကွက်အတွင်းတွင် H အဆင့် တခုတည်းသာ ရောင်းတန်းဝင် မီးထိ ပတ္တမြား အဖြစ် လက်ခံ ကြသည်ကိုလည်း သတိပြုရန် လိုအပ်ပါကြောင်း။

https://www.facebook.com/share/p/1Bi5NicdXu/?mibextid=wwXIfr

03/27/2025

https://www.facebook.com/share/18pP6vfQ9h/?mibextid=wwXIfr

Gem organizations are calling for action to prevent further entrance into the market of irradiated rubies and sapphires with unstable color.

02/20/2025

https://www.facebook.com/share/p/1YVawRURaH/?mibextid=wwXIfr

05/28/2024

Christie’s auction
8.1 ct Burmese natural ruby
Closing bid- 5 mil USD

04/29/2024

အပြာရောင်အဆင်းရှိသော ကျောက်မျက်တို့၏ သရဖူဆောင်း ကျောက်မျက် သို့မဟုတ် အညံ့အပြာ။

Electric blue spinels.

Vietnam, is a country in the eastern mainland in Southeast Asia on the edge of the peninsula known as Indochina. It has mountainous terrain, long coastline, forests, wetlands and has some of the most electric blue spinels.

After red, blue spinels are the most valuable. The vivid blue spinels are characterised by a high concentration of cobalt. There are two major spinel deposits in Vietnam, Luc Yen and Quy Chau, which were discovered at the end of the 1980s. The Luc Yen deposits have mostly been mined since the 1990s. Geologically, marble appears to have been related to the spinels in Vietnam. Blue spinel is found in a layer of marble more than 500 meters thick. The mining sites are mined by a handful of locals, and are extracted using hand tools.

01/28/2024

CVD လူလုပ်စိန် အကြောင်းကို ယခင်နှစ် June လ တုန်းက တခါ သတိပေးဖူးပါတယ်။ ယနေ့ ပြည်တွင်းမှာ ဖြစ်လာမယ့် ပြဿနာတွေကို ကြိုမြင် နေလို့ပါ။
ထင်တဲ့ အတိုင်းပဲ ပြဿနာ ရှုပ်ရှုပ်ထွေးထွေးတွေ ဖြစ်ပေါ်လာပြီး အချိန် အတိုင်းအတာ တခု ထိ ဆက်လက် အချင်းများဖွယ်ရှိပါတယ်။

အဖြေကတော့ရှင်းပါတယ်။ ယခင်နှစ်က ရေးခဲ့သလိုပါပဲ။ အစဉ်အလာ မရှိတဲ့ covid နဲ့ အတူ မွေးဖွားလာပြီး online sales နဲ့ ကြီးပြင်း/ ကြီးပွါးလာတဲ့ ပေါ်ပင် ဆိုင်များမှာ ဒီလို ပြဿနာတွေ အရင်းခံ ဖို့ရာ ရှိပါတယ်။ ethic နဲ့ integrity မရှိရာကပဲ ဒီလို ပြဿနာ ဖြစ်တယ်လို့ပြောရမှာပါ။

CVD market ဟာ တကမ္ဘာလုံးမှာ ထိုးဖောက်လာတာမို့ ဒါဟာ consumer တွေ အတွက် ရွေးချယ်စရာ option တခု တိုးလာတာပဲရှိတာပါ။ ဒါဟာ သဘာဝ earth mined diamond market ကို အထိုက်အလျောက်သက်ရောက်မှုရှိပေမယ့် ဆိုးရွားလှတဲ့ အခြေအနေ မဟုတ်ပါဘူး။ Consumer များအနေနဲ့ မိမိတို့ ရွေးချယ်မှု အရပဲ man made စိန်၊ သို့မဟုတ် သဘာဝ တွင်းထွက်စိန်ကို ရွေးချယ်ပိုင်ခွင့်ရှိပါတယ်။

CVD production သည်လည်း CVD ကို သဘာဝ ပါလို့ လှည့်ဖျားပြီး ထုတ်လုပ်တာမဟုတ်သလို အချို့ ထုတ်လုပ်သူများဆိုရင် cvd ဖြစ်ကြောင်းကို laser inscription ထိုးပြီးတော့ကို ထုတ်လုပ်ပါတယ်။ သမာသမတ်ရှိတဲ့၊ consumer protection law enforcement အပြည့်အဝရှိတဲ့ နိုင်ငံများမှာ retail ရောင်းချ သူများကလဲ cvd ကို ရိုးသားစွာပဲ အမှန်အတိုင်းပြောပြီး ရောင်းချပါတယ်၊ (သဘာဝ ပတ်ဝန်းကျင် မပျက်စီးကြောင်း၊ စျေး သက်သာမှု၊ အရည်အသွေး အရောင် လှပမှု)အစရှိသဖြင့် အားသာချက်များကို ပြောပြီး ရောင်းချဖို့သာ ရှိတာပါ။

CVD market နေရာရလာခြင်း ဟာ သဘာဝ စိန်များကို ဆင်မြန်းသူ long term investment အတွက် စုဆောင်းသူတို့ အဖို့ စိုးရိမ်ဖွယ်ရာမရှိပါ။ ကျောက်မျက်ရဲ့ ဂုဏ်သတ္တိဟာ ရှားပါးဂုဏ် (rarity) ဖြစ်ပါတယ်။ သဘာဝ စိန် ထုတ်လုပ်မှု ဟာ အကန့်အသတ် limitations ရှိသလို အထိန်းအကွပ် control လဲ ရှိပါတယ်။ သဘာဝစိန် တူးဖော်ထုတ်လုပ်သူ စိန် company ကြီးများကလည်း နှစ်ရှည် ကာလရှည် မဟာဗျူဟာများနဲ့ စိန်လောကကို ကျားကန်ပေးထားပါတယ်။

တဖက်မှာတော့ cvd ဟာ ကိုကိုတို့ စတင် ကြားဖူးချိန် စမ်းသပ်ဆဲကာလများကဆိုရင် သဘာဝစိန်ထက်ကို တန်ဖိုးကြီးမားရာကနေ အခု နှစ် အတော်အတန် အကြာ cvd စီးပွါးဖြစ် ထုတ်လုပ်နိုင်လာတဲ့အချိန်မှာ သဘာဝစိန်ရဲ့ ၁၀ ပုံ တပုံ စျေးအောက်ကို ရောက်ရှိလာပါပြီ၊ အိမ်နီးချင်း နိုင်ငံကြီးများရဲ့ နည်းပညာ မြင့်မားလာမှု၊ ထုတ်လုပ်မှု စားရိတ် သက်သာမှု၊ competitive mass production ဖြစ်တာကြောင့် ထုတ်လုပ်ရာမှာ ထိန်းချုပ်မှု မရှိနိုင်တာတို့ကြောင့် CVD စိန်များရဲ့ စျေးနှုန်းဟာ များမကြာမီ အတွင်း အပြိုင်အဆိုင်ကို ဒီထက် သက်သာ ဒီထက် ပေါများလာမှာဖြစ်ပြီး နောင်တချိန်မှာတော့ ဒီ CVD synthetic စိန်သည် cz များလို၊ moissanite များလိုပဲ resale value မရှိသလောက်နဲပါး သော အလှသုံး လူလုပ်ကျောက်မျက် များနေရာ ကို ရောက်ရှိသွားမှာပဲဖြစ်ပါတယ်။

ထို့အတွက်ကြောင့် စိန်ကို ရတနာတပါး အဖြစ် စုဆောင်းဝယ်ယူသူများ အနေနဲ့ CVD ကြောင့် panic မဖြစ်ပဲ သမာသမတ်ရှိတဲ့ စျေးနှုန်းမှန်ကန်တဲ့ တာဝန်ယူမှု တာဝန်ခံမှု အပြည့်အဝရှိတဲ့ သဘာဝစိန် supplier / retailer များဆီကနေ ဆက်လက် အားပေးရင်း ဂုဏ်ကျက်သရေ ဆက်လက်တိုးပွါးကြပါစေ လို့ ဆုမွန်ကောင်းတောင်းအပ်ပါသည်။

မေတ္တာဖြင့်

ကိုကိုမျိုး

ယခင်နှစ် CVD အသိပေး post ဖတ်ရန်

https://www.facebook.com/721556373/posts/10159812610291374/?d=n

01/21/2024

ကိုယ့် သူငယ်ချင်း မိတ်ဆွေ အပေါင်း အသင်းများရော၊ Glorious Gems ရဲ့ followers များရော မိမိတို့ရဲ့ အိမ်သူသက်ထား၊ ချစ်သူ ဇနီး များကို ပဲ ရတနာ တွေ ဆင်မြန်းပေးနေရတာ ပင်ပန်းလာပြီ ဆိုရင် အခုတခါ ပြန်ပြီး ပူဆာ နိုင်ဖို့ အတွက် new idea လေးပါ၊ တချို့သော ချစ်မမ ၊ ချစ်နှမ လေးများလဲ မိမိတို့ရဲ့ ချစ်သူ ကိုကို မောင်လေးများကို အလန်းဇယား နဲ့ bling bling ဖြစ်စေချင်တယ် ဆိုရင်လဲ တာဝန် ယူပေးပါရစေ။
High end အနေနဲ့ မိုးကုတ် သဘာဝ sapphire ရောင်စုံ၊ spinel ရောင်စုံ များကို အသုံးပြုပြီး လုပ်လို့ရသလို ၊ အခြား ပြည်တွင်းနဲ့ ပြည်ပ နိုင်ငံထွက် သဘာဝ ဖရဲအူ၊tourmaline နှင့် အခြားကျောက်မျက်များကို အသုံးပြုပြီးတော့လဲ စျေးနှုန်း သင့်တင့်စွာ ပြုလုပ်ပေးလို့ ရနိုင်ပါကြောင်း သတင်းကောင်းပါးလိုက်ပါတယ်။
Photo credit: Homme Oro

01/02/2024

2024 မှာ မြ အပွင့်ကောင်း၊ ပွင့်ကောက်တွေ စုကြပါစို့။

12/27/2023

2023 auction လေလံပွဲများတွင် စံချိန်တင်ရောင်းချ နိုင်ခဲ့သည် သဘာဝ စိန်ပွင့်ကြီးများ။

The definitive list of the most valuable, most incredible, and record-breaking diamonds and diamond jewelry sold at auction in 2023.