03/08/2025
US နှင့် ဥရောပတို့မှာ အချိန်တစ်နာရီ တိုးတယ် နောက်ဆုတ်တယ်ဆိုတာ ဘာလဲ?
Daylight Saving Time (DST) ဆိုတာ နိုင်ငံအချို့မှာ နွေရာသီအတွင်း နေ့ချင်းလင်းချိန်ကို ပိုမိုအသုံးချနိုင်စေရန် နာရီကို တစ်နာရီရှေ့ပြောင်းသတ်မှတ်ခြင်း ဖြစ်ပါတယ်။ အဓိက ရည်ရွယ်ချက်ကတော့ အလုပ်လုပ်ချိန်နဲ့ နေ့ရောင်ခြည်ကို အမြန်ဆုံးကိုက်ညီစေရန်ဖြစ်ပြီး အလင်းရောင်အသုံးပြုမှု မြှင့်တင်နိုင်ခြင်းကြောင့် လျှပ်စစ်စွမ်းအင်အသုံးစရိတ် လျှော့ချပေးနိုင်ပါတယ်။
Daylight Saving Time ဘယ်လိုအလုပ်လုပ်လဲ?
• နွေရာသီမတိုင်မီ (Spring Forward)
မတ်လ ဒုတိယတနင်္ဂနွေနေ့ (အမေရိကန်၊ အချို့သောနိုင်ငံများ) သို့မဟုတ် မတ်လနောက်ဆုံးတနင်္ဂနွေနေ့ (ဥရောပ) တွင် နာရီကို တစ်နာရီရှေ့ချိန်ဆ ထားသည်။ ဥပမာ – မနက် ၂:၀၀ မှာ ၃:၀၀ ဖြစ်သွားမည်။
• ဒီအတွက် ညအိပ်ချိန် တစ်နာရီပျောက် သွားသည်။
• ဆောင်းရာသီမတိုင်မီ (Fall Back)
အောက်တိုဘာနောက်ဆုံးတနင်္ဂနွေနေ့ (ဥရောပ) သို့မဟုတ် နိုဝင်ဘာ ပထမတနင်္ဂနွေနေ့ (အမေရိကန်) တွင် နာရီကို တစ်နာရီနောက်ဆုတ် ထားသည်။ ဥပမာ – မနက် ၂:၀၀ မှာ ၁:၀၀ ပြန်ဖြစ်သွားမည်။
• ဒီအတွက် ညအိပ်ချိန် တစ်နာရီပိုရ သွားသည်။
Daylight Saving ကို ဘာလို့သုံးတာလဲ?
1. လျှပ်စစ်စွမ်းအင်သုံးစွဲမှု လျှော့ချနိုင်ခြင်း – အလင်းရောင်ထွန်းခင်းချိန်ကို ပိုမိုအသုံးချနိုင်သဖြင့် လျှပ်စစ်မီးသုံးစွဲမှု နည်းနိုင်သည်။
2. လုပ်ငန်းစီးပွားအတွက် အကျိုးရှိခြင်း – နေ့အလင်းရောင်ကြောင့် စီးပွားရေးလုပ်ငန်းများ (Shopping, Restaurants) ပိုမိုအကျိုးရှိသည်။
3. အသွားအလာအတွက် အဆင်ပြေခြင်း – နေမဝင်မီအချိန်တွင် လူများအလုပ်မှပြန်လာနိုင်ခြင်းကြောင့် မတော်တဆမှုများ လျှော့ချနိုင်သည်။
Daylight Saving ကို ဘယ်နိုင်ငံတွေသုံးလဲ?
• အမေရိကန် (Hawaii, Arizona မှလွဲ၍)
• ကနေဒါ
• ဥရောပနိုင်ငံအချို့
• အယ်စထေးလျား
• နယူးဇီလန်
• တခြားနိုင်ငံများ
အာရှနှင့် အာဖရိကနိုင်ငံများသည် သဘာဝအလင်းရောင်အချိန်ညှိနိုင်းမှု မလိုအပ်သည့်အတွက် Daylight Saving ကို မသုံးကြပါ။
Daylight Saving ကို ယခုအခါ ပယ်ဖျက်လိုက်ကြပြီလား?
မကြာသေးခင်က ဥရောပသမဂ္ဂ (EU) မှ ၂၀၂၁ ခုနှစ်တွင် Daylight Saving ကို ပယ်ဖျက်ရန် ဆုံးဖြတ်ခဲ့ ပြီဖြစ်သည်။
အမေရိကန်တွင်လည်း Sunshine Protection Act ဆိုသည့် ဥပဒေကို ပြဌာန်းရန် ကြံစည်နေသည်။
Daylight Saving သည် အချို့သောနိုင်ငံများတွင် အကျိုးရှိခြင်း နှင့် မလိုအပ်တော့ခြင်း ကြားကွာခြားမှုများကြောင့် ဆွေးနွေးနေဆဲ ဖြစ်သည်။
